logo

сиёсат

ҶАЛАСАИ КОМИССИЯИ ДАВЛАТИИ ҲУКУМАТИ ҶУМҲУРИИ ТОҶИКИСТОН ОИД БА ҲОЛАТҲОИ ФАВҚУЛОДА

10 феврал таҳти раёсати Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷаласаи Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода баргузор гардид. Дар ҷаласа аъзои Ҳукумати мамлакат, роҳбарияти Дастгоҳи иҷроияи Президенти Ҷумҳурии Тоҷикистон ва вазорату идораҳои дахлдор, раисони вилоятҳо ва як қатор шаҳру ноҳияҳои ҷумҳурӣ иштирок намуданд.

Дар оғоз Президенти Ҷумҳурии Тоҷикистон, Раиси Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода муҳтарам Эмомалӣ Раҳмон аз афзоиши ҳодисаҳои табиӣ дар давоми панҷ соли охир, ки талафоти ҷонӣ ва хисороти зиёди иқтисодӣ дар пай гузоштаанд, изҳори таассуф карда, бартараф намудани оқибатҳои офатҳои табиӣ, пешгирӣ аз ҳама гуна хавфу хатарҳои ба рушди иқтисодиёти мамлакат таъсиррасон ва дастгирию кумаки ҳамаҷонибаи аҳолии зарардидаро аз тадбирҳои меҳварӣ ва муҳими сиёсати пешгирифтаи роҳбарияти давлату Ҳукумати Ҷумҳурии Тоҷикистон арзёбӣ намуданд.
Доир ба ҳодисаҳои табиии рӯзҳои охир ва тадбирҳои таъҷилии сохторҳои масъули давлатӣ дар амали бартарафсозии оқибатҳои фалокатбори офатҳои табиӣ дар минтақаҳои гуногуни кишвар Сарвазири мамлакат, муовини якуми Раиси Комиссияи давлатии Ҳукумати Ҷумҳурии Тоҷикистон оид ба ҳолатҳои фавқулода Қоҳир Расулзода гузориш дод.
Тавре таъкид гардид, бар асари боришоти аз ҳад зиёди барф ва фаромадани тарма дар минтақаҳои баландкӯҳ, вазъ дар ин минтақаҳо ва шоҳроҳҳои асосии мамлакат мураккаб шуда, ин ҳолат боиси хисороти зиёди иқтисодӣ ва талафоти ҷонӣ гардид. Сарвазири мамлакат изҳор дошт, ки дар чунин рӯзҳои сахт вазъияти баамаломада пайваста таҳти назорат ва таваҷҷуҳи бевоситаи Пешвои миллат муҳтарам Эмомалӣ Раҳмон қарор гирифта, дар доираи дастуру супоришҳои Сарвари давлат тамоми имконоту иқтидорҳои мавҷудаи кишвар ба рафъи оқибатҳои боришоти зиёди барфу борон, селу обхезиҳо, тармафароӣ ва дигар ҳодисаҳои геологию гидрологӣ сафарбар карда шуданд.
Дар ҷаласа, ҳамчунин доир ба вазъи кунунии минтақаҳои зарардида ва тадбирҳои аввалиндараҷа дар самти пешгирӣ ва бартарафсозии оқибатҳои офатҳои табиии рӯзҳои охир ҳисоботи роҳбарони Кумитаи ҳолатҳои фавқулода ва мудофиаи гражданӣ, Вазорати нақлиёт, Агентии беҳдошти замин ва обёрӣ, ширкати «Иновайтив Роуд Салюшенс», раисони Вилояти Мухтори Кӯҳистони Бадахшон ва вилоятҳои Хатлону Суғд шунида шуд.
Зикр гардид, ки бо дастуру супоришҳои бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати бартарафсозии оқибатҳои табиӣ, хусусан наҷоти одамон, таъмини амнияту бехатарӣ дар минтақаҳои хатарнок, дар ҳолати корӣ нигоҳ доштани иншооти роҳу нақлиёт, дигар иншооти муҳими хоҷагии халқ ва пешгирӣ аз ҳама омилҳои ба иқтисодиёт ва аҳолии мамлакат зиёновар тадбирҳои таъҷилӣ амалӣ гардида, кори ситодҳои ҳолатҳои фавқулодаи шаҳру ноҳияҳо тақвият бахшида шуданд.
Дар ҷаласа Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон суханронӣ карда, ҷиҳати бартарафсозии мушкилоту монеаҳои мавҷуда ва таъмини фаъолияти бонизоми мақомоти давлатӣ дар самти татбиқи сиёсати давлатии Ҷумҳурии Тоҷикистон оид ба ҳолатҳои фавқулода ва мудофиаи гражданӣ аъзои Комиссияи давлатӣ, роҳбарони вазорату идораҳо ва раисони мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон, вилоятҳо ва шаҳру ноҳияҳои мамлакатро вазифадор намуданд. Аз ҷумла, дастур дода шуд, ки барои дар муҳлатҳои кӯтоҳ бартараф намудани мушкилот дар роҳҳои автомобилгарди мамлакат, тоза кардани иншооти роҳу нақлиёт аз  барфу  тарма,  таҳияи  нақшаи нави сохтмони иншооти ҳимоявӣ дар шоҳроҳҳое, ки аз мавзеъҳои баландкӯҳ мегузаранд, тақвияти корҳои соҳилмустаҳкамкунӣ дар ҳама минтақаҳои хавфнок ва расондани ёрию дастгирии ҳамаҷонибаи аҳолии зарардида, хусусан оилаҳои наздиконашонро дар натиҷаи ин ҳодисаҳои табиӣ аз даст дода, тадбирҳои таъхирнопазир андешида шавад.
Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба сохторҳои марбута барои вусъат бахшидани корҳои наҷотдиҳӣ ва беҳдошти ҳолати омодабошии наҷотдиҳандагони дастаҳои зудамал дар вилояту минтақаҳо, таҳияи нақшаи чорабиниҳои пешгирӣ аз ҳолатҳои фавқулода, ташкили ҷадвали навбатдории шабонарӯзӣ дар минтақаҳои хавфнок ва омӯзишу таҳлили вазъи пиряхҳо, кӯлҳо ва захираҳои барф дар қаламрави мамлакат то давраи гарм шудани ҳарорати ҳаво дастуру супоришҳои мушаххас доданд. Ҳамчунин, роҳбарони вазорату идораҳои дахлдори мамлакат вобаста ба ҳалли масъалаҳои кӯчондани аҳолӣ аз мавзеъҳои хавфнок, ҷалби шарикону ҳамкорони байналмилалӣ ба раванди бартарафсозии оқибатҳои офатҳои табиӣ дар Тоҷикистон ва пешгирӣ аз амалҳои ғайримақсаднок ҳангоми тақсимоти захираҳои давлатӣ ва кумакҳои башардӯстона ба аҳолии зарардида вазифадор гардиданд.
Аз масъулини соҳаҳои дахлдор,  ҳамзамон омодагии ҳамаҷониба ба мавсими гармо, ки эҳтимолияти ба вуқӯъ пайвастани офатҳои табиӣ бештар мегарданд, тақвияти корҳои соҳилмустаҳкамкунӣ дар минтақаҳои нисбатан хавфнок бо ҷалби иқтидору имконоти мавҷуда ва нерую тавони аҳолии маҳаллӣ бо роҳи гузаронидани ҳашарҳои оммавӣ, ба миқдори зарурӣ нигоҳдорӣ ва захира намудани техникаҳои корӣ, сӯзишворию маводи ғизоӣ ва васеъ ба роҳ мондани корҳои фаҳмондадиҳию ҳамарӯза огоҳ кардани аҳолӣ аз вазъи обу ҳаво ва эҳтимолияти ба вуқӯъ омадани ҳар гуна ҳодисаҳои фавқулода тавассути васоити ахбори омма талаб карда шуд.


Баёни ақида (0)    Санаи нашр: 11.02.2017    №: 33    Мутолиа карданд: 2291

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед