logo

энергетика

Чаро нархи барқ баланд шуд?

Бо  қарори Ҳукумати Ҷумҳурии Тоҷикистон таҳти  №433  дар ҷумҳурӣ аз 1 август нархи  нерӯи барқ  25 фоиз баланд бардошта шуд.
Мутобиқи дастури созмонҳои байналмилалии молиявӣ, аз ҷумла Бонки ҷаҳонӣ ва Хазинаи байналмилалии асъор бояд дар ҷумҳурӣ то соли 2010 қимати ҳар киловатт. соат нерӯи барқ ба 2,5 сент расонида шавад. Аҳолии кишвар акнун барои истифодаи ҳар киловатт.соат нерӯи барқ 7,5 дирам маблағ месупорад. Ин тадбир дар заминаи зина ба зина зиёд намудани нархи барқ дар кишвар ҷиҳати ба нархи барқи Ҷумҳуриҳои Осиёи Марказӣ ва давлатҳои узви ИДМ баробар намудани он аст. Ёдовар мешавем, ки нархи барқ дар кишвари мо нисбат ба тамоми кишварҳои ҳамсоя ба маротиб арзон буд ва баъди афзоиши нархи он ҳам ҳанӯз арзон боқӣ мемонад.
Шояд суоле ба миён ояд, ки созмонҳои байналмилалии асъор чӣ ваколат доранд, ки барои баланд бардоштани нархи нерӯи барқ дар кишвари мо дастур медиҳанд? Гап сари он аст, ки дар Тоҷикистон соҳаи барқ ба маблағгузории ин созмонҳо эҳтиёҷи калон доранд ва дар як вақт, дар ҳоли арзон будани нерӯи барқ хоҳишмандони маблағгузории ин соҳаи энергетика хеле кам пайдо мегарданд. Ба пиндори  мутахассиси пешбари соҳаи энергетикаи минтақаи Аврупо ва Осиёи Марказии Бонки умумиҷаҳонӣ Рагувир Шарма, ки вазъи энергетикии кишвари моро мавриди омӯзиш қарор додаст, бо назардошти вазъи имрӯзаи соҳаи гидроэнергетика, ки ба таҷдиду офият хеле ниёз пайдо кардаааст, имрӯз дар Тоҷикистон  ҳар киловатт. соат нерӯи барқ ба ҳисоби миёна бояд камаш 4 сент нарх дошта бошад. ӯ ақида дорад, ки зиёд кардани нархи нерӯи барқ боиси беҳбудӣ бахшидан ба таъминоти барқ мегардад. Мувофиқи назарпурсие, ки Бонки умумиҷаҳонӣ дар байни аҳолии Тоҷикистон ва Қирғизистон гузаронидааст, мардум тайёранд барои барқ зиёдтар маблағ сарф намоянд, ба шарте сифати таъминоти он беҳтар гардад. Аммо барои беҳбудӣ бахшидан ба дараҷа ва сифати таъминот маблағ лозим аст. Арзонии тарифи барқ барои вусъати сохтмонҳои азими энергетикӣ низ халалҳо ворид менамояд.
Мувофиқи талаботи даврони бозаргонӣ нарху навои тамоми маҳсулоти истеъмолӣ баланд рафт, вале нархи барқ ҳанӯз ҳамчунон   хеле арзон боқӣ мондааст. Агар муқоиса намоем, нисбат ба дигар маҳсулоти талаботи аввалия, масалан орд, рӯған, ҳатто шаъму гӯгирд, нархи барқ арзон ва суръати афзоишаш пасттар аст. Барои муқоиса масалан дар даврони шӯравӣ нархи як қуттӣ гӯгирд 1 тин ва як киловатт.соат нерӯи барқ 4 тин буд. Яъне, бо як киловат.соат нерӯи барқ чор дона гӯгирд харидан мумкин буд. Ҳоло чӣ? Нархи як қуттӣ гӯгирд 10 дирам ва як киловатт.соат нерӯи барқ барои аҳолӣ 7,5 дирам аст. Яъне, бар ивази 1 кВт.соат нерӯи барқ як қуттӣ  гӯгирд ҳам харидан мумкин нест. 
Барқ ҳам барои аҳолӣ ва ҳам хоҷагии халқ маҳсулоти хеле муҳим ба шумор рафта, талабот ба он меафзояд. Аз дигар тараф, агар мо хоҳем, ки дараҷа ва сифати барқ мутобиқи талабот бошад, бояд хароҷоти маҳсулоти истеҳсолнамудаамон, яъне барқ, пӯшонида шавад. Аз ин лиҳоз, баланд бардоштани нархи барқ дар Тоҷикистон ба манфиати тамоми ҷомеа аст. Яъне акнун лозим меояд, ки барои равнақи ин соҳаи барои ҳамаамон муҳим ва даркорӣ ва ба хотири таъминоти худамон андаке зиёдтар маблағ сарф намоем. Тавре, ки агар орди сафед харидан хоҳем, зиёдтар пул мебарорем. Ин афзоиши нархи барқ, мутмаъинем, охируамр ба манфиати кор хоҳад шуд
 Ёдовар мешавем, ки бо назардошти бӯҳрони умумиҷаҳонии молиявӣ, як марҳилаи баланд кардани нархи барқ, ки бояд моҳи май сурат мегирифт, бо дастури Ҳукумати Ҷумҳурии Тоҷикистон сарфи назар гардида буд.
Дар айни замон ягона илоҷи аз ҳад зиёд хароҷот нашудани маблағ барои нерӯи барқ сарфакорона аз он истифода бурдан аст.

Н. Ёдгорӣ,
сардори умури матбуоти ШСХК «Барқи тоҷик»


Баёни ақида (0)    Санаи нашр:    №:    Мутолиа карданд: 962

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед