logo

иқтисод

3050 ГЕКТАР ЗАМИН. НИГАРОНИИ РАИСИ ВМКБ АЗ ҶАРАЁНИ АЗХУДКУНИИ ЗАМИНҲОИ НАВ

Ҷараёни  иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки дар ҷараёни сафарҳои корӣ ба ноҳияҳои Ванҷ, Дарвоз, Рӯшон, Шуғнон, Роштқалъа ва шаҳри Хоруғ баён доштанд,  таҳти назорати   пайвастаи  мақомоти  иҷроияи  ҳокимияти давлатии  Вилояти  Мухтори  Кӯҳистони  Бадахшон  қарор  дорад. Шодихон  Ҷамшед, раиси  вилоят, дар  машварати  васеъ доир  ба  рафти  амалисозии нақшаи чорабиниҳо оид ба иҷрои дастурҳои Сарвари давлат аз фаъолияти Вазорати кишоварзӣ, Кумитаи давлатии идораи замин ва геодезӣ, Агентии беҳдошти замин ва обёрӣ, раёсатҳои мақомоти иҷроияи ҳокимияти давлатии ВМКБ ва шаҳру ноҳияҳои вилоят оид ба татбиқи барномаи азхудкунии заминҳои нав ва бо об таъмин кардани заминҳои навкорам бо мақсади аз худ кардани 3050 гектар замин изҳори  нигаронӣ  кард. Раиси вилоят изҳор намуд, ки дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ низ  ба  ин  масъала  таваҷҷуҳи  махсус  зоҳир шуда,  масъулон вазифадор  гардиданд, ки ҷиҳати татбиқи босамари «Барномаи давлатии азхудкунии заминҳои нави обёришаванда ва барқарорсозии заминҳои аз гардиши кишоварзӣ берунмонда барои солҳои 2012 - 2020» тадбирҳои зарурӣ  андешанд.  Таъкид  гардид, ки баъди ҷудо намудани  заминҳо барои сохтмони манзилҳои истиқоматӣ ва бунёди корхонаҳои саноативу муассисаҳои иҷтимоӣ дар ВМКБ низ як  миқдор  заминҳо аз гардиши кишоварзӣ  баромаданд. Даҳҳо гектар  замин  бо  дигар  сабабҳо аз  кишт берун мондаанд, ки  дар шароити камзаминии  вилоят амали  нобахшиданист.
Раиси вилоят иттилоъ дод, ки Роҳбари давлат ва Ҳукумати ҷумҳурӣ ҷиҳати фароҳам овардани шароитҳои мусоид барои рушди  минтақа  ва  беҳсозии сатҳи  некуаҳволии  сокинон пайваста  чораҷӯйӣ  менамоянд. Беҳтар намудани ҳолати мелиоративии заминҳо, истифодаи самараноки обу замин ва ҳар сол аз худ кардани 200 гектар заминҳои нав аз ҷумлаи тадбирҳои муҳиму саривақтиест, ки роҳбарияти  кишвар  аз   сохторҳои  марбута  тақозо  дорад. Ноҳияи Шуғнон барои ба  барномаи мазкур ворид намудани азхудсозии 400 гектар замини бекорхобида лоиҳа пешниҳод намудааст, вале тавре аз таҳлилҳо бармеояд, дар ноҳия барои шодоб кардан ин миқдор замин вуҷуд надорад. Як сол  пеш дар мавзеи Дашти Сижди ҳамин ноҳия қариб 60 гектар замин бо баровардани канал ба масофаи 3  км мавриди истифода қарор гирифт. Вале маълум шуд, ки ин замин камҳосил буда, ба коркарди иловагӣ  ва хароҷот ниёз  дорад. 
Дар ноҳияи Ишкошим айни ҳол зиёда аз 200 гектар замин аз ҷиҳати  нарасидани  қувваи корӣ кишт намешавад. Ҳол он ки барои шодобкунии ин заминҳо маблағи зиёд масраф гардидааст.
Сардорони идораву муассисаҳои масъул ҷиҳати андешидани тадбирҳои амалӣ бобати дар давоми соли 2017 ҳатман азхуд намудани камаш 200 гектар заминҳои бекорхобида, ки омили  муҳими расидан ба яке аз ҳадафҳои стратегии Ҳукумати мамлакат - таъмини амнияти озуқаворӣ ва дастрасии аҳолӣ ба ғизои хушсифат маҳсуб меёбад, дастуру супоришҳои  мушаххас гирифтанд. 
Раҳмони ГУЛЗОР, “Ҷумҳурият”


Баёни ақида (0)    Санаи нашр: 21.02.2017    №: 39    Мутолиа карданд: 1647

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"


Дар сомонаҳои дигари Тоҷикистон хонед