logo

иқтисод

ДАСТГИРИИ СОҲИБКОРӢ ДАСТГИРИИ ИҚТИСОДИ МИЛЛИСТ

Дар шароити торафт мураккаб гардидани буҳронҳои иқтисодӣ  истифодаи дуруст ва самараноки захираҳои истеҳсолӣ  ва  бо ин роҳ  ноил гаштан ба нишондиҳандаҳои баланди рушди иқтисодиёт  аз ҳадафҳои асосии Ҳукумати кишвар мебошад. Бешубҳа,  тақвияти соҳибкории хурду миёна омили муҳимтарини расидан ба ин ҳадафҳост.

Таъмини рушди фаъолияти соҳибкорон ва истеҳсолот бидуни қарзҳои имтиёзноку дарозмуддат ғайриимкон мебошад. Бо назардошти беҳбудии вазъи молиявии соҳибкорони ватанӣ  бо ташаббуси Пешвои миллат,  Президенти ҷумҳурӣ  муҳтарам Эмомалӣ Раҳмон соли 2013  муассисаи давлатии «Фонди дастгирии соҳибкорӣ»  таъсис ёфт. Аз рӯйи муқаррарот, муассисаи номбурда ба соҳибкорон ҷиҳати пешбурди фаъолияти тиҷоратӣ ва воридоти технологияи навин   то 12 сол қарзҳои имтиёзнок медиҳад.  Ҳадаф аз ташкили фонди мазкур ба роҳ мондани дастгирии давлатии фаъолияти субъектҳои соҳибкорӣ, ҳавасмандгардонии онҳо дар корҳои созандагию бунёдкорӣ, пешниҳоди қарзҳои хурду миёна бо фоизҳои муносиб, инчунин таъмини рақобатнокии низоми қарздиҳии бонкҳо мебошад. Самти асосии фаъолияти он дастгирии истеҳсолгарон дар маҳалҳост. Бахшҳои   нақлиёту  коммуникатсия, сайёҳӣ, коркарди маъданҳои кӯҳӣ,  кимиё,  саноати сабук,   истеҳсоли масолеҳи сохтмон,  кишоварзӣ ва   коркарди маҳсулоти он низ самтҳои афзалиятноки фаъолияти “Фонди дастгирии соҳибкорӣ” маҳсуб меёбанд. 
Ҳамасола тавассути фонди мазкур  аз буҷети давлатӣ маблағҳои қарзии имтиёзнок барои соҳибкорони маҳаллӣ  дастрас мешаванд. Ба  ин васила   давоми се  соли охир ба соҳибкорони шаҳру навоҳӣ наздики 350 миллион сомонӣ қарзҳои имтиёзнок дода шудааст. Соли гузашта, вақте  бо сабаби буҳрони молиявӣ гирифтани қарз аз бонкҳо мушкил афтод, «Фонди дастгирии соҳибкорӣ» 120 миллион сомонӣ қарзҳои имтиёзноку дарозмуддатро  дар асоси 132 лоиҳаи гуногунсамт  ба тоҷирону молистеҳсолкунандагони ватанӣ пешкаш намуд.  Кумаки молиявии Ҳукумати ҷумҳурӣ ба  соҳибкорон  фаъолияти тиҷоратию  истеҳсолии онҳоро густариш дод. Дар натиҷа нақшаҳои тиҷоратии зиёд  амалӣ ва ҳаҷми истеҳсолоти дохилӣ дар бозорҳои кишвар афзун гардиданд. Шумораи субъектҳои  соҳибкорӣ давоми соли гузашта қариб ба  290 ҳазор расид, ки нисбат ба 5 соли пеш 110 ҳазор  зиёд мебошад.
Фонд минбаъд низ фаъолияташро бо мақсади рушди соҳибкории хурду миёна, таъсиси ҷойҳои нави кор ва  беҳбудии  самтҳои афзалиятноки истеҳсолӣ ба роҳ мемонад. Дурнамои  маблағгузории соҳибкорони ватанӣ аз ҳисоби ин захираи молиявӣ то соли 2020  як миллиард сомонӣ пешбинӣ гардидааст, ки заминаи рушди соҳаро устувор месозад. Имконияти дастрасӣ ба маблағҳои фонд номаҳдуд аст ва  ҳар  як шаҳрванди ҷумҳурӣ метавонад  барои тақвияти  фаъолияти соҳибкориаш   ҷиҳати гирифтани қарзи имтиёзнок ба он   муроҷиат намояд.
Дастрасӣ ба қарзҳои имтиёзнок ва   кам сохтани  монеаҳои маъмурӣ аз  силсилаи ислоҳоти соҳа аз  ҷониби Ҳукумати мамлакат бо мақсади таъмини рушди устувори фаъолияти соҳибкорӣ,  бавижа истеҳсолоти ватанӣ мебошад.  Роҳандозии  сиёсати дастгирии ҳамаҷонибаи фаъолияти соҳибкорон барои қариб ба 70 дарсад расидани  ҳиссаи бахши хусусӣ дар ташаккули маҷмӯи маҳсулоти дохилӣ  мусоидат намуд, ки нисбат ба соли 2010 тақрибан 40 дарсад  зиёд аст. Дар ин давра мавқеи Тоҷикистон аз лиҳози дастрасии соҳибкорон  ба захираҳои қарзӣ ва имтиёзҳои низоми андозбандӣ дар байни  189 кишвари ҷаҳон наздики 50 зина боло рафт. Ин нишондиҳанда аз беҳтар гардидани шароити мусоиди  пешбурди тиҷорат дар мамлакат  шаҳодат  медиҳад.
Ташрифулло САЪДУЛЛОЕВ, “Ҷумҳурият”


Баёни ақида (0)    Санаи нашр: 23.02.2017    №: 41    Мутолиа карданд: 1777

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед