logo

иҷтимоиёт

ЧАШМАИ ШОҲКУЛОҲ

Чашмаи Шоҳкулоҳ аз шумори чанд чашмаи калону сероби деҳаи Доғистон аст, ки бо хушобиаш фарқ мекунад. Ин чашма дар маҳаллаи Гузари таги ҳамин деҳа воқеъ буда, обаш хеле бомазза мебошад. Он тамъи ба худ хос дорад.
Номи чашма ба исми яке аз сарояндагони маъруф Шоҳкулоҳ иртибот мегирад. Шоҳкулоҳ то Инқилоби Октябр дар водии Кӯлоб яке аз беҳтарин ҳофизони мардумӣ ба ҳисоб мерафт. Номи аслии ӯ Ашӯр буда, Шоҳкулоҳ тахаллуси ӯст. Донандагони ҳол ривоят мекунанд, ки Шоҳкулоҳ дар сар як кулоҳи шоҳӣ дошт ва дар ҳама ҷо ӯро аз ҳамон кулоҳаш мешинохтанд. Ба ҳамин хотир мардум ба ӯ Шоҳкулоҳ тахаллус медиҳад.
Мегӯянд, ки Шоҳкулоҳ дар ҳунари овозхонӣ назир надошт ва ягонаи давр буда, овози хушу лаҳни ширин ва сабки зебо дошт. Ӯ ба ҷуз сарояндагӣ як ҷавони паҳлавон, қоматбаланд, зебо, накугуфтор, хушсурату донишманд ва суҳбаторою базлагӯй низ будааст.
Овоза ва шуҳрати Шоҳкулоҳ то ба дарбори амирони Бухоро рафта мерасад. То ҷое ки, ӯ як муддат ба дарбор роҳ ёфта, хизмати аҳли рикобро ба ҷо овардааст. Вале бо сабабҳои номаълум, боз ба Кӯлоб баргашта, ҳунари сарояндагии худро идома медиҳад.
Баъд аз Инқилоби Октябр Шоҳкулоҳ ба Афғонистон меравад ва он ҷо муқимӣ мегардад. Бино ба гуфтаи касоне, ки аз рӯзгораш огаҳӣ доштанд, ӯ дар Афғонистон низ бо ҳунари сарояндагию паҳлавониаш шуҳрат  касб мекунад ва ба мақому мартабаи баланд мерасад.
Як шогирди Шоҳкулоҳ, ки баъдан ба Ватан бармегардад, воқеаеро нақл кардааст. Дар шаҳри Балх Ҷашни Наврӯз баргузор мегардад. Дар он ҳама ҳокимону бузургони Афғонистон иштирок доштанд. Ба шоҳ мерасонанд, ки дар маърака Шоҳкулоҳи Ҳофиз низ ширкат дорад. Шоҳ ӯро ба наздаш даъват мекунад ва амр бар суруд хондан менамояд. Шоҳкулоҳ як базм мекунад, ки ҳама ҳунармандони афғон ангушти ҳайрат мегазанд. Сипас, маъракаи гӯштигирӣ шурӯъ мешавад. Шоҳ, ки аз паҳлавонии Шоҳкулоҳ низ огаҳӣ дошт, ба ӯ амр мекунад, ки майдон барояду гӯштӣ гирад. Шоҳкулоҳ ба майдон баромада,  чанд паҳлавонро аз пой меафтонад. Аз ҷумла, паҳлавони асосии майдонро. Шоҳ барои сурудхонӣ ва гӯштии зебо ба ӯ аспи бодпоеро бо зину абзораш туҳфа мекунад. Ин дам бузкашӣ оғоз меёбад. Шоҳкулоҳ, ки дар ин бозӣ хеле чира буд, аспро савор шуда, ба майдон медарояд. Ӯ аз гӯштӣ дида, дар бузкашӣ худро бештар нишон медиҳад. Шоҳ, ки ин ҳама ҳунарҳои ӯро медид, ба ваҷд меояд ва изҳори шодию хурсандӣ мекунад. Дар фарҷоми бозӣ ӯро боз назди худ хонда, инъоми зиёде медиҳад ва Шоҳкулоҳро аз муқаррабони худ эълон медорад. Ба навкаронаш амр медиҳад, ки аз ҳолу аҳволи ӯ огаҳ бошанд ва ғамхорӣ зоҳир намоянд. Баъд аз ин Шоҳкулоҳ дар тамоми қаламрави Афғонистон низ шуҳрат пайдо мекунад ва яке аз шахсиятҳои шинохта мегардад.
Нақл мекунанд, ки дар яке аз чорабиниҳои муҳим ҳама омадани ӯро интизорӣ мекашиданд. Вақте Шоҳкулоҳ ба майдон ворид мешавад шоҳ ва ҳамроҳонаш аз аспҳо пиёда мешаванд ва Шоҳкулоҳро бо иззату икром истиқбол мегиранд. Ҳамдиёронаш ба хотири зинда мондани номи ҳунарманди мумтоз ва паҳлавони номӣ чашмаи деҳаашонро, ки ӯ бисёр дӯст медошт чашмаи Шоҳкулоҳ номгузорӣ мекунанд.
Чашмаи Шоҳкулоҳ дар шафати хонаи падарии Ҳунарпешаи халқии Тоҷикистон Давлатманди Хол қарор дорад. Устод Давлатманди Хол низ аз оби ин чашма хеле зиёд нӯшидааст.  Ин аст, ки дар ҳунари ӯ шабеҳияте ба ҳунари ҳамдиёраш Шокулоҳи Ҳофиз мушоҳида мешавад. Агар ҳунари Шоҳкулоҳ то Самарқанду Бухоро ва Балху Кобул расида бошад, пас ҳунари Давлатманд Ҳиндустону Эрон, Амрикою Ҷопон, Чину Фаронса, Белжику Олмон ва даҳҳо кишвари бузурги оламро тасхир кардааст.
Миёни ин ду ҳунарманд қаробате ҳаст. Ҳар ду аз оби ширину зулол ва ҷонбахшу мусаффои ин чашма нӯши ҷон кардаву бо ҳунару маҳорати худ оламгир шудаанд.
Алихон ЗАРИФӢ


Баёни ақида (0)    Санаи нашр: 06.03.2017    №: 51    Мутолиа карданд: 1019

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед