logo

ҳуқуқ

ҶИНОЯТ ВА ҶАЗО

24 ҳазор доллар  барои фурӯши замин
Сокини 34 – солаи шаҳри Душанбе бо роҳи сохтакорӣ қарори раиси яке аз ҷамоатҳои деҳоти ноҳияи Рӯдакиро тартиб дода, бо  роҳи фиреб аз 4 сокини шаҳрҳои Душанбею Ваҳдат ва ноҳияи Рӯдакӣ 24 ҳазор доллари амрикоӣ гирифтааст ва барои онҳо қитъаҳои замин ҷудо намудааст. Доир ба далелҳои ҷойдошта парвандаи ҷиноятӣ боз гардида, тафтишот идома дорад. Дар ин бора маркази матбуоти ВКД хабар додааст.

Боздошти моли қочоқӣ ба маблағи беш аз 1 миллион сомонӣ
Кормандони раёсати мубориза бар зидди ҳуқуқшиканиҳои гумрукии Хадамоти гумруки кишвар  шаҳрванди Тоҷикистон  Б.Ҷ. – ро, ки моли зиёдро бидуни назорати гумрукӣ тавассути тартиб додани ҳуҷҷатҳои қалбакӣ мехост ба қаламрави Тоҷикистон ворид намояд, дастгир намуданд. Чунончи, шаҳрванд Б.Ҷ., Соҳибкор, бо мақсади  ба даст овардани даромади муфт 20 январи  соли ҷорӣ дар мошини тамғаи «ДАФ» аз шаҳри Толятии Федератсияи Русия зиёда аз 150 номгӯй  қисмҳои эҳтиётии автомашинаи тамғаи «ВАЗ» - ро бе барасмиятдарории гумрукӣ вориди Ҷумҳурии Тоҷикистон кардааст. Воситаи нақлиётӣ, ки бо он соҳибкори қаллоб бори қочоқашро гузарондааст ва бор дар ҳудуди деҳаи Чортути ноҳияи Рӯдакӣ боздошт гардид. Арзиши молҳои қочоқӣ, тибқи маълумотномаи ҶДММ «Султони Кабир» 1108705 (як миллиону яксаду ҳашт ҳазору ҳафтсаду панҷ) сомониро ташкил медиҳад. Нисбати Б.Ҷ. аз ҷониби Прокуратураи генералии ҷумҳурӣ парвандаи ҷиноятӣ боз гардида, тафтишот идома дорад.

Интиқоли «Тойота ландкрузер» бе расмиёти гумрукӣ
Кормандони Хадамоти гумруки кишвар ҳангоми гузарондани амалиёти ҷустуҷӯии фаврӣ дар ноҳияи Ҷайҳун мошини тамғаи «Тойота ландкрузер – 200» - ро (соли бароришаш – 2016, рангаш сиёҳ, рақами давлатиаш Н842 СО 0777, нархаш 480 ҳазор сомонӣ), ки таҳти идораи Муҳаммад Наим, шаҳрванди Ҷумҳурии Исломии Афғонистон, қарор дошт, боздошт намуданд. Маълум шуд, ки мошини мазкур аз тарафи шахсони номаълум бе барасмиятдарории гумрукӣ ба таври қочоқ ба қаламрави Тоҷикистон ворид гардидааст. Оид ба ҳолати  ҷойдошта аз ҷониби Прокуратураи генералии ҷумҳурӣ парвандаи ҷиноятӣ боз гардид. Тафтишот идома дорад.

Тасарруфи 1 миллион доллари муштариёни пасандозгузор
Суди шаҳри Хуҷанди вилояти Суғд собиқ директори ташкилоти қарзии хурди ҶДММ «Ҳамдастӣ» С. Почоҷоноваро ба муҳлати 17 солу 4 моҳ равонаи маҳбас намуд. Тавре аз суди шаҳри Хуҷанд ба «Ҷумҳурият» хабар доданд, С.Почоҷонова дар вазифаи  роҳбари ташкилоти «Ҳамдастӣ» кор карда, пасандози муштариёнро ба маблағи 1 миллион  доллари амрикоӣ тасарруф намудааст. Ҷиноятро кормандони раёсати Агентии назорати давлатии молиявӣ ва мубориза бо коррупсия дар вилояти Суғд ошкор сохтаанд.                              

Дуздии барқ
Санҷиши муштараки гурӯҳи корӣ дар ҳайати кормандони мақомоти корҳои дохилӣ ва мутахассисони соҳаи барқ муайян кард, ки устои кафшергари барқӣ, сокини 25 - солаи кӯчаи Маяковскийи пойтахт қувваи барқро 6 моҳ ғайриқонунӣ - бе ҳисобкунаки барқӣ истифода бурда, бо ин амалаш ба ШСХК “Барқи тоҷик” ба маблағи 5920 сомонӣ зарар расондааст. Ҳамчунин, тавре маркази матбуоти ВКД иттилоъ додааст, гурӯҳи муштараки вазорат бо дигар хадамотҳо якчанд қонуншиканӣ дар самти дуздии неруи барқ, риоя накардани талаботи қоидаҳои одитарини санитарию эпидемиологӣ ва бехатарӣ аз сӯхторро аз ҷониби соҳибкорон дар ҳудуди шаҳри Душанбе ошкор намуд. Аз ҷумла, соҳибкор Муҳиддин Муҳсинов, соли таваллудаш 1977, дар коргоҳи нонпазии хеш, воқеъ дар ноҳияи Синои пойтахт, ду хати неруи барқ -  яке ба ҳисобкунаки барқӣ пайваст (яъне барои чашмбандӣ) ва дигараш берун аз ҳисобкунаки барқӣ (ба таври дуздӣ барои нонпазӣ дар ду тафдони дигар) кашида, доимӣ истифода бурдааст. Дар ин коргоҳ ҳатто талаботи одитарини санитарию эпидемиологӣ ва қоидаҳои бехатарӣ аз сӯхтор риоя намешаванд.
Исрофкорона истифода бурдани қувваи барқ ва сарфи назар намудани талаботи қоидаҳои бехатарӣ аз сӯхтор дар ошхонаи «Истиқлол»  аз ҷониби соҳибкор Ҳасан Умаров, соли таваллудаш 1966, ошкор шуд. Ӯ дидаву дониста бо истифода аз асбоби ғайристандартию сермасрафи барқӣ ба пухтани самбӯса машғул гардидааст. Сокини 29 - солаи кӯчаи А.Ҷомии шаҳри Душанбе муддати се моҳ қувваи барқро ғайриқонунӣ, бе ҳисобкунаки барқӣ истифода бурда, ба маблағи 3930 сомонӣ зарари моддӣ расондааст. Вобаста ба ҳолатҳои ҷойдошта, нисбати ҳуқуқвайронкунандагон чораҳои дахлдор татбиқ гардид. 
С. АЗИЗОВ,  «Ҷумҳурият»


Баёни ақида (0)    Санаи нашр: 22.02.2017    №: 40    Мутолиа карданд: 1591

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед