logo

ҳуқуқ

ҶИНОЯТ ва ҶАЗО

Гумонбари қатли зани соҳибкор дастгир гардид
Баъд аз зуҳри 2 марти соли ҷорӣ дар назди оромгоҳи деҳаи Дурманбулоқи Ҷамоати деҳоти Лучоби ноҳияи Варзоб аз дохили автомашинаи тамғаи “Лексус-PX-350” ҷасади зани 52-солаи сокини шаҳри Душанбе пайдо гардид.
Тибқи иттилои дафтари матбуоти ВКД, ҷисми беҷони ин зани соҳибкор бо аломатҳои марги маҷбурӣ, яъне бо захмҳои халандаю буранда дар қисмати рӯй, гардан ва баданаш дарёфт шудааст.
Дар натиҷаи гузарондани чорабиниҳои оперативӣ-ҷӯстуҷӯӣ ҳамчун гумонбар дар содир намудани ҷинояти куштор ҷавони 23 - солаи сокини ноҳияи Восеъ, ки аз ӯ донишҷӯ ном бурда мешавад, боздошт шуд.
Аз рӯи ҳодисаи мазкур парвандаи ҷиноятӣ оғоз шуда, тафтишот давом дорад.

Марзшикан ба ҷавобгарӣ кашида шуд
Кормандони мақомоти корҳои дохилӣ дар ноҳияи Ишкошими ВМКБ шаҳрванди Ҷумҳурии Исломии Афғонистон Увайдулло валади Абдулрауфро ҳангоми убури ғайриқонунии сарҳади давлатии Ҷумҳурии Тоҷикистон боздошт намуданд.
Дар ин робита, бо аломати моддаи 335 қисми 1-и Кодекси ҷиноятӣ, яъне ғайриқонунӣ бидуни ҳуҷҷати муайяншуда ва иҷозати зарурӣ гузаштан аз сарҳади давлатии Ҷумҳурии Тоҷикистон парвандаи ҷиноятӣ оғоз шудааст.
Тибқи иттилои маркази матбуоти Раёсати ВКД дар Вилояти Мухтори Кӯҳистони Бадахшон, ҳоло Увайдулло валади Абдулрауф дар ҳабси пешакӣ қарор дошта, вобаста ба ин ҳолат тафтишоти пешакӣ идома дорад.

Дарёфт ва мусодираи сангҳои қиматбаҳо
Ду нафар сокини шаҳри Кӯлоб ба гумони муомилоти ғайриқонунии металлҳои қиматбаҳо аз сӯи кормандони милитсия дастгир шуд.
Аз гумонбаршудаҳо, ки яке 42 ва дигари 47 сол дорад, ҳангоми ба фурӯш баровардан 42 адад санги қиматбаҳо бо вазни умумии 30,19 грамм дарёфт гардидааст. Аз рӯи ташхиси иёргарӣ аз ин теъдод 34 адад зумрад, 7 адад лаъли асил ва як ададро ёқути сурх ташкил медиҳад.
Сомонаи Вазорати корҳои дохилӣ, инчунин аз боздошти сокини 52-солаи ноҳияи Муъминобод хабар дод, ки дар муомилоти ғайриқонунии сангҳои қиматбаҳои табиӣ гумонбар мешавад. Кормандони милитсия ҳангоми азназаргузаронии хонаи истиқоматии гумонбаршуда 5 адад санги қиматбаҳо дарёфт ва мусодира карданд. Ташхиси иёргарӣ нишон додааст, ки аз шумори умумии сангҳо 2 адад лаъли асил ва 3 ададаш лаъли сурх мебошанд, ки вазни умумиашон 7,072 граммро ташкил медиҳад.
Аз рӯи далелҳои мазкур парвандаи ҷиноятӣ оғоз шуда, тафтишот идома дорад.

Дуздӣ ва боздошти гумонбарон дар шаҳри Истаравшан
Ду сокини деҳаи Сандугундаки шаҳри Истаравшан ба гумони дуздии маблағ ва амволи гуногун ба маблағи умумии 26350 сомонӣ аз ҷониби кормандони мақомоти корҳои дохилӣ боздошт шуд.
Гумонбарони дуздӣ - ҷавони 20-сола ва ҷавонзани 19-сола баъд аз ворид шудани аризаи шикоятии сокини 39- солаи ҳамин деҳа ба ШВКД дар шаҳри Истаравшан дар пайи амалиёти оперативӣ-ҷустуҷӯӣ дастгир гардиданд. Муроҷиаткунанда ба мақомоти милитсия арз кардааст, ки аз 10 то 21-уми феврали соли равон, шахсони номаълум бо роҳи пинҳонӣ вориди хонаи истиқоматиаш шуда, 570-сомонӣ, ҷавоҳироти тиллоӣ ва 1-адад телефони мобилии тамғаи “Нокия”, ҷамъ ба маблағи 26350 сомониро дуздида, аз ҷойи ҳодиса ғайб задаанд.
Оид ба ҳодисаи дуздӣ парвандаи ҷиноятӣ оғоз гардидааст.
Шуъбаи ҳуқуқи рӯзномаи «Ҷумҳурият»


Баёни ақида (0)    Санаи нашр: 06.03.2017    №: 51    Мутолиа карданд: 1214
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед