logo

иҷтимоиёт

РАСОНАҲО. БОЗНАШРИ МАТЛАБИ "ҶУМҲУРИЯТ" ДАР АФҒОНИСТОНУ АВРУПО

Маҷаллаи бонуфузи «Лоҷвард», ки дар ҳавзаи матбуоти Ҷумҳурии Исломии Афғонистон аз ҷойгоҳи хос бархӯрдор аст, 14 феврали соли ҷорӣ мусоҳибаи Додоҷон Рӯзиев - хабарнигори «Ҷумҳурият» - ро бо Сироҷиддин Аслов, вазири корҳои хориҷии Ҷумҳурии Тоҷикистон, ба ҳуруфи форсӣ баргардон ва бознашр намудааст. Ин маҷалла дар 34 вилояти Ҷумҳурии Исломии Афғонистон қобили дастрасӣ буда, мавзӯъҳои сиёсӣ, иқтисодӣ, иҷтимоӣ, низомӣ ва муҳити зистро ба риштаи таҳлил мекашад.

Ёдовар мешавем, ки дар ин мусоҳиба таҳти унвони «Сиёсати хориҷии Тоҷикистон. Муассис ва тарроҳи он пешвои миллат аст» («Ҷумҳурият», №155. 2016) дастовардҳо ва дурнамои сиёсати хориҷии Ҷумҳурии Тоҷикистон мавриди гуфтугӯ қарор дошт. Сироҷиддин Аслов дар суҳбат гуфта буд, ки «Сиёсати хориҷии Тоҷикистон ба маънои томаш зодаи даврони истиқлолият аст, ки муассису тарроҳи он Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба шумор меравад. Барқарории равобит бо ҷаҳони хориҷӣ ва шиносондани Тоҷикистон ҳамчун кишвари мустақил дар арсаи байналмилалӣ яке аз муҳимтарин ва дар айни ҳол мушкилтарин бахшҳои давлатсозӣ дар солҳои аввали истиқлолият буд».
Вазири корҳои хориҷӣ дар идомаи суҳбат таъкид кард, ки Ҷумҳурии Тоҷикистон дар тӯли 25 соли истиқлолияти хеш тавонист, бо барқарор намудани муносибатҳои судманд бо кишварҳои дунё, созмонҳои байналмилалӣ ва минтақавӣ марҳала ба марҳала мавқеи сиёсии худро дар арсаи ҷаҳонӣ мустаҳкам гардонад. Имрӯз Тоҷикистон робитаҳои байналмилалии худро дар ҳавзаҳои мухталиф, ба монанди кишварҳои узви Иттиҳоди Давлатҳои Мустақил ва Осиёи Марказӣ, Осиё, Ховари Миёна ва Аврупову Амрико бо пайгирӣ аз сиёсати «дарҳои кушода» муваффақона пеш мебарад.
Масоили ҳамкориҳои Тоҷикистону Афғонистон ва дурнамои ҳалли мушкилоти он низ дар суҳбат матраҳ гардида, таъкид шуд, ки робитаҳои судманди ду кишвар мисли арзишҳои муштараки мо шикастнопазиранд. - Дар марҳалаи ҳассоси имрӯза, бахусус фаъолшавии гурӯҳҳои террористӣ ва ифротгаро, аз ҷумла «Давлати исломӣ» дар Афғонистон ҳамкории васеъ ва амалии кишварҳоямон амри зарурист. Мо нақши калидии кишвари ҳамсояро дар таъмини амнияти тамоми минтақаи Осиёи Марказӣ хуб дарк намуда, аз ташаббусҳои созандаи ҷомеаи ҷаҳонӣ ҷиҳати таъмини сулҳу субот дар Афғонистон ва минтақа пуштибонӣ мекунем. Вале, бояд донист, ки ояндаи ин кишвар дар дасти худи мардуми он аст, - гуфта буд вазири корҳои хориҷӣ.
Ин дар ҳолест, ки матлаби мавриди назар қаблан дар дар расонаҳои Аврупо, аз ҷумла сомонаи маҷаллаи «The European Times» низ бо забони англисӣ тарҷума ва нашр гардидааст. Маҷалла бо шумораи беш аз 410 ҳазор адад чоп шуда, асосан ба аъзои Парлумони Иттиҳоди Аврупо, парлумонҳои кишварҳои Аврупо, палатаҳои савдову саноат, бузургтарин ширкатҳои ин қитъаи ҷаҳон, ҳамчунин муассисаҳои бонуфузи молиявӣ ва дигар доираҳои иқтисодию сармоягузорӣ дастрас мешавад.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 17.02.2017    №: 37    Мутолиа карданд: 1480

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед