logo

иқтисод

ШАРИКИИ ДАВЛАТ ВА БАХШИ ХУСУСӢ. ЛОИҲАҲОИ МУКАММАЛУ АСОСНОК НАМЕРАСАНД

Дар доираи низоми ҳамкории давлат бо бахши хусусӣ дар Вазорати рушди иқтисод ва савдо ҷаласаи ҳафтуми Шӯро оид ба шарикии давлат ва  бахши хусусӣ доир гашт. Дар ҷаласа  Давлаталӣ Саид, муовини аввали Сарвазири кишвар, ҳамзамон раиси шӯрои мазкур, вазирони рушди иқтисод ва савдо, энергетика ва захираҳои об, тандурустӣ ва ҳифзи иҷтимоии аҳолӣ, молия, роҳбарони идораю муассисаҳо ва масъулону мутахассисони соҳа,  лоиҳаю барномаҳои аз ҷониби бахши хусусӣ пешниҳодгардида ва амалисозии лоиҳаҳои «Таъсиси маркази мубориза бар зидди гепатитҳои вирусӣ», «Сохтмони маркази хизматрасонии тиббӣ ва маишӣ дар шаҳри Истаравшан», «Сохтмони неругоҳҳои барқи обӣ дар ҳавзаи дарёи Зарафшон ва дигар дарёҳо», «Сохтмони инфрасохтори аввалия», «Сохтмони хати роҳи оҳан» ва «Барқарорсозии системаи таъмини оби нӯшокӣ дар МОИ «Суғд» - ро мавриди баррасӣ қарор доданд.
Бо вуҷуди дар чорабинии мазкур пешниҳод гардидани лоиҳаю барномаҳои зиёд дар бахшҳои гуногуни иқтисодию  иҷтимоӣ, бо сабаби номукаммалии ҳуҷҷатгузорӣ  ва дақиқ набудани манбаъҳои молиявии маблағгузории онҳо қарор дар бораи  татбиқи лоиҳаҳои номбурда аз ҷониби аъзои шӯро қабул нагардид.
Давлаталӣ Саид зимни муаррифӣ ва баррасии лоиҳаи  «Таъсиси маркази мубориза бар зидди гепатитҳои вирусӣ»  изҳор дошт, ки ҳарчанд  барои беҳбудии соҳаи тандурустӣ  татбиқи ин барнома  муҳим аст, аз сабаби  мукаммал набудани  ҳуҷҷатгузории он  ва номуайянии сарчашмаҳои маблағгузорӣ  мо наметавонем, ки  дар бораи татбиқи лоиҳа қарор қабул намоем. 
- Муаллифони лоиҳа то баргузории ҷаласаи имрӯза бояд ҳамаи паҳлуҳои онро омӯхта, манфиатҳои давлат ва бахши хусусиро  дақиқ менамуданд, дар ҷамъомади имрӯза ба саволҳои аъзои шӯро, аз ҷумла дар мавриди ҳуқуқу уҳдадориҳои молу мулкӣ ва асосноккунии иқтисодии сохтмони иншооти пешбинигардида, посухи дуруст медоданд.  -  гуфт Давлаталӣ Саид. 
Тавре аъзои шӯро  ва иштирокчиёни дигари ҷаласа гуфтанд, номукаммалии лоиҳаҳои пешниҳодгардида  садди пешравии низоми   шарикии давлат ва бахши хусусӣ  хоҳад буд. Бинобар ин, масъулони шӯро доир ба беҳтар намудани механизми таҳияи мукаммали лоиҳаҳои пешниҳодшаванда бояд чораҳои зарурӣ андешанд. Роҳандозии шарикии давлат ва бахши хусусӣ аз иқдомҳои хирадмандонаи Сарвари давлат буда, мусоидат намудани сохторҳои давлатӣ  ба рушди  бахши хусусӣ, хусусан татбиқи лоиҳаҳо аз ҷониби соҳибкорон, ҳадафи он аст. Барои баҳраманд гардидан аз низоми мазкур таҳлилу омӯзиши ҳамаҷонибаи лоиҳаю барномаҳои пешниҳодшуда нақши асосӣ дорад. Дар ин маврид бояд тадбирҳои зарурӣ андешида шавад, то масъалаи амалисозии лоиҳаҳои барои рушди иқтисодию иҷтимоии  кишвар аҳамиятнок дар ҳаво муаллақ намонад. 
Ташрифулло САЪДУЛЛОЕВ, «Ҷумҳурият»


Баёни ақида (0)    Санаи нашр: 16.02.2017    №: 36    Мутолиа карданд: 2080

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед