logo

иҷтимоиёт

НИКОҲИ ХЕШУТАБОРӢ БА ТАДРИҶ АЗ БАЙН МЕРАВАД

Мутобиқи талаботи моддаҳои 14 ва 15 - и  Кодекси оилаи Ҷумҳурии Тоҷикистон дар кишвари мо бастани ақди никоҳ бо хешутаборони наз-дик манъ  карда шудааст. Таҳти мафҳуми никоҳи хешутаборӣ никоҳи хешовандони наздик, аз қабили фарзандони бародару хоҳар, амак ва бародарзода, тағо ва ҷиян, холаву хоҳарзода, амма ва ҷиян дар назар дошта шудааст. Ҳамчунин, дар ҷумҳурии мо барои издивоҷкунандагон пеш аз никоҳ гузаштан аз муоинаи тиббӣ ҳатмӣ мебошад.
Бино ба гуфтаи Шералӣ Раҳматуллоев, сардори раёсати ташкили хизматрасонии тиббӣ ба модарону кӯдакон ва танзими оилаи Вазорати тандурустӣ ва ҳифзи иҷтимоии аҳолӣ, баъди ҳатмӣ шудани муоинаи тиббӣ 36 ҳазор арӯсу домодшаванда қабл аз издивоҷ аз ташхис гузаштанд. Миёни ташхисшудаҳо нафарони зиёде пайдо шуданд, ки  гирифтори бемориҳои гепатити В ва С, сил ва мубталои бемории оташак буданд. Дар натиҷа, никоҳи онҳо муваққатан боз дошта шуда, беморон барои табобат фиристода шуданд. Барои муоинаи тиббии онҳо аз тарафи давлат 16 миллион сомонӣ ҷудо мешавад.
Тибқи иттилои Агентии омори назди Ҳукумати Ҷумҳурии Тоҷикистон соли 2016 - ум 308 никоҳи хешутаборӣ ба қайд гирифта шуд.
Ба гуфтаи Шералӣ Раҳматуллоев “Вазорати тандурустӣ ва ҳифзи иҷтимоии аҳолӣ бо як гурӯҳи махсуси мутахассисон дар чанд ноҳияи вилояти Суғд таҳқиқоти муфассал анҷом додааст. Санҷишҳо нишон доданд, ки 80 дарсади кӯдакони маъюб аз хонаводаҳое мебошанд, ки робитаи хешутабории наздик доранд. Агар даҳ сол пеш дар навоҳии вилояти Хатлон ва водиҳои Рашту Ҳисор никоҳи хешутаборӣ бештар ба назар расад, ҳоло баръакс, рӯ ба коҳиш ниҳодааст”.
Мутобиқи талаботи моддаи 23 Конститутсияи Ҷумҳурии Тоҷикистон “Дар бораи ҳаёти шахсии инсон бе розигии ӯ ҷамъ намудан, нигоҳ доштан, истифода ва паҳн кардани маълумот манъ аст”. Мувофиқи ин модда, табибон низ ҳуқуқ надоранд, ки маълумоти дар бораи саломатии издивоҷкунандагон бадастомадаро ба ҷониби дигар ифшо созанд. Гузарондани муоинаи тиббии шахсони никоҳшаванда, инчунин додани машварат доир ба масъалаҳои тиббию генетикӣ ва солимгардонии оила аз ҷониби муассисаҳои давлатии нигаҳдории тандурустии маҳаллӣ ба таври ройгон ва танҳо бо ризоияти шахсони никоҳкунанда анҷом дода мешавад. Мувофиқи моддаҳои 28 – 31 – и  Кодекси оила, агар яке аз никоҳкунандагон ба бемории генетикӣ ва ё вируси норасоии масунияти одам ва бемории муҳассали норасоии масуният мубтало будани худро пинҳон дорад, шахси дигар метавонад ба суд муроҷиат карда, беэътибор донистани  никоҳро талаб намояд.
Ин ҳама иқдомҳо ба ҳифзи сиҳатии ҷавонон ва солим нигоҳ доштани генофонди миллат равона карда шудаанд. Бинобар ин, аз ҳамаи шаҳрвандон даъват ба амал оварда мешавад, ки дар ин амал бетарафиро пеша накунанд, - мегӯяд Шералӣ Раҳматуллоев.
Раҳматулло КАРИМОВ, «Ҷумҳурият»


Баёни ақида (0)    Санаи нашр: 23.02.2017    №: 41    Мутолиа карданд: 1617

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед