logo

сиёсат

ДАҲСОЛАИ НАВ. БОЗТОБИ ТАШАББУСИ ТОҶИКИСТОН ДАР РАСОНАҲОИ ХОРИҶӢ

Дар иртибот ба қабули Қатъномаи Маҷмаи умумии Созмони Милали Муттаҳид ахиран дар сафорати Ҷумҳурии Тоҷикистон дар Ҷумҳурии Исломии Эрон бо иштироки намояндагони вазорату  идораҳои ин кишвар, ҳайатҳои дипломатии муқими Эрон  ва доираи васеи рӯзноманигорон конфронс баргузор гардид.

Сафири фавқулода ва мухтори Ҷумҳурии Тоҷикистон дар Ҷумҳурии Исломии Эрон  Неъматулло Эмомзода оид ба масоили об, аҳамияти рӯзафзуни он ва мушкилоти мавҷуда дар арсаи ҷаҳон ҳарф зада, афзуд, ки дар шароити таъсири равандҳои глобалӣ роҳандозии ҳамкории самарабахшу оқилона дар соҳаи об ҷиҳати рушди устувор, нигаҳдории тавозун ва устувории экологӣ ба манфиати ҳамаи кишварҳо хоҳад буд.
Дар нишаст  наворҳои видеоӣ оид ба дастовардҳои  Тоҷикистон дар даврони соҳибистиқлолӣ ба намоиш гузошта шуданд. Ҳамзамон, бо ибтикори сафорати Ҷумҳурии Тоҷикистон дар Ҷумҳурии Исломии Эрон мусоҳибаи вазири корҳои хориҷӣ Сироҷиддин Аслов перомуни қабули қатънома дар маҷаллаи маъруфи “Ово Дипломатик” чоп шуда, ҳамзамон дар рӯзномаи “Осиё” таҳти унвони “Тоҷикистон пешкори ҳалли мушкилоти ҷаҳонии об” бо забони форсӣ бознашр шуд.
Ба ин монанд, дар сафорати Ҷумҳурии Тоҷикистон дар Ҷумҳурии Мардумии Чин ҳамоиш доир гардид. Сафири фавқулода ва мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода зикр кард, ки  ташаббуси навбатии ҷаҳонии Пешвои миллат муҳтарам Эмомалӣ Раҳмон ҳамчун платформаи қавӣ ба ҳамоҳангӣ ва пешбурди тамоми кӯшишҳо барои ҳалли масъалаҳо ва мушкилоти марбут ба манбаъҳои обӣ мусоидат менамояд.
Дар шаҳри Мински Ҷумҳурии Беларус бошад, зимни баргузории ҷаласаи якуми Шӯрои намояндагони доимӣ ва мухтори давлатҳои аъзои Иттиҳоди Давлатҳои Мустақил сафири фавқулода ва мухтори Ҷумҳурии Тоҷикистон дар Ҷумҳурии Беларус Қозидавлат Қоимдодов ҳозиринро бо мақсаду вазифаҳои даҳсолаи нави байналмилалӣ ва нақши он дар татбиқи Ҳадафҳои рушди устувор шинос намуд.
Дар робита ба қабули қатънома, аксари расонаҳои электронии Ҷумҳурии Мисри Араб бо истинод ба Бунгоҳи хабарии Ховари Миёна (Middle East News Agency - MENA) дар бораи ташаббуси навбатии Пешвои миллат матлаберо таҳти унвони «СММ ташаббуси Тоҷикистон дар бораи эълони Даҳсолаи байналмилалии об, 2018 - 2028 - ро пазируфт» пахш кардаанд. Бунгоҳи хабарии Ховари Миёна аз қавли сафири фавқулода ва мухтори Ҷумҳурии Тоҷикистон дар Ҷумҳурии Мисри Араб Хусрав Нозирӣ навиштааст, ки давоми ин даҳсола бештар ба рушди пойдор, мудирияти захираҳои обӣ дар ҳамаи сатҳҳо, татбиқ ва таблиғи барномаву лоиҳаҳои дахлдор, ки дар сатҳи байналмилалӣ ҳамоҳанг гардидаанд, таваҷҷуҳ зоҳир хоҳад шуд. Дар ин бора воситаҳои ахбори оммаи Амороти Муттаҳидаи Араб ва Давлати Қатар низ матолиб нашр карданд. Ҳамчунин, дар шумораи навбатии маҷаллаи «Invoice Magazine» - и Ҷумҳурии Исломии Покистон зери унвони «Президенти Тоҷикистон Эмомалӣ Раҳмон аз истифодаи захираҳои обӣ баҳри рушди устувор ҳимоят намуд»  ба табъ расид. Дар он аҳамияти байналмилалии қабули қатъномаи Маҷмаи умумии СММ вобаста ба ин ташаббус ва ҳадафҳои он дар самти ҳифзи захираҳои обии сайёра ва таъмини манфиатҳои башарият дарҷ шудаанд.
Ҳамин тавр, қатъномаи Даҳсолаи байналмилалии амал «Об барои рушди устувор», солҳои 2018-2028 иқдоми бузурги башардӯстонае ба шумор меравад, ки дар амал тадбиқ намудани он ба ҳаёти миллиардҳо сокини сайёра таъсири мусбат хоҳад гузошт.
Додоҷон РӮЗИЕВ,  «Ҷумҳурият»


Баёни ақида (0)    Санаи нашр: 16.02.2017    №: 36    Мутолиа карданд: 1874

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед