logo

номаҳо

БАҲОРРО "ҶУМҲУРИЯТ" БА МУЛКИ МО МЕОРАД

Мо – омӯзгорони муассисаҳои таълимӣ аз он хушнуд ҳастем, ки рӯзномаи «Ҷумҳурият» ба масъалаҳои маориф ва тарбияи насли наврас аҳамияти ҷиддӣ медиҳад. Ба ҷуз ин, мо, аз матолиби дигари дар рӯзнома дарҷгардида низ дар раванди таълиму тарбия истифода мебарем.
Чанд рӯз пеш шоҳиди баҳси устодони муассисаи таълимиамон гардидам. Онҳо бознашри порчаи асари машҳури Абурайҳони Берунӣ «Осор – ул – боқия» - ро вобаста ба Наврӯз муҳокима мекарданд. Яке аз устодон мегуфт, ки оё бознашри асари чопшуда зарурат дорад? Устоди дигар ба ӯ посухе доданд, ки ин ҷо пурра овардани онро айни муддао медонам.
Устоди куҳансол чунин посух дод: «Дар аввал ман низ чунин ҳисобидам. Ба худ гуфтам, ки  барои мо, ки дар хона китоби зиёд, аз ҷумла «Осор – ул – боқия» - ро дорем, ин мавод чӣ чизи наве хоҳад дод? Ба ҳар ҳол, хона рафта ҷевони  китобҳоямро такорӯ кардам. Аз «Осор – ул – боқия» дарак набуд. Онро аз китобхонаи мактаб ҷустам, наёфтам, аз чанд ёру дӯст пурсидаму аз яке пайдо кардам. Чун бисёр заҳмат кашида будам, маводи чопи рӯзномаро бо асл муқоиса кардам. Аввалин чизе, ки ба чашмам хӯрд, ин бо завқи баланд интихоб шудани матн ва бо дарки масъулият таҳия шудани он буд. Китоб, ки чандин сол пеш нашр шудааст, дар баробари баъзе ҳолатҳо ба имлои имрӯза рост наомаданаш хатои зиёд ҳам доштааст. Ба чоп ҳозиркунанда хеле заҳмат кашидааст. Барои ин ба ӯ ба таври алоҳида ташаккур бояд гуфт.
Чизи дигари муҳим ин аст, ки чандин сол боз ҳангоми сухан аз Наврӯз гуфтан аз Берунӣ мисол меоранд. Ман, ки тамоми маводи вобаста ба Наврӯзро барои  истифода дар дарсҳои тарбиявӣ ва чорабиниҳои ҷашниву баровардани рӯзномаҳои деворӣ ҷамъ меоварам, бисёр мехостам, ки иқтибосҳои паҳну парешонро бо аслашон муқоиса намоям. Маълум шуд, ки дар баъзе ҳолатҳо ба тафреҳкорӣ низ роҳ додаанд. Дар ҳолатҳои дигар мисолҳо дигаргуна тавзеҳ ёфтаанд.
Баъдан, мо дар хусуси андешаҳои Берунӣ дар бораи Наврӯз бисёр шунида будем. Акнун рӯзномаи «Ҷумҳурият» ба мо имкон фароҳам овард, ки онро ба таври пурра дар даст дошта бошем. Ба ғайр аз мо ин маводро боз зиёда аз 40 ҳазор хонандаи рӯзнома мутолиа хоҳад кард. Умуман, аз рӯзи тасдиқ шудани рамзи «Наврӯз – 2017» ин рӯзнома ба таври доимӣ аз омодагиҳо ба он ҳамарӯза хабару мақола нашр намуда истодааст. «Ҷумҳурият» аз парастуву бойчечак дида имсол навиди баҳорро ба мо пештар овард. Мо дар рӯзҳои сарди зимистон саҳифаҳои чун баҳор шукуфони онро дида, ба зиндагӣ бештар дилгарм мешавем ва аз Ватани маҳбубу Сарвари муаззами он ифтихор менамоем.
Барои ин, ба таърихнигорони давраи навини давлати тоҷикон ва ифшогари ормонҳои миллиамон - рӯзномаи «Ҷумҳурият» бояд изҳори ташаккур намуд».
Ман ба посухи оқилона ва дурбинонаи устоди куҳансоли худ чизе илова карда наметавонам ва бо ҳамин иктифо менамоям, ки чун тамоми устодони дигар ба гуфтаҳои ӯ шарик ҳастам.
Алоҳида ШАРИФОВА,
устоди МТМУ № 18 - и шаҳри Ҳисор


Баёни ақида (0)    Санаи нашр: 27.02.2017    №: 43    Мутолиа карданд: 1932

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед