logo

ҳуқуқ

БЕМАСЪУЛИЯТӢ БА БЕНИЗОМӢ МЕБАРАД...

Қонуни Ҷумҳурии  Тоҷикистон «Дар бораи масъулияти падару модар дар таълиму тарбияи фарзанд» баъд аз Қонуни Ҷумҳурии  Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” дувумин қонуни миллист, ки наврасону ҷавононро дар рӯҳияи эҳтиром ба арзишҳои умумибашарӣ, ҷомеаи шаҳрвандӣ ва демократӣ тарбия менамояд. Аз ин ҷост, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Паёми навбатии худ  ба Вазорати маориф ва илм супориш доданд, ки таълими ин ду қонуни миллиро дар муассисаҳои таълимии кишвар ба роҳ монад. 
Таъмини иҷрои меъёрҳои қонуни мазкур таҳти назорати  мақомоти  прокуратура қарор дорад. Ин ниҳод барои пешгирии ҳуқуқвайронкунӣ ва ҷинояткорӣ дар байни ноболиғон ва ҷавонон дар соли сипаришуда чӣ чораҳо андешид ва санҷишу таҳлилҳо чиро нишон доданд? Баракатулло Камолзода, сардори Раёсати назорати иҷрои қонунҳо оид ба ноболиғон ва ҷавонони Прокуратураи генералии Ҷумҳурии Тоҷикистон, зимни суҳбат иброз дошт, ки  ҷиҳати сари вақт ва самаранок амалӣ намудани чорабиниҳои пешбинигардида аз ҷониби кормандони прокуратура 1785 суҳбату вохӯрӣ, аз ҷумла 157 маротиба  тавассути воситаҳои ахбори омма - телевизион, радио ва рӯзномаю маҷаллаҳо баргузор ва як қатор санҷишҳои прокурорӣ гузаронда шуд. Санҷишу таҳлилҳо нишон медиҳанд, ки таъмини иҷрои уҳдадориҳои дар Қонуни Ҷумҳурии  Тоҷикистон «Дар бораи масъулияти падару модар дар таълиму тарбияи фарзанд» пешбинигардида, бахусус муҳайё намудани шароити зарурӣ барои ҳифзи саломатӣ, ташаккули ҷисмонӣ, маънавӣ ва ахлоқӣ, эҳтиром намудани шаъну шарафи фарзанд, пешгирии ҳуқуқвайронкуниҳо аз тарафи кӯдакон, падару модарон, мақомоти давлатӣ ва дигар муассисаҳое, ки масъалаҳои  ба таълиму тарбияи кӯдак вобастаро танзим мекунанд,  дар баъзе маврид ба таври дахлдор ба иҷро намерасанд.
Аз натиҷаи санҷиши қонуни зикршуда баҳри бартараф намудани қонунвайронкуниҳо 3342 санади эътинои прокурорӣ, аз ҷумла    313 амр, 174 эътироз, 253 пешниҳод бароварда, 2602 нафар ба ҷавобгарии интизомӣ,  моддӣ ва маъмурӣ кашида шуда, 435  парвандаи ҷиноятӣ оғоз карда шудааст. Назар ба гуфтаи  мавсуф, ҳолатҳои ба ҷавобгарии маъмурӣ кашида шудан асосан бинобар иҷро нагардидани уҳдадориҳои бо қонунгузорӣ пешбинишуда аз ҷониби шахсони масъул бо дастрасии талаботи моддаи 90 Кодекси ҳуқуқвайронкунии маъмурии  Ҷумҳурии Тоҷикистон сурат гирифтааст. Чунончи, сокини ноҳияи Лахш Ҳ. Ҷаҳонгиров  фарзанди ноболиғаш, хонандаи синфи 6  Қ. Ҷаҳонгировро ба тайёр кардан ва фурӯши маводи хӯрокворӣ  ҳидоят намудааст. Вобаста ба ҳолати мазкур  нисбат ба  Ҳ. Ҷаҳонгиров бо моддаи 90 Кодекси ҳуқуқвайронкунии маъмурии Ҷумҳурии Тоҷикистон парвандаи ҳуқуқвайронкунии маъмурӣ оғоз ва барои моҳиятан баррасӣ намудан ба суд ирсол карда шудааст.
Дар баробари падару модарон омӯзгорон низ иштироки ҳатмии хонандагонро таҳти назорат қарор надода, беэътиноӣ зоҳир намудаанд, ки дар натиҷа онҳо ба амалҳои номатлуб даст задаанд. Масалан,  муовини директори муассисаи таҳсилоти миёнаи умумии  № 63 - и ноҳияи Шоҳмансур А.  Нуруллоев  ҳолатҳои аз  47 то 144 соат дар дарсҳо ҳозир нашудани 15 нафар хонандаро мавриди санҷиш ва чораандешӣ қарор надодааст, ки дар натиҷа хонандаи синфи 9 «д» Н. Хоҷаев  даст ба ҷинояти дуздӣ задааст. Инчунин, дар рафти санҷишҳо  ҳолатҳои аз ҷониби омӯзгорон паст задани шаъну шараф ва поймол намудани ҳуқуқу манфиатҳои хонандагон ошкор  шуд. Масалан, омӯзгори муассисаи таҳсилоти миёнаи умумии № 8 - и ноҳияи Исмоили Сомонӣ З. Каримова вобаста ба ҷамъоварии маблағ барои таъмири мактаб ба хонандаи синфи 9 «г» Ш. Зубайдулло дар байни хонандагон суханҳои ношоиста гуфта, шаъну шарафашро  паст задааст, ки дар натиҷа ӯ муддати 3 ҳафта аз таҳсил дур мондааст. Чунин ҳолатҳо дар фаъолияти дигар муассисаҳои таълимии шаҳру ноҳияҳои ҷумҳурӣ низ ошкор гардида, омӯзгорон ва шахсони масъул ба ҷавобгарии маъмурӣ кашида шуданд.
Дар давраи таҳлилӣ аз ҷониби  прокурату-раҳои шаҳри Душанбе ва вилоятҳои Суғду Хатлон  нисбат ба 68 омӯзгор ва роҳбари муассисаҳои таҳсилоти миёнаи умумӣ барои иҷро накардани уҳдадориҳои  дар моддаи 12 қонун пешбинишуда, парвандаҳои ҳуқуқвайронкунии маъмурӣ оғоз ва  барои баррасӣ ба судҳо ирсол гардиданд.
Мунаввари  САФАР, «Ҷумҳурият»


Баёни ақида (0)    Санаи нашр: 23.02.2017    №: 41    Мутолиа карданд: 1527

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед