logo

иҷтимоиёт

ГИЁҲДАРМОНӢ. ЧАРО АЗ ИҚДОМҲОИ НАВ КОР НАГИРЕМ?

Дар дашту даман ва минтақаҳои доманакӯҳи Тоҷикистон садҳо намуди гиёҳҳои шифобахш мерӯянд, ки аксари онҳоро метавон дар гиёҳдармонӣ истифода бурд. Пажӯҳишгарону мутахассисони рус ҳанӯз дар замони шӯравӣ ба табиати нотакрори кишвари мо мароқ зоҳир намуда, гиёҳҳои дармониро ба шаҳрҳои Москваю Санкт – Петербург ва дигар минтақаҳои кишварашон барои дорусозӣ интиқол медоданд. Ҳоло имконияти коркарди онҳо дар худи мо пайдо шудааст. Дар ин маврид суҳбате доштем бо Муҳсиддин Холбобоев, директори Маркази таълимӣ -  истеҳсолии «Ҷамъоварӣ ва коркарди гиёҳҳои шифобахш».

- Дар маркази мо се дастгоҳи замонавӣ барои коркард ва истеҳсоли доруҳои гиёҳӣ фаъол мебошад. Онҳо барои гиёҳҳоро резаву хока кардан ва барои омода сохтани халтачаҳои полоишӣ хизмат мекунанд. Ҳоло даҳ намуди гиёҳчой: пудина, гули бобуна, субинак, чойкаҳак, сӯзанкаҳ, чачрақӣ истеҳсол шуда, ба дорухонаҳои ҷумҳурӣ тақсим карда мешавад.
Пас аз дидан карданамон аз коргоҳ ва анбори маҳфуздории гиёҳҳо маълум гашт, ки барои истеҳсоли гиёҳҳои дармонбахш технологияи мураккабу гаронарзише лозим нест. Роҳи омода карданашон ҳам камхарҷ мебошад. Ду намуди таҷҳизотро худи мутахассисони коргоҳ сохтанд. Дастгоҳи қуттисозиро аз Чин овардаанд. Марказ аз рӯзи таъсисёбиаш 6500 қуттии гиёҳчой истеҳсол кардааст. Фаъолияти он бо машғулиятҳои амалии донишҷӯёни факултети «Кори форматсевтӣ» якҷоя ҷараён мегирад.
- Аксари кишварҳои пешрафта гиёҳҳоро на танҳо барои омода кардани доруворӣ, балки барои истеҳсоли маҳсулоти гуногуни поккорӣ, собун, атр, гулоб, хокаҳои гуногуни дандошӯӣ ва ғайраҳо васеъ истифода мебаранд. Махсусан, дар Чин гиёҳдармонӣ рушд намудааст. Молу маҳсулоти ин кишвар, аз ҷумла гиёҳчойҳои чинӣ имрӯз дар Тоҷикистон ба таври васеъ мавриди истифодаи мардум қарор доранд. Ин хуб аст, аммо, агар дар Тоҷикистон чунин гиёҳҳои шифобахш набошанд, пас бояд рӯи ниёз ба маҳсулоти хориҷӣ овард. Вақте ки сарзамини худамон чунин гиёҳҳо зиёд дораду дар гузашта низ мактаби бузурги гиёҳдармонӣ дорем (дар саргаҳаш Ибни Синову Абурайҳони Берунӣ меистанд), бояд худамон онҳоро истеҳсол кунем. Мо дар оянда нияти истеҳсоли зиёда аз 40 намуди гиёҳчойро дорем, - таъкид мекунад Муҳсиддин Холбобоев.
Мутахассисон бар он назаранд, ки дар оғози ҳама кор камбудиҳо мешаванд, аммо тақозои замон аст, то иқдоми ҷадид пеш орем. Дар баробари таҳким ёфтани истеҳсоли гиёҳҳои шифобахш мардум аз хариди дорувории гаронарзиши хориҷӣ даст хоҳанд кашид.
Бузургмеҳри БАҲОДУР,  «Ҷумҳурият»


Баёни ақида (0)    Санаи нашр: 06.03.2017    №: 51    Мутолиа карданд: 963

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед