logo

иҷтимоиёт

ОҚИБАТҲОИ ТАРМАФУРОӢ БАРТАРАФ МЕШАВАНД

Бар асари боришоти аз ҳад зиёди барф ва тармафуроӣ вазъ дар минтақаҳои баландкӯҳ ва шоҳроҳҳои асосии мамлакат мураккаб шуда, боиси хисороти иқтисодӣ ва талафоти ҷонӣ гардид. Бо назардошти ҳолати баамаломада, дар асоси дастуру супоришҳои Асосгузори сулҳу ваҳдати миллӣ – Пешвои  миллат,  Президенти Ҷумҳурии Тоҷикистон муҳтарам Эмомалӣ Раҳмон гурӯҳи корӣ таъсис ёфт.
Тавре маълум аст, аз 27 январи соли равон инҷониб бар асари боришоти зиёди барф ва тармафуроӣ аз километри 48 то 84 - уми роҳи Душанбе - Чаноқ мушкилоти зиёд ба вуҷуд овард ва ба ҳаракати воситаҳои нақлиёт ва бехатарии шаҳрвандон халал ворид намуд.
21 феврал гурӯҳи кории Ҳукумати ҷумҳурӣ таҳти роҳбарии муовини Сарвазири мамлакат Маҳмадтоҳир Зокирзода дар ҳайати вазири нақлиёт, раиси Кумитаи ҳолатҳои фавқулода ва мудофиаи гражданӣ, муовини якум ва муовини вазири корҳои дохилӣ, сардори Бозрасии давлатии автомобилии Вазорати корҳои дохилӣ, раиси ноҳияи Варзоб ва дигар масъулон аз масири Душанбе – Чаноқ боздид ба амал оварда, бо ҷараёни бартарафсозии пайомадҳои офати табиӣ аз ҷониби кормандони филиали Ширкати саҳомии «Инновейтив Роуд Солюшнз ЛТД» шинос шуданд.
Тавре директори филиали ширкат Асомиддин Азизов иброз дошт,  дар натиҷаи офати табиӣ, ки давоми солҳои охир бесобиқа маҳсуб мешавад, зиёда аз 25 километр роҳ зери тарма монда, ҳаракат дар он муваққатан қатъ гардидааст. Таъкид шуд, ки дар баробари дигар сохторҳо, филиали Ширкати саҳомии «Инновейтив Роуд Солюшнз ЛТД» дар робита ба ҳолати баамаломада корҳои иттилоотониро беш аз пеш тавсеа бахшида буд. Далели возеҳи ин суханон роҳандозии смс - хабар, пешниҳоди маълумоти муфассал дар сомонаи филиали ширкат оид ба вазъи роҳ ва номусоидии вазъи ҳаво, насби таблои бузург дар даромадгоҳи Чорбоғ ва ғайра мебошанд, ки бо фарорасии фасли сармо ба таври густурда амалӣ шуда, айни замон низ идома доранд. Ба хотири бартарафсозии ин ҳолати ногувор 148 техника  сафарбар шудаанд. Танҳо аз километри 48 то 84 - уми роҳ 44 техникаи пуриқтидори филиали ширкат фаъолияти шабонарӯзӣ доранд.
Таъкид гашт, ки ҳамарӯза аз тарафи кормандони филиали ширкат 70 - 80 тармаи калонҳаҷм бартараф мешаванд. Дар баъзе ҳолатҳо паҳноии тармаҳо 500 ва баландиашон то 40 метрро ташкил медиҳанд. Нафароне, ки аз банди тарма наҷот дода шудаанд, айни ҳол дар ҷои бехавф қарор дошта, аз ҷониби  IRS бо лавозимоти зарурӣ таъмин гаштаанд. Роҳбарияти филиали ширкат тамоми кӯшишҳоро ба харҷ дода истодааст, ки дар наздиктарин фурсат онҳоро ба пойтахти кишвар ё ноҳияи Айнӣ интиқол диҳанд.
Аъзои ҳайати Ҳукумати ҷумҳурӣ ба фаъолияти шабонарӯзии кормандони IRS баҳои баланд дода, беш аз пеш тавсеа бахшидани ҳамкории тарафайнро муҳим арзёбӣ намуданд.


Баёни ақида (0)    Санаи нашр: 23.02.2017    №: 41    Мутолиа карданд: 1408

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед