logo

иҷтимоиёт

АМИНА ДАВЛАТШОЕВА: "МО БОЯД ШОЁНИ ИФТИХОР ВА ИБРАТ БОШЕМ"

Доктори  илмҳои  сотсиологӣ Амина  Давлатшоева  ҷавон  аст ва ҳамагӣ 31  сол  дорад. Ӯ аз  зумраи  ҷавонони  баландиқболе  мебошад, ки  ба  шарофати  соҳибистиқлолӣ    ва  сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон дар бонуфузтарин донишгоҳҳои дунё таҳсили  илм  карда, дар муассисаҳои гуногуни кишварҳои пешрафтаи олам фаъолияти пурсамар  менамояд.
Амина зодаи шаҳри Хоруғ буда,  муассисаи таҳсилоти  миёнаи умумиро    бо  медали  тилло хатм кардааст.  Пас аз итмоми омӯзишгоҳи  тиббии  шаҳри   Душанбе  бошад, ӯ  факултаи  химияи  Донишгоҳи  давлатии  Хоруғро  бо дипломи аъло ба поён мерасонад.
Донистани  забони  англисӣ   барои  пешрафти  таҳсилу  кори  ӯ мусоидат  мекард. Ба гуфтаи Амина, ӯ аз хурдсолӣ ба омӯзиши   забони англисӣ рағбати калон дошт ва,  аллакай, дар синфи 11  бо он   озодона ҳарф мезад. Ин  имкон  дод, ки  Амина   дар  озмунҳои  гуногуни  байналмилалӣ ширкат  варзад. Бахусус,    озмуне, ки  соли 1997 дар шаҳри Онтариои Канада баргузор гашта буд, дар  ҳаёти  Амина   саҳифаи  нав  кушод. Ӯ аз  озмун  бомуваффақият гузашта, дар Маркази забонҳои англисӣ ва идораи компютерӣ  ба фаъолият пардохт.  Тайи ду соли кор дар ин  маркази  бонуфуз,   таҳти роҳбарии олимони забардаст  на  танҳо  нозукиҳои забони англисиро омӯхт, балки оид ба соҳаҳои сиёсат ва иқтисод маълумоти бебаҳо гирифт. 
Таҳсил дар магистратураи Донишкадаи рушди  маорифи Карочии Покистон   барои боз ҳам баланд  гаштани сатҳи дониши  ӯ марҳилаи   нав  гардид. Баъди  хатми  донишкада  бо  баҳои  аъло,  ба  гирифтани  унвони  магистри соҳаи  маорифи  байналмилалӣ   мушарраф   шуд. 
«Ин  даргоҳи  илму  маърифат  ба  рӯям  дарҳои  навро боз намуд,- мегӯяд  Амина.-  Қабул  ба  Донишгоҳи  Массачусетси  Иёлоти  Муттаҳидаи   Амрико ва  ҳимояи  рисолаи  докторӣ  маҳз  ба  шарофати  таҳсил  дар  Донишкадаи  рушди маориф  даст  дод».
Тайи ин солҳо Амина ба ҳайси мушовири Бунёди  кӯдакони Созмони Милали Муттаҳид, машваратчии ташкилоти байналмилалии USAID (барномаи назорати саломатӣ ва зиёд намудани маълумотнокии аҳолӣ) дар Кобул, корманди барномаҳои АКДН-и Оғо Хон оид ба хадамоти маориф (AKES) дар Афғонистон, корманди барномаи тандурустии намояндагии доимии СММ дар Ню-Йорк, мушовири Портфолиёи ҷамъиятии Донишгоҳи Амҳёрсти иёлати Массачусетс, корманди илмии Донишкадаи тандурустии глобалии  Донишгоҳи Массачусетс фаъолият намудааст. 
Ҳоло Амина Давлатшоева  дар вазифаи мудири бахши рушди стратегӣ ва инкишофи ширкати ҳолдингии Абу-Забии Амороти Муттаҳидаи Араб  кор мекунад.
- Фаъолият дар корхонаҳои мамолики хориҷӣ аз як ҷиҳат боиси ифтихор бошад, аз тарафи дигар басе масъулиятнок аст,- мегӯяд Амина. - Мо ҳамеша бояд кӯшиш  намоем, ки  ҳар  як гуфтору  кирдорамон  боиси  ифтихор ва ибрати дигарон бошад. Зеро  аз  амалҳои   мо  ба  миллатамон  баҳо  медиҳанд.  Аз  ин  лиҳоз,  бояд  пайваста саъю кӯшиш намуд, то  Ватани азизамон беш аз пеш шуҳратёр гардад.  Падарам Сайфулло Давлатшоев, собиқадори  соҳаи  маориф,  доимо  таъкид  мекунанд:  «Муҳим  нест, ки  дар  куҷо  ва  дар  кадом вазифа  кор  мекунем, балки асосаш хидмати мунсифона  ба хотири пешравӣ ва рушду нумӯи ҷомеа  мебошад.  Ҳар яки моро мебояд ба нафъи Ватани азизи хеш  заҳмат кашид». Ин  ҳарфҳои  падарро ба  ёд  оварда,  мудом кӯшиш менамоям, ки  номбардори  абармардони ин миллати куҳанбуёд ва тамаддунофар бошам.  Аз  он  ки  Пешвои миллат Эмомалӣ  Раҳмон  дар  арсаи  ҷаҳонӣ  шуҳрати беандоза доранд, боиси  ифтихор  ва  фараҳмандии  мо – тоҷикон аст. 
Амина Давлатшоева меафзояд, ки аз ҷониби   Асосгузори сулҳу ваҳдати миллӣ – Пешвои  миллат, Президенти  Ҷумҳурии  Тоҷикистон  муҳтарам  Эмомалӣ  Раҳмон  Соли ҷавонон  эълон  шудани соли 2017 нишони эҳтирому арҷгузорӣ ба насли ояндасози кишвар мебошад. Зеро равнақу ривоҷи ҳар давлату миллат дар дасти ҷавонони ӯст.
Раҳмони  ГУЛЗОР, «Ҷумҳурият»


Баёни ақида (0)    Санаи нашр: 06.03.2017    №: 51    Мутолиа карданд: 1221

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед