logo

ҳуқуқ

ҶИНОЯТ ВА ҶАЗО

Аз дуздии барқ то талаби пора
Кормандони мақомоти қудратӣ дар ҳамкорӣ  бо сохторҳои  дигари кишвар якчанд ҷинояти хусусияти иқтисодию молиявӣ доштаро ошкор намуданд

Ба ҷойи сарфа – дуздӣ
Гурӯҳи кории аз ҳисоби кормандони ВКД ва мутахассисони соҳаи барқ таъсисёфта зимни санҷиши вазъи  истифодаи неруи барқ якчанд ҳолати худсарона ва пинҳонӣ (ғайриқонунӣ) кашидани хати барқро  ба хонаҳои истиқоматӣ ва нуқтаҳои хизматрасонӣ  ошкор намуд, - иттилоъ додааст маркази матбуоти Вазорати корҳои дохилӣ.
Шаҳрванд  Абдураҳмон Бобохонов, соли таваллудаш 1956, сокини шаҳри Душанбе, аз симчӯб хати ниҳонии барқ кашида, дар муддати 7 сол 272160 киловатт қувваи барқро ғайриқонунӣ истифода бурдааст ва ба ШСХК «Барқи тоҷик» ба маблағи 292 ҳазор сомонӣ зарари моддӣ расондааст. Шаҳрванд Ҷамшед Ғуломов, соли таваллудаш 1968, сокини кӯчаи Қосимоваи  шаҳри Душанбе, бо роҳи дар ошхона ва нонпазхонааш кашидани  хати пинҳонии ғайриқонунии барқ ба ширкати «Барқи тоҷик» ба маблағи 18275 сомонӣ зарари моддӣ овардааст. Муҳаббат Бӯриева, соли таваллудаш 1982, сокини ноҳияи Исмоили Сомонии пойтахт, қувваи барқро бо роҳи дуздӣ  - аз симчӯб кашидани хати пинҳонии барқ (бе ҳисобкунаки барқӣ) истифода бурдааст. Санҷиш, ҳамчунин, дуздии барқ аз ҷониби сокинони дигари пойтахт, ҷой доштани ҳолатҳои ғайрисанитарию гигиенӣ дар корхонаю муассисаҳо, истифода намудани асбобҳои зиёди худсозу ғайристандартии барқ ва лампаҳои тафсон, риоя нагардидани қоидаҳои зиддисӯхторӣ, роҳ додан ба хавфи бевоситаи  ба амал омадани сӯхтор, дар дохили сипарҳои барқӣ  оташ гирифтани рӯйпӯши кабелу ноқилҳоро аз ҷониби соҳибкор Суннатулло Ёров  дар ошхонаи воқеъ дар бозори «Ганҷина», соҳибкор Рустам  Раҳимов дар ошхонаи хусусии воқеъ дар ҳудуди бозори «Шоҳмансур», соҳибкор Шералӣ  Тешаев дар дорухонаи воқеъ дар кӯчаи  Аҳмади Дониш  ва соҳибкорони дигар ошкор сохт.
 Нисбат ба қонуншиканҳо  санадҳои маъмурӣ тартиб дода, аз онҳо вобаста ба зарари расондаашон  ҷарима ситонда шуд. Санҷишҳои муштарак дар ин самт идома доранд.
 Ёдрас месозем,  чанде пеш муовини Сарвазири мамлакат Азим Иброҳим дар машварат бо роҳбарони шабакаҳои барқии шаҳр  аз фаъолияти онҳо  дар масъалаи сарфаи неруи барқ интиқод намуда, супориш дод, ки оид ба кам кардани коҳиши неруи барқ чораҳои фаврӣ ва қатъӣ андешида шаванд.

Тасарруфи пасандозҳо  дар филиали «Агроинвестбонк»
Ду корманди собиқи филиали ҶСК «Агроинвестбонк» дар ноҳияи Дарвози ВМКБ ба қаллобӣ ва азонихудкунии маблағи пасандозҳои шаҳрвандон гумонбар  дониста шуданд, - хабар додааст маркази матбуоти Агентии назорати давлатии молиявӣ ва мубориза бо коррупсия.
Беҳрӯз Саидов, ки хазинадори калони филиали бонк дар  ноҳияи Дарвоз шуда кор мекард, аз шаҳрванд Умбарова Олга Нурматовна, сокини ин ноҳия, 7400 доллари ИМА – ро барои нигоҳдорӣ дар бонк қабул намуд. Аммо Б.Саидов барои О. Умбарова  фақат дафтарчаи пасандоз тартиб дода, ҳуҷҷатҳои дигари тасдиқи пасандоз дар бонкро  сарфи назар намуд. Маблағи 7400 долларро ба қарзхоҳ Г. Суннатов (аз ӯ  қарздор буд) дод. Ҳамчунин, шаҳрванд Маҳмадкарим Худоиев, ки аввал вазифаи  сардор, пас иқтисодчии пешбари  филиали бонк дар ноҳияи  Дарвозро иҷро мекард, бо хазинадор Беҳрӯз Саидов забон як карда, 15 ҳазор сомонӣ маблағи шаҳрванд Маҳмадова Тиловатхон Аҳмадовнаро, ки бовар карда  ба онҳо барои мубодила ба асъори хориҷӣ супурда буд, тасарруф намуданд. Нисбат ба Б. Саидов ва М. Худоиев парвандаи ҷиноятӣ боз гардида, баъди анҷоми тафтишот ба мақомоти дахлдор  супурда шуд.

Мансабдор барои иншооту замин пора талаб мекард
Рустамзода Мирзоаҳмад Мирзо, ки дар вазифаи мудири шуъбаи идораи амволи давлатӣ дар вилояти Суғд кор мекард, моҳи майи соли 2015 аз шаҳрванд Ф. Бобоева барои харидории бинои санаторияи кӯдакона, воқеъ дар шаҳри Истаравшан 10 ҳазор доллар пора талаб кард. М. Рустамзода, ҳамчунин, ба шаҳрванд Ф. Бобоева бар ивази 5000 доллар ришва ба номи ӯ гузарондани 4,5 гектар қитъаи заминро  ваъда намуд. Дар ин бора хабар додааст маркази матбуоти Агентии назорати давлатии молиявӣ ва мубориза бо коррупсия.
 М. Рустамзода давоми  фаъолияти корӣ моҳи майи соли 2015 аз шаҳрванд Ҷ. Хайруллоев, ки оиди иштирок дар музояда вобаста ба фурӯши қисми бинои «Физиотерапевт» - и беморхонаи Ҷамоати деҳоти Ғӯлакандоз муроҷиат намуда буд, 210 ҳазор сомонӣ талаб намуд ва ин маблағро аз моҳи январ то моҳи марти  соли 2016 дар се ҳолат  аз они худ кард.
 Нисбати М. Рустамзода бо моддаи 247, қисми 4, банди «б» - и Кодекси  ҷиноятии Ҷумҳурии Тоҷикистон парвандаи ҷиноятӣ боз гардида,  тафтишот идома дорад.
 
Истеҳсоли доруҳои қалбакӣ
Кормандони Кумитаи давлатии амнияти миллии Тоҷикистон соҳибкор М. Қаландаров - зодаи ноҳияи Фархорро барои истеҳсолу фурӯши доруҳои қалбакии пастсифат боздошт намуданд, - хабар додааст Маркази равобити ҷамъиятии КДАМ.
 Тибқи иттилоъ, шаҳрванд М. Қаландаров – муассиси ҶММ «Шабнам» дар ҳудуди Ҷамоати деҳоти Сарикиштии ноҳияи Рӯдакӣ  коргоҳи истеҳсоли доруворӣ ташкил намудааст. Зимни азназаргузаронии   коргоҳ чанд ҳазор ампулаи пастсифати «лидокаин», «димедрол» ва «аналгин» дарёфт ва мусодира гардид. Доруҳои қалбакӣ  ва пастсифати мазкур аз як қатор  дорухонаҳо низ мусодира шуданд.
 Нисбати М. Қаландаров бо моддаи 210 – и Кодекси ҷиноятии Ҷумҳурии Тоҷикистон парвандаи ҷиноятӣ боз гардид.
С. АЗИЗОВ, «Ҷумҳурият»


Баёни ақида (0)    Санаи нашр: 16.02.2017    №: 36    Мутолиа карданд: 2120

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед