logo

иқтисод

МОИ «ДАНҒАРА». ИМСОЛ КОРХОНАИ КОРКАРДИ НАФТ БА КОР МЕДАРОЯД

Аз 26 субъекти минтақаи озоди иқтисодии «Данғара» ҳоло 24 - тои  онҳо фаъоланд. Ширкатҳои «ТК Ойл» ва «Дупек» моҳҳои сентябр - декабри соли сипаришуда суръати кор ва сармоягузориро бо сабаби нагузаштани пардохтҳои пулӣ дар бонки хизматрасон - «Агроинвестбонк» нисбатан суст намуданд ва натавонистанд навбати аввали корхонаро дар вақти муайянгардида ба истифода диҳанд.
Тибқи иттилои Ориф Воҳидов, мудири бахши сармоягузорӣ ва идораи амволи давлатии мақомоти иҷроияи маҳаллии ҳокимияти давлати ноҳияи  Данғара,  истеҳсоли маҳсулоти саноатии субъектҳои ин минтақа соли 2016 ба 16,1 миллион сомонӣ расид. Дар ин давра 1740 ҷойи нави кори доимӣ ва муваққатӣ  ташкил шуд. Феълан дар минтақа 950 нафар бо кори доимӣ таъминанд.
Ҳоло дар МОИ «Данғара» сохтмони марҳилаи якуми корхонаи коркарди нафт (ҶДММ «ТК Ойл»), корхонаи коркарди намак (ҶДММ «Саддаҳо»), корхонаи коркарди донагӣ (ҶДММ «Гринд голд»), корхонаи истеҳсоли маҳсулоти оҳану бетонӣ») ҶДММ «Дейте Бетон» ва корхонаи лӯлаҳои пластикӣ (ҶДММ «Тоҷпласт-1») ҷараён дорад. Ҷамъи сармоягузории субъектҳои минтақа дар давраи фаъолият зиёда аз 1 миллиард сомониро ташкил медиҳад.
Марҳилаи якуми корхонаи коркарди нафт дар семоҳаи аввали соли ҷорӣ бояд ба истифода дода шавад. Корхонаи мазкур бо саҳмгузории муштараки ширкатҳои Тоҷикистону Чин бунёд ёфта, дар он солона аз 1 миллиону 200 ҳазор тонна нафти хом маҳсулоти гуногун истеҳсол хоҳад шуд. Санги асоси ин корхона низ бо иштироки Сарвари давлат Эмомалӣ Раҳмон гузошта шудааст. Дар сурати ба кор даромадани навбати аввали корхона ва нуқтаҳои ёрирасони он дар ин ҷо 3500 нафар бо кори доимӣ таъмин мегарданд, ки 80 фоизи онҳо шаҳрвандони Тоҷикистон хоҳанд буд.
Соли 2014 бо иштироки бевоситаи  Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар МОИ «Данғара» корхонаи истеҳсоли маҳлулҳои зарфшӯйӣ - «Тоҷи Осиё» расман ифтитоҳ ёфта буд, ки нахустин чунин корхона дар Тоҷикистон унвон мешавад. Корхона бо харҷи 1,4 миллион доллари амрикоӣ аз ҷониби соҳибкорони эронӣ бунёд ёфтааст. Иқтидори корхона 400 тонна маҳсулот дар як сол буда, дар он 15 нафар бо кори доимӣ таъмин шудаанд. То соли оянда иқтидори корхона афзун гардида, шумораи коргарон ба 45 кас хоҳад расид. Маҳлулҳои шустушӯии ин корхона бо технологияи олмонӣ истеҳсол шуда, ба стандартҳои ҷаҳонӣ мутобиқанд.
Мутаассифона, корхонаи  мазкур натавонист, ки ҳаҷми истеҳсолотро зиёд карда, дар бозори дохиливу хориҷӣ рақобатпазирӣ кунад.
- Корхонаи «Тоҷи Осиё» аз оғози соли 2016 аз кор монд. Сабаби асосии қатъи фаъолияти корхона ба фурӯш нарафтани маҳсулоти истеҳсолшудаи корхона мебошад, - гуфт Ориф Воҳидов.
Аз рӯи маълумоти маъмурияти МОИ «Данғара», барои рушди босуботи инфрасохтори минтақа чанд масъала, аз ҷумла тезондани кашидани хати барқи баландшиддати 220 кВ аз НБО - и «Сангтӯда -1» ва зеристгоҳи «Шар - Шар» то минтақа ва таъмини доимии субъектҳо бо барқ, сохтмони хати роҳи оҳан аз қитъаи роҳи оҳани Сангтӯда - Саргазон ба минтақа, инчунин, масъалаҳои хизматрасонӣ аз ҷониби бонкҳо ва гумрукиро бояд ҳал намуд.
Бо вуҷуди баъзе мушкилиҳо имрӯз бунёди корхонаҳои саноатӣ дар ин минтақаи иқтисодии ҷумҳурӣ бо маром идома дорад. Бешубҳа, бо ба кор пардохтани корхонаҳои минтақа дар солҳои наздик ҳаҷми истеҳсоли маҳсулоти саноатӣ афзун гардида, ба беҳтаршавии сатҳи некуаҳолии сокинон, таъсиси ҳазорҳо ҷойи нави корӣ ва зиёд шудани содирот ба хориҷи кишвар мусоидат мекунад.
Л. ШАРИФЗОДА, «Ҷумҳурият»


Баёни ақида (0)    Санаи нашр: 27.02.2017    №: 43    Мутолиа карданд: 1384

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед