logo

ҳуқуқ

"ҶУМҲУРИЯТ". ДАР ЭҶОДИ МАФКУРАИ ЗИДДИТЕРРОРИСТӢ НАҚШИ НАМОЁН ДОРАД

Хатари терроризм ва экстремизм, мубориза  алайҳи ин зуҳуроти номатлуб ҳамоно аз мавзӯъҳои пурбаҳс дар ҷомеаи муосир боқӣ мемонад. Дар ҳоле ки яке аз омилҳои асосии гароиши ҷавонон ба ҳизбу ҳаракатҳои даҳшатафкану ифротгароӣ паст будани сатҳи маърифати динӣ ва ҳуқуқии онҳо унвон мешавад, барои ташаккули тасаввуроти саҳеҳ доир ба ислом  ва пешгирии андешаҳои ифротӣ танҳо дар соли сипаришуда рӯзномаи «Ҷумҳурият» беш аз 100 матлаби таҳлилӣ, мусоҳибаҳои ихтисосӣ ва гузоришҳои вижа ба табъ расонд, ки дар эҷоди мафкураи зиддитеррористӣ нақши намоён дорад.
Дар ин бора директори Маркази исломшиносӣ дар назди Президенти Ҷумҳурии Тоҷикистон Файзулло Баротзода ва дигар коршиносону таҳлилгарон зимни ҳамоише дар мавзӯи «Ҳамкории ниҳодҳои илмӣ-таҳлилӣ ва воситаҳои ахбори омма дар мубориза бо андешаҳои тундрав ва ифротӣ», ки дар шаҳри Душанбе баргузор шуд, ибрози назар намуданд. Ба гуфтаи таҳлилгарон, дар ҷомеа ҳанӯз ҳам қувваҳое ҳастанд, ки мехоҳанд идеологияи маҳдуди бар манфиатҳои гурӯҳиашон асосёфтаро, бидуни эътирофи назару андеша ва ҷаҳоншиносии аз онҳо фарқкунанда, ба мардум иҷборан таҳмил намоянд. Маърифати сиёсии гурӯҳҳои мазкур хеле маҳдуд буда, дар муносибат бо ҷомеа на аз илму маърифат, балки бештар аз эҳсосот кор мегиранд.
Дар ҳамоиш масоили вобаста ба хилофати виртуалӣ: равишҳои нави таблиғи ифротгароӣ дар фазои иттилоотӣ, нақши расонаҳо дар тарвиҷи фарҳанг, шарҳу таҳлили масъалаҳои динӣ дар ВАО - и ватанӣ: дастовард, камбудӣ, хатар ва чолишҳо, инъикоси мавзӯъҳои вобаста ба экстремизм ва терроризм дар рӯзномаи «Ҷумҳурият» ва дигар мавзӯъҳои муҳим  мавриди таҳлил ва баррасӣ қарор гирифтанд. Ба назари Файзулло Баротзода, директори Маркази исломшиносӣ, дуруст ба роҳ мондани ҳамкориҳои созанда дар байни ниҳодҳои илмӣ - таҳлилӣ ва воситаҳои ахбори омма оид ба инъикоси набзи воқеии кору пайкор ва созандагию бунёдкории бесобиқа, ҳамчунин муаррифии шоистаи фарҳанги миллӣ фазои солими иттилоотӣ, илмию фарҳангӣ ва динию эътиқодиро дар қаламрави кишвар чандин маротиба қавӣ мегардонад ва дар тарбияи рӯҳияи ватандӯстӣ ва фидокории насли ҷавон нақши муассир мебозад.
Иштирокдорони ҳамоиш яке аз омилҳои асосии коҳиш ёфтани тамоюли пайвастани ҷавононро ба сафи созмону ҳаракатҳои ифротию террористӣ дар соли 2016 тақвияти ҳамкорӣ ва муборизаи дастаҷамъонаи сохтору ниҳодҳои марбутаи кишвар, хусусан, мақомоти қудратии Тоҷикистон, ниҳодҳои илмӣ - таҳлилӣ ва воситаҳои ахбори омма арзёбӣ намуданд.  Онҳо тақвияти ҳамкории ниҳодҳои илмӣ - таҳлилӣ ва ВАО-ро мувофиқи мақсад дониста, пешниҳод карданд, ки сомонаҳои ниҳодҳои илмӣ - таҳлилӣ маводи санҷидашударо дар бораи масоили мубрами диншиносӣ ва шинохти равандҳои ифротӣ дастраси оммаи васеи хонандагон гардонанд. Баргузор намудани маҷмӯи чорабиниҳо дар шаҳру ноҳияҳои ҷумҳурӣ низ барои мубориза бо андешаҳои тундрав ва ифротӣ бисёр муассир дониста шуд.  Зикр гашт, ки зимни баррасӣ ва таҳлили масоили марбут ба равандҳои тундрав ва ифротӣ бояд муносибати холисона ва тахассусӣ зоҳир гардад,  манфиати давлат ва миллат болотар аз ҳама гуна манфиатҳои дигар қарор дода шавад.
Додоҷон РӮЗИЕВ, «Ҷумҳурият»


Баёни ақида (0)    Санаи нашр: 02.03.2017    №: 48-49    Мутолиа карданд: 1396
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед