logo

иқтисод

ХАДАМОТ. АЗ ТАЪМИНИ СИФАТ ТО БЕХАТАРИИ ХӮРОКА

Давоми ду соли охир мутахассисони соҳаи байторӣ  фаъолиятро аз болои ташхису санҷиши сифати маҳсулоти воридотии хӯрокӣ, махсусан, сифати маҳсулоти гӯшту тухм аз хориҷи кишвар пурзӯр ба роҳ монданд. Дар натиҷа  аз соли 2015 то инҷониб воридоти маҳсулоти  хавфноку бесифат - равғани думба ва чарбуи даруни чорво ба қаламрави кишвар пурра манъ карда шуд. Мутахассисони  соҳа бо мақсади роҳ надодан ба фурӯши  маҳсулоти пастсифат маҳсулоти ватанӣ гӯшт ва тухмро дар бозорҳои истеъмолии кишвар мунтазам аз ташхис мегузаронанд.
Соли равон воридоти  маҳсулоте, ки дар Тоҷикистон имкони хуби истеҳсоли он мавҷуд аст, аз ҷумла гӯшти гов  4892 тонна, почаки мурғ  13097 тонна, ҳасиби мурғ 1315 тонна, қимаи гӯшти мурғ   1979 тонна, маҳсулоти ширӣ   1075 тонна,  қаймоқ  478 тонна, маргарин  384 тонна, моҳии яхкардашуда   783 тонна, кунҷораи лӯбиёӣ   7648 тонна ва кунҷораи  офтобпараст 280 тонна  кам   гардидааст.  Пас,  истеъмолгарон бо маҳсулоти  дохилии бехавфу босифати   гӯшт ва  маҳсулоти гӯштӣ таъминанд?   Дар ҷавоб ба саволи хабарнигори «Ҷумҳурият»   Тоҷибек Норов, муовини сардори   хадамот, чунин гуфт:                                                                                                                                
- Бояд гуфт, ки таъмини сифат ва бехавфии хӯрока барои истеъмолгарон  яке аз самтҳои муҳими фаъолияти хадамот  маҳсуб меёбад.  Соли гузашта  мутахассисони  соҳа ҳангоми ташхиси байторию санитарӣ дар бозорҳои истеъмолии шаҳру ноҳияҳои ҷумҳурӣ    95578  кг маҳсулоти гӯштӣ,  7890 кг маҳсулоти ширӣ, 124722 кг меваю сабзавот, 18036 дона тухм,  403 кг равғани рустанӣ, 34170  кг полизӣ, 1670 кг меваи хушк ва 85,7 кг асалро   ҳамчун маҳсулоти бесифат ва хавфнок аз фурӯш боздоштанд. Оид ба иҷрои корҳои инспексионии байторӣ  барои   фурӯши  гӯшт ва маҳсулоти  гӯштии пастсифат   дар асоси  санад    аз 2069  нафар ба маблағи  252850  сомонӣ ҷарима ситонда шуд.   Аз ҷониби  масъулони  хадамот  ба Прокуратура, ба хоҷагиҳо ва ҷамоатҳо, ба раисони шаҳру ноҳияҳо мактуб  ирсол  гардида, ҳамзамон   2903 нафар соҳибкор  огоҳӣ  гирифтанд. 
Бо мақсади беҳтар намудани ҳолати эпизоотии ҷумҳурӣ, сари вақт муайян кардани бемориҳои чорво ва таъмини шаҳрвандон бо маводҳои  истеъмолии босифат мутахассисони Маркази миллии ташхиси байторӣ дар давраи ҳисоботӣ корҳои муайянеро анҷом доданд. Марказ ҳангоми гузарондани ташхиси бактериологӣ ва вирусологӣ  гирифторшавии 742 сар чорвои калон  ва 2165 сар чорвои майдаро  ба  бемории брутселлёз  ва гирифторшавии  чорвои калону майдаро  ба бемориҳои сиёҳбод, салмонеллёз, ҳорӣ, пастереллёз ва  исқоти ҳамли хламидиро муайян намуданд. 
Айни замон бо дастгирии лоиҳаи  «Афзоиши рақобатпазирии Комплекси агросаноатии Ҷумҳурии Тоҷикисон ва Иттиҳоди Аврупо» шуъбаи кимиёи заҳринагии ММТБ,  марказҳои ташхиси байтории вилоятҳои Суғду Хатлон ва МТБ-и байиноҳиявии Исфара бо риояи талаботҳои байналмилалӣ аз таъмир бароварда шуданд. Дар доираи татбиқи лоиҳа баҳри  муҷаҳҳазсозии ин марказҳо  480 ҳазор евро равона гардидааст.
Иронбӣ  МӮСОЗОДА,  «Ҷумҳурият»


Баёни ақида (0)    Санаи нашр: 21.02.2017    №: 39    Мутолиа карданд: 1707

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед