logo

иҷтимоиёт

РӮЗГОРЕ БАРОИ ИБРАТ. ЁДИ НЕКЕ АЗ МАЗҲАБШО МУҲАББАТШОЕВ, СОБИҚ САРМУҲАРРИРИ "ҶУМҲУРИЯТ" (СОЛҲОИ 1987-1995)

Бешак, сарварӣ дар нахустин рӯзномаи кишвар, ки ҳолиё номи «Ҷумҳурият» - ро дорад, аз оғоз осон набуд. Он шинохти бузурги масъулият ва ҳамзамон худфидоиро тақозо дошт.

Мазҳабшо Муҳаббатшоев дар даврони аз ҳама вазнину печидаи мамлакат сарвари ин рӯзномаи бонуфуз таъйин гардид.
Дар замоне, ки миллату кишвар дар дуроҳаи ҳастӣ ва нестӣ қарор дошт. Душманони он мехостанд номи Тоҷикистонро аз харитаи дунё барои ҷовидон бибардоранд. Барои ба амал баровардани ин мақсад аз ҳеҷ чиз рӯ намегардонданд, ба ҳар сурат меомаданд, ки шинохташон ҳеҷ ба осонӣ даст намедод.
Ҳодисаҳои хунини Баҳманмоҳ ва ҷанги шаҳрвандӣ бори дигар собит сохтанд, ки пояҳои давлатдорӣ дигар мустаҳкам нест ва гурӯҳҳои аз берун идорашаванда зимоми онро ба дасти худ гирифтан мехоҳанд.
Матбуот аз рӯи талаботе, ки дорад, бояд ҳамқадами замон бошад. Вале, дар ин ҳол на танҳо ҳамқадам будан зарур буд, балки бояд бештару пештар гом мегузошт ва бо дарёфти мавқеи дуруст ва ҳақиқат огоҳ месохт, ки ба куҷо ва чаро равонем. Мусаллам аст, ки сарвари рӯзнома дар чунин ҳол, пеш аз ҳама, дониши сиёсӣ, таҷрибаи ғанӣ ва маҳорати сарварию роҳбарӣ медошт, то вазъро хуб бишиносаду дуруст тадбирандешӣ карда тавонад. Мазҳабшо Муҳаббатшоев дар ин маврид беҳтарин сарвару роҳбари рӯзнома буд. Дар мудҳиштарин рӯзҳо мавқеи дурусти рӯзнома ва аҳли эҷоди онро нигоҳ дошт. Ҷанг мерафт ва садои тиру тӯп ба гӯш мерасид, аммо «Ҷумҳурият» нашр мешуд. Ҳақиқатро бепарда баён медошт ва ба сулҳу салоҳ, пойдории давлату кишвар даъват мекард, мардумро умедвор месохт, ки ин миллати пароканда боз ба ҳам меояд ва сарзамини аҷдодӣ ободтару дилработар мегардад.
Мазҳабшо Муҳаббатшоев тавонист дар замони сардабирияш беҳтарин анъанаҳоро, ки аз нахустин соли барориш дар ин рӯзномаи рақами яки миллат вуҷуд доштанд, нигоҳ бидорад ва навоварӣ низ бинамояд. Мактаби рӯзнома, ки устодони забардаст дар рӯзгори пешин бунёд карда буданд, пойдор монд. Ба маърифати рӯзноманигорӣ ва сайқали маҳорати аҳли эҷод таваҷҷуҳи махсус зоҳир мекард. Бо дасту дили пок, шуҷоату фидокорӣ, баёни сухани ҳақу созанда хидмат ба миллату Ватанро барои худ шараф медонист ва дар ҳамин рӯҳия рӯзноманигоронро дар ин мактаб тарбия менамуд. Масъалаҳои муҳими давр, мушкилоти ҷомеаро зуд ва хуб дарк мекард. Ба арзишҳои миллӣ, хосса фарҳангу забони он эҳтироми зиёд мегузошт. Ба сарнавишти инсонҳо ва кормандони рӯзнома бетафовут набуд. Барои баланд бардоштани сатҳи рӯзнома пайваста саъю кӯшиши беандоза ба харҷ медод. На танҳо дӯст медошт, ки ҳар коргари эҷодӣ барои ҷолибу хонданӣ шудани ҳар саҳифаи рӯзнома ташаббус зоҳир бикунад, балки онҳоро ба иҷрои ин кори хайр ҳидоят менамуд. Дар баробари он ки чун ходими адабӣ, котиби масъул ва сармуҳаррири рӯзнома дар солҳои гуногун шуҳрати зиёд дошт, ҳамчунин чун рӯзноманигори асил ва боистеъдод шинохта шуда буд. Ӯ то ба охири умри пурсамари худ қаламро ҳеҷ аз даст нагузошт ва бори дигар собит сохт, ки ба пешаи рӯзноманигорӣ садоқати зиёди маҳвношуданӣ дорад. Яъне, ба ин миллат, ба ин кишвар ва дар маҷмӯъ ба тамоми инсонҳо ба хотири пойдорӣ, ободӣ, ҳастии зебову сазовор хидмат мекунад.
Марг ҳам гӯё ба поси ин хидматҳои арзандаву сазовор, худфидоӣ ӯро ҷисман бурду рӯҳан бо мо гузошт ва ҳам раво надид, ки ному ёди некашро аз лавҳаҳои хотир бизудояд.
Абдулқодири РАҲИМ, «Ҷумҳурият»


Баёни ақида (0)    Санаи нашр: 15.02.2017    №: 35    Мутолиа карданд: 1775

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед