logo

сиёсат

БА ИМЗО РАСИДАНИ ЯК ҚАТОР ҚОНУНҲО

24 феврал аз тарафи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор қонунҳо, ки аз тарафи Маҷлиси намояндагон қабул гардида, Маҷлиси миллӣ онҳоро ҷонибдорӣ намудааст, ба имзо расонда шуданд.
Қонунҳои Ҷумҳурии Тоҷикистон «Дар бораи мукофотҳои давлатӣ», «Дар бораи хизматрасониҳои пардохтӣ ва низоми пардохтӣ», “Дар бораи таҳсилоти калонсолон”, “Дар бораи кумакҳои иҷтимоии унвонӣ”, оид ба ворид намудани тағйиру иловаҳо ба Кодекси оила, Кодекси ҷиноятӣ ва Кодекси андоз аз ҷумлаи онҳо мебошанд.
Қонуни Ҷумҳурии Тоҷикистон «Дар бораи мукофотҳои давлатӣ» муносибатҳои ҷамъиятиро вобаста ба сарфарозгардонӣ бо мукофотҳои давлатии Ҷумҳурии Тоҷикистон танзим намуда, асосҳои сарфароз гардондан бо мукофотҳои давлатии Ҷумҳурии Тоҷикистон, низоми мукофотҳои давлатии Ҷумҳурии Тоҷикистон, ҳуқуқ ва уҳдадориҳо ва имтиёзҳоро ба шахсони бо мукофотҳои давлатии Ҷумҳурии Тоҷикистон сарфарозгардида муайян менамояд.
 Қонуни Ҷумҳурии Тоҷикистон «Дар бораи хизматрасониҳои пардохтӣ ва низоми пардохтӣ» асосҳои ҳуқуқию ташкилии низоми пардохтӣ ва тартиби пешниҳод намудани хизматрасониҳои пардохтиро муайян намуда, ба фароҳам овардани шароити мусоид барои рушди соҳа равона карда шудааст.
Қонуни Ҷумҳурии Тоҷикистон “Дар бораи таҳсилоти калонсолон” муносибатҳои ҷамъиятиро вобаста ба низом ва идоракунии таҳсилоти калонсолон, ташкили раванди таълим, таъминоти илмию методӣ ва кадрӣ, инчунин, фаъолияти молиявию хоҷагидорӣ ва заминаи моддию техникии муассисаҳои таълимии таҳсилоти калонсолон танзим намуда, ҷиҳати ҳарчи бештар ба касбу кори ба талаботи бозори меҳнат ҷавобгӯ фаро гирифтани шахсони калонсол равона карда шудааст.
Қонуни Ҷумҳурии Тоҷикистон “Дар бораи кумакҳои иҷтимоии унвонӣ” асосҳои ҳуқуқиву ташкилӣ ва молиявии расондани кумакҳои унвонии иҷтимоиро ба оилаҳои камбизоат муайян менамояд. Аз ҷумла тартиби муроҷиат барои гирифтани кумакҳои унвонии иҷтимоӣ, шаклҳои кумакҳои унвонии иҷтимоӣ, таъйин кардани кумакҳои унвонии иҷтимоӣ, тартиби муайян кардан ва ба ҳисобгирии шаҳрвандоне, ки ба кумаки унвонӣ ниёз доранд, асосҳои қатъ намудани кумакҳои унвонии иҷтимоӣ, ҳуқуқ ва уҳдадориҳои кормандони мақомоти ваколатдори давлатӣ ҷиҳати қабули қарор дар бораи расондани кумакҳои унвонии иҷтимоӣ, ҳуқуқ ва уҳдадориҳои шаҳрвандоне, ки барои гирифтани кумакҳои унвонии иҷтимоӣ муроҷиат менамоянд, Феҳристи кумакҳои унвонии иҷтимоӣ ва паҳлуҳои дигари масъала ба танзим фаро гирифта шудаанд.
Инчунин, тағйиру иловаҳое, ки ба як қатор қонунҳо, аз ҷумла ба Қонуни Ҷумҳурии Тоҷикистон “Дар бораи мубориза бар зидди коррупсия”, “Дар бораи Агентии назорати давлатии молиявӣ ва мубориза бо коррупсия”, Кодекси ҷиноятӣ, Кодекси ҳуқуқвайронкунии маъмурӣ, дигар санадҳои қонунгузорӣ ворид карда шудаанд, ҷиҳати тақвияти мубориза бо коррупсия равона гардидаанд. Қонунҳои Ҷумҳурии Тоҷикистон “Дар бораи хизмати давлатӣ”, “Дар бораи баҳисобгирии муҳосибӣ ва ҳисоботи молиявӣ” бо мақсади такмили қонунҳои амалкунанда ва мутобиқ намудани меъёри онҳо ба Конститутсияи Ҷумҳурии Тоҷикистон пешниҳод гардидаанд.
Қонунҳои қабулгардида дар маҷмӯъ барои таҳкими қонуният, мубориза бо ҷинояткорӣ, ҳифзи инсон ва ҳуқуқу озодиҳои ӯ, ҳимояи манфиатҳои давлат, ташкилоту муассисаҳо ва таъмини тартиботи ҷамъиятӣ, рушди фаъолияти иқтисодиву иҷтимоӣ ва пешрафту инкишофи соҳаҳои гуногуни ҳаёти кишвар равона карда шудаанд.
Матни пурраи қонунҳои қабулгардида дар матбуоти расмии кишвар интишор карда мешавад.


Баёни ақида (0)    Санаи нашр: 27.02.2017    №: 43    Мутолиа карданд: 1377

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед