logo

иҷтимоиёт

БАРӮЙХАТГИРИИ АҲОЛӢ. УСУЛИ НАВИ ҶАМЪОВАРИИ МАЪЛУМОТ БА РОҲ МОНДА МЕШАВАД

Дар ҷумҳурӣ баъд аз даҳ соли барӯйхатгирӣ – соли 2020 маъракаи навбатии барӯйхатгирии аҳолӣ ва фонди манзил гузаронда мешавад.

Барои дар сатҳи баланд баргузор намудани чорабинии муҳими сиёсӣ Фармони Президенти Ҷумҳурии Тоҷикистон  «Дар бораи тайёрӣ ва гузарондани барӯйхатгирии аҳолӣ ва фонди манзили Ҷумҳурии Тоҷикистон дар соли 2020» қабул гардид, ки дар он корҳои ташкилӣ, коркарди мавод, ҷамъбаст ва нашри натиҷаҳои барӯйхатгирии аҳолӣ ва фонди манзил ба зиммаи Агентии омори назди Президенти Ҷумҳурии Тоҷикистон вогузор карда шудааст. Вазорату идораҳо ва мақомоти иҷроияи маҳаллии ҳокимияти давлатӣ барои расондани ёрии ҳамаҷониба ба агентӣ ҷиҳати сари вақт ва дуруст гузарондани барӯйхатгирии аҳолӣ муваззаф  гардидаанд.
Гулнора Ҳасанзода, директори агентӣ, доир ба омодагӣ ба ин маъракаи муҳими сиёсӣ иброз дошт, ки қабл аз баргузории барӯйхатгирии аҳолӣ ва фонди манзил дар соли 2020 марҳилаи санҷишии он дар соли 2018 гузаронда мешавад. Бори нахуст раванди барӯйхатгирии санҷишии аҳолӣ ва фонди манзил бо усули нав, яъне тариқи интернет – пурсиш, планшет ва низоми иттилоотии ҷуғрофӣ сурат мегирад. Истифодаи чунин технологияи пешрафта нисбат ба усули анъанавии ҷамъоварии маълумоти барӯйхатгирии аҳолӣ (истифода аз саволномаи коғазӣ) имконият фароҳам меоварад, ки дастрасии маълумот шафоф, дақиқ ва саривақтӣ бошад ва хароҷот нисбатан кам гардад. Ин усул танҳо дар барӯйхатгирии санҷишии аҳолӣ ва фонди манзили соли 2018 ба кор бурда мешавад. Баъд аз ҷамъбасти маводи барӯйхатгирии санҷишии аҳолӣ Агентии омор паҳлуҳои усулҳои ҷамъоварии маълумоти барӯйхатгирии аҳолӣ ва фонди манзилро натиҷагирӣ карда, муайян месозад, ки дар барӯйхатгирии аҳолии соли 2020 аз кадом усул бештар истифода барад. Аллакай вобаста ба мавқеи ҷуғрофӣ ва вазъи иҷтимоию иқтисодии аҳолӣ шаҳри Нораки вилояти Хатлон ҳамчун минтақаи  баргузории барӯйхатгирии санҷишии аҳолӣ ва фонди манзил интихоб гардид. Азбаски дар шаҳри Душанбе дастрасии аҳолӣ ба шабакаи интернет нисбат ба дигар минтақаҳои ҷумҳурӣ афзалият дорад, барӯйхатгирии аҳолӣ тавассути интернет – пурсиш дар маҳаллаҳои 64 - уми ноҳияи Фирдавсӣ ва 91- уми ноҳияи Сино гузаронда мешавад. Чорабинии мазкур аз ҳисоби маблағҳои буҷети давлатӣ ва грантҳои шарикони рушд амалӣ мегардад.
Ёдовар мешавем, ки барӯйхатгирии аҳолӣ яке аз сарчашмаҳои муҳими маълумот дар бораи аҳолӣ ба шумор рафта, барои таҳияи дурнамои давлатӣ, консепсияҳо, стратегияҳо, барномаҳои рушди иҷтимоию иқтисодӣ ва демографӣ нақши калидӣ мегузорад.
Оҳистамоҳи ВАФОБЕК, “Ҷумҳурият”


Баёни ақида (0)    Санаи нашр: 20.02.2017    №: 38    Мутолиа карданд: 1475

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед