logo

иқтисод

ХИЗМАТИ ДАВЛАТӢ. ДАСТГИРИИ ҶАВОНОН ДАСТГИРИИ ҶОМЕА АСТ

Тайи солҳои охир дар ҷумҳурӣ тавассути талошҳои пайвастаи Ҳукумати кишвар сафи мансабдорон ва хизматчиёни давлатӣ аз ҳисоби ҷавонони фаъол рӯ ба болоравӣ ниҳодааст. Ҷавонони боистеъдод имрӯз вазифаҳои масъулиятноки давлатиро иҷро намуда, дар пешрафту тараққиёти кишвар саҳм мегузоранд. Онҳо неруи азим ва ояндаи ҷомеа, ҳалқаи ногусастании пайванди наслҳои башар, рамзи ҳастии миллат ва имрӯзу фардои он буда, собитқадамона ба ҳаёти ҷамъиятию сиёсии кишвар ворид мегарданд.
Бино ба иттилои Ҷумъа Давлатов, раиси Агентии хизмати давлатии назди Президенти Ҷумҳурии Тоҷикистон, шумораи ҷавонони то 35 – сола, ки хизматчии давлатӣ ҳастанд,  8525 нафарро ташкил медиҳад. Аз 5670 мансаби роҳбарикунанда 1345 адади онро ҷавонон ишғол мекунанд. Шумораи ҷавонон дар хизмати давлатӣ нисбат ба соли пешӣ 33 нафар зиёд шудааст. 
- Теъдоди ҷавонони мансабдор дар дастгоҳи Маҷлиси миллӣ, Ваколатдор оид ба ҳуқуқи инсон, Суди Конститутсионӣ, Суди Олӣ,  Агентии хизмати давлатӣ, Агентии омор, Агентии Тоҷикстандарт,  вазоратҳои корҳои хориҷӣ, адлия, меҳнат, муҳоҷират ва шуғли аҳолӣ, энергетика ва захираҳои об, молия, рушди иқтисод ва савдо, саноат ва технологияҳои нав, шаҳру ноҳияҳои Истиқлол, Шаҳринав ва Роғун мутаносибан аз 40 то 86 дарсадро ташкил медиҳад. Ба мансабҳои роҳбарикунанда пешбарӣ намудани ҷавонони фаъол соли 2017 ва солҳои оянда низ идома хоҳад ёфт, - гуфт Ҷ. Давлатов.
Вобаста ба иҷрои талаботи қонунгузорӣ оид ба хизматчии давлатӣ аз ҷониби агентӣ соли гузашта дар мақомоти иҷроияи маҳаллии ҳокимияти давлатии ноҳияҳои Темурмалик, Мир Сайд Алии Ҳамадонӣ, Вахш, Бохтар, Рӯдакӣ, Файзобод, Вазорати кишоварзӣ, хадамотҳои назорати давлатии бойторӣ, фитосанитарӣ ва карантинии рустанӣ, зотпарварӣ, бозрасиҳои назорати давлатии тухмӣ, техникаи кишоварзӣ ва сохторҳои маҳаллии онҳо дар вилоятҳо ва шаҳру навоҳии мамлакат ва дигар мақомоти давлатӣ санҷиш гузаронда шуд. Маълум гардид, ки дар мақомотҳои зикршуда ҳолатҳои риоя нагардидани талаботи қонунгузорӣ оид ба хизматчии давлатӣ, аз ҷумла масъалаҳои алоҳидаи баргузории озмунҳо, талаботи раванди аттестатсияи хизматчиёни давлатии маъмурӣ, риоя нагардидани талаботи тахассусӣ, ҷойивазкунии кадрҳо, талаботи таҳияи дастурамалҳои мансабӣ, пешбурди парвандаҳои шахсӣ, тартиби ба вазифа таъйин ва аз вазифа озод намудани роҳбарони сохторҳои мақомоти иҷроияи маҳаллии ҳокимияти давлатӣ ҷой доранд.
Бо талошҳои Ҳукумати Ҷумҳурии Тоҷикистон ва дарёфти сарчашмаҳои нави маблағгузорӣ тайи солҳои Истиқлолияти давлатӣ музди меҳнати хизматчиёни давлатӣ бамаротиб боло рафтааст. Соли 2000 музди миёнаи маоши хизматчиёни давлатӣ 29 сомониро ташкил медод. Ин рақам солҳои 2010 ба 599,56 сомонӣ, 2015 ба 905,26 сомонӣ ва 2016 ба 1005  сомонӣ расонда шуд.
Дастгирии ҷавонони пешсаф дар оянда низ равнақ ёфта, боиси фарох гардидани доираи фаъолият, имконоти илмомӯзӣ, ишғоли мансабҳои роҳбарикунанда ва ба ин васила баланд бардоштани таҷрибаи кории онҳо мегардад. Зеро эътимод ба ҷавонон дили онҳоро ба кор гарму садоқаташонро зиёд месозад.
Лашкар ШАРИФЗОДА, “Ҷумҳурият”


Баёни ақида (0)    Санаи нашр: 11.02.2017    №: 33    Мутолиа карданд: 2332

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед