logo

иқтисод

НИҲОЛШИНОНӢ. КАДОМ НОЗУКИҲОРО БОЯД ДОНЕМ?

Ба саволи хабарнигори «Ҷумҳурият» дар ин мавзӯъ директори Институти боғпарварӣ ва сабзавоткории АИКТ, доктори илмҳои кишоварзӣ Ҳикматулло Назиров чунин посух дод:
- Иқлиму хоки Ҷумҳурии Тоҷикистон ба парвариши қариб ҳамаи намуди дарахтони мевадиҳанда мувофиқ аст. Боғпарварон аз имкони мувофиқ ва қоидаҳои мавҷудаи боғдорӣ истифода бурда, пеш аз бунёди боғ, ки барои даҳсолаҳост, бояд иҷрои корҳои зеринро ба ҷо оранд:
- интихоби дурусти замин (аҳамият додан ба тарҳи (релйефи) он, ба ҳамворӣ, нишебиҳо ва талу теппаҳо);
- тайёр кардани замин барои бунёди боғ (шудгори замин дар чуқурии на кам аз 60 – 70 см, бо ёрии плугҳои плантажӣ ва тахту ҳамворсозии он).
Баъди пурра тайёр шудани замин имкони шинондани ниҳол фаро мерасад. Дар ин марҳала интихоби дурусти навъҳо аз аҳамият холӣ нест, зеро ояндаи боғ, ҳосилнокӣ ва нашъунамои ниҳол ба шароити маҳал, навъ ва минтақабоб будани он вобастагии зич дорад.
Барои шинондани ниҳолҳои дарахтони мевадиҳанда чуқуричаҳои андозааш 0,5 - 0,6 м кандан зарур аст. Фосилаи байни ниҳолҳоро бояд заминдорон интихоб намоянд, аммо аз нишондоди тавсияҳо кам набошад. Муҳлати кандани он дар водиҳо фасли тирамоҳ мебошад.
Ба чуқурии тайёр хоки ҳосилхез ва 1 кг нурии органикӣ (поруи куҳна) андохтан фоидаовар аст.
Дар шароити кишвари мо истифодабарии нуриҳои  органикӣ  ҳангоми   шинондани ниҳолҳо, ба сабзиш ва зуд ба ҳосилдароии онҳо мусоидат   мекунад, вале пору аз   меъёр   набояд зиёд  истифода гардад, зеро ба  пӯсиши реша  оварда  мерасонад. Истифодаи  поруи  нав  ҳангоми  ниҳолшинонӣ  тавсия  дода  намешавад.
Муҳлати шинондани  ниҳолҳо ба ҷойгиршавии   минтақаҳо  аз  сатҳи  баҳр вобаста   мебошад. Дар водиҳо баробари  баанҷомрасии мавсими хазонрези дарахтон, охири ноябр  оғоз  гардида, то  нимаи  дуюми  моҳи  март  давом  мекунад. Дар  минтақаҳои   кӯҳӣ   ва  наздикӯҳӣ  (дар баландиҳои  зиёдтар аз  1200 м  аз сатҳи баҳр)  шинондани  ниҳол  аз  охири  феврал  то  аввалҳои  апрел  тавсия  дода  мешавад.
Хоҷагидороне, ки дар мавзеи калон боғ бунёд мекунанд, пеш аз шинондан  аз омехтаи поруи  чорво  ва хок шарбатоб тайёр карда,  ниҳолро на кам аз 3 - 4 соат бояд дар он нигоҳ  доранд. Шарбатобро чунин  тайёр  кардан  мумкин  аст:  се ҳисса  поруи  нави  чорво, як  ҳисса  хок  ва  панҷ -  шаш  ҳисса  об.  Ҳаминро  дар хотир  бояд нигоҳ дошт, ки  ниҳоли аз  шарбатоб  гирифтаро зуд шинондан  зарур аст.  Муддати зиёд дар ҳавои кушод нигоҳ доштани ниҳол ба хушкшавии реша ва мӯякрешачаҳо  оварда мерасонад.  Бо истифодаи шарбатоб шинондан сабзиши  хуби  ниҳолҳоро  таъмин  мекунад. 
Қоидаи дигар ба назар гирифтани қисми пайвандшудаи гарданаки реша ҳангоми ниҳолшинонӣ мебошад. Ниҳолро тарзе бояд  шинонд, ки қисми пайвандшуда аз қабати хок на кам аз 3 - 4 см боло бошад. Пас аз шинондани ниҳол навдаҳои онро ба андозаи 60 - 70 см аз сатҳи  хок боло бурида партоянд.
Ниҳолшинонӣ дар замини лой тавсия дода намешавад. Дар об на кам аз 1 шабонарӯз нигоҳ доштани ниҳол аз манфиат холӣ нест.
Мирзои ФИРӮЗ, «Ҷумҳурият»


Баёни ақида (0)    Санаи нашр: 14.02.2017    №: 34    Мутолиа карданд: 2078

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед