logo

мулоқотҳо

Тоҷикистону Қирғизистонро ҳазорон риштаҳо бо ҳам мепайванданд

Президенти Ҷумҳурии Тоҷикистон Эмомалӣ Раҳмон 6 августи соли 2009  вазири корҳои хориҷии Ҷумҳурии Қирғизистон Қадирбек Сарбаевро, ки барои иштирок дар нахустин ҷаласаи Шӯрои вазирони корҳои хориҷии Тоҷикистону Қирғизистон ба шаҳри Душанбе омадааст, ба ҳузур пазируфт. Дар мулоқот масоили ҳамкории гуногунҷанбаи ду кишвар баррасӣ шуд.
«Қирғизистон барои Тоҷикистон дӯсти содиқ ва шарики боэътимод аст, ки бо он моро ҳазорон риштаҳои ногусастании дӯстӣ ва ҳамсоягии накӯи бисёрасра пайванд месозанд», изҳор дошт дар оғози сӯҳбат Сардори давлати Тоҷикистон Эмомалӣ Раҳмон.
Аз рушди муносибатҳои дӯстию ҳамкорӣ ва пайвастагии робитаҳо, аз ҷумла дар сатҳи олии сиёсӣ изҳори қаноатмандӣ карда шуд.
Таъкид гардид, ки корҳо барои омода кардани ҷаласаи якуми Шӯрои байнидавлатии Тоҷикистону Қирғизистон, ки бояд дар сатҳи сарони давлатҳо сурат бигирад, дар марҳилаи анҷомёбӣ қарор доранд.
Таҳкиму густариш додани ҳамгироӣ баҳри рушди ҳамкории минтақавӣ дар соҳаҳои нақлиёту роҳсозӣ, гидроэнергетика, саноати кӯҳӣ ва таъмини амнияту субот аз самтҳои асосии муносибатҳои ду кишвари ҳамсоя маънидод гардид.
Ҳар ду ҷониб устувории мавқеи  худро баҳри пайвастани хатҳои интиқоли нерӯи барқ ва роҳҳои оҳану мошингарди ду кишвар   ба шабакаҳои барқию нақлиётии Осиёи Ҷанубӣ ва Осиёи Шарқӣ аз тариқи кишварҳои Чин ва Афғонистону Покистон бори дигар таъкид намуданд.
Дар мулоқот ҳамчунин оид ба дигар мавзӯъҳои мавриди таваҷҷӯҳ гуфтугӯ сурат гирифт.


Ҷаласаи нахустини дарпешистодаи Шӯрои олии байнидавлатии ҳамоҳангсозии сарони давлатҳои Қирғизистону Тоҷикистон мувофиқи паймони ҳосилшуда соли равон дар Ҷумҳурии Қирғизистон доир мегардад. Замони дақиқи баргузории он бо роҳҳои дипломатӣ муайян мешавад.
Дар ин хусус Қодирбек Сарбаев, вазири корҳои хориҷии Ҷумҳурии Қирғизистон, ки ҷиҳати иштирок дар нахустин ҷаласаи Шӯрои вазирони корҳои хориҷии Қирғизистону Тоҷикистон ба Душанбе ташриф овардааст, пас аз мулоқот бо Эмомалӣ Раҳмон, Президенти Ҷумҳурии Тоҷикистон, ба намояндагони воситаҳои ахбори омма иттилоъ дод.
Ба гуфти роҳбари идораи сиёсати хориҷии Қирғизистон масоили мавриди баҳси ҷаласа ба рушди ҳамаҷонибаи ҳамкориҳои иқтисодиву тиҷорӣ, илмӣ, фарҳангӣ ва иҷтимоии ҳар ду кишвар мусоидат хоҳанд кард.
Мо бо Ҷаноби Олӣ, Сардори давлати Тоҷикистон, инчунин дар бораи рафти омодагӣ ба ҷаласаи 9-уми Комиссияи байниҳукуматии Тоҷикистону Қирғизистон, ки 29-30 сентябри соли равон дар шаҳри ӯши Қирғизистон баргузор мегардад, табодули назар намудем. Масоили вобаста ба авзои минтақа ва ҷаҳон, низ ки бошитоб тағйир меёбад, дар маркази таваҷҷӯҳи мо қарор дошт.
Қадирбек Сарбаев дар робита ба мулоқотҳои сеҷонибаю чорҷонибаи сарони давлатҳои Афғонистон, Покистон, Русия ва Тоҷикистон ибрози назар намуда, аз ҷумла гуфт, ки онҳо дар раванди пойдории амният, субот ва рушди минтақа нақши созанда доранд.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 480

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед