logo

иҷтимоиёт

АЗ ЧАШМАҲО РИВОЯТ МЕКУНАНД

Чашмаҳо зеботарин афсона, шевотарин суруд ва гӯётарин таронаҳои Тоҷикистонанд. Ҳар кадоме таърихи худро дорад. Сарнавишти чашмаҳо чун сарнавишти инсонҳост: пур аз таззод, рамз ва розу ниёз.
Ҳар чашма чун инсон ному нишони худро дорад. Онҳоро низ ба мисли инсонҳо бо номашон медонанду мешиносанд. Мисли оне, ки дар дунё ҳеҷ инсоне ба каси дигар монанд нест, чашмаҳо низ чунинанд. Чашмаҳо аз рӯйи тамъ, ҳарорат, фараҳафзоӣ ва шифобахшиашон аз ҳамдигар фарқ мекунанд.
Тоҷикистон, бе муҳобо, сарзамини чашмасорон ва макони обҳои поку мусаффо аст. Дар ин диёр ҳазорон чашмасороне ҳастанд, ки бо обҳои лазиз ва хосиятҳои фавқулодаи табобатиашон ном бароварда, дили миллионҳо одамонро тасхир кардаанд. Як қисмати дигари ин чашмасоронро рӯдҳои бузургу сероб ташкил медиҳанд, ки аз кӯҳҳои сарбаафлоккашида маншаъ гирифта, Тоҷикистонро ба як сарзамини беназири обҳои тоза ва рӯдҳои равон табдил додаанд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо назардошти он ки кишвари мо дар саргаҳи оби тоза қарор дораду сарзамини чашмасорон ва  макони обҳои тоза мебошад, бори чорум аст, ки масъалаи ҳифзи онро дар сатҳи ҷаҳонӣ мавриди баррасӣ қарор медиҳанд ва аз ин неъмати бебаҳо пуштибонӣ мекунанд. Маҳз бо пешниҳоди Тоҷикистон Маҷмаи кулли Созмони Милали Муттаҳид Қатъномаи Даҳсолаи байналмилалии амал «Об барои рушди устувор», солҳои 2018 – 2028 – ро қабул намуд.
Қабули чунин иқдомҳои нек ва башардӯстона моро ба он водор месозад, ки нисбат ба ин неъмати бебаҳои кишвари худ бепарво набошем. Донистани асрору макони чашма, рӯд, дарё ва кӯлҳои Тоҷикистон барои ҳар як ватандор, ки ба ин сарзамин  меҳру муҳаббат дораду онро дӯст медорад, аз манфиат холӣ нахоҳад буд.
Рӯзномаи «Ҷумҳурият» тасмим гирифтааст, ки нигоштаҳои ҷолибу хонданиеро аз силсилаи «Аз чашмаҳо ривоят мекунанд» ба чоп расонад.


Рӯди Қандоб
Исми он шарҳ медиҳад, ки оби он чи гуна аст. Албатта рӯдеро, ки ба он Қандоб ном ниҳодаанд, дигар таърифу тавсиф дар борааш беҳуда аст, зеро ки дар ин ифода ҳама хосиятҳои он ниҳон аст. Ин рӯд дар деҳаи Нимдараи Ҷамоати деҳоти Даштиҷуми ноҳияи Шамсиддини Шоҳин воқеъ мебошад.
Ман борҳо аз оби он нӯшидаам ва ҳар бор ба ҷавҳаршиносӣ ва борикназарии гузаштагон аҳсан гуфтаам. Гузаштагони мо ба чизҳои дигар ҳам, хусусан ба меваҳо, калимаи қандакро илова мекунанд, ки он ба ширин буданаш таъкид менамояд. Ба номи ин чашма илова шудани қанд ҳамин маъниро дорад. Яъне, чашмаи ширину шаффоф.
Ҳофизи халқии Тоҷикистон, устод Одина Ҳошим дар деҳае ба дунё омадааст, ки ин рӯд аз чашмаҳои он маншаъ мегирад. Маълум, ки ӯ басо зиёд аз ин об нӯш кардаву ташнагӣ шикастааст. Ӯ аз Қандоб нӯшидааст, ки ин қадар лафзи шево ва садои ширин доштааст. Ҳама софӣ ва ширинии ин обро аз овози ширадори ҳофизи мумтоз мушоҳида кардан имкон дошт.
Мардум беҳуда намегӯянд, ки фалонӣ аз оби фалон маҳал ё макон нӯшидааст. Яъне, ба қавли гузаштагон, таъсири об на танҳо дар зиндагӣ, балки дар тарбия, пешрафт ва такомули шахс низ хеле қавӣ будааст.
Қандоб рӯди файзбору пурбаракате низ ҳаст. Мардуми маҳал аз он дар кори боғдорию зироатпарварӣ хеле зиёд истифода мекунанд.
(Давом дорад)
Алихон ЗАРИФӢ  


Баёни ақида (0)    Санаи нашр: 27.02.2017    №: 43    Мутолиа карданд: 1298

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед