logo

фарҳанг

ПОЛИФОНИЯ

Мегӯянд, ки инсон дар кадом муҳите ба дунё ояд, ҳамон гуна тарбия меёбад. Манзура дар оилаи шоири шинохтаи тоҷик Муҳиддин Фарҳат таваллуд шудааст. Муҳити хонаводагии онҳо пур аз шеър ва суруд буд. Табиист, ки Манзура наметавонист ба шеъру оҳанг дилбастагӣ надошта бошад. Ҳамин дилбастагӣ ӯро ба мактаб ва омӯзишгоҳи мусиқӣ овард. Дарки жарфи мусиқӣ ва қобилияти фавқулодаи оҳангофариаш аз ҳамин солҳо ошкор гардид.

Аввалин таҷрибаҳои эҷодиаш  таҳти роҳбарии Г. С. Александров сурат гирифтаанд. Пасон, Манзура Ҳасанова ба Консерваторияи давлатии Москва ба номи П. И. Чайковский (синфи профессор Т. Н. Хренников) дохил шуда, дониш ва малакаю маҳорати эҷодиашро сайқал медиҳад. Аввалин асарҳои ӯ – пйесаҳо барои фортепиано ва асарҳои камеравӣ – вокалиаш дар ҳамин макони пурэъҷози эҷод офарида шудаанд.  Аз асарҳои нахустинаш робитаи эҷодкор бо хусусиятҳои лаҳнӣ – интонатсионии фолклорӣ эҳсос мегардад. Фароғат Азизӣ, мусиқишиноси маъруфи тоҷик, доктори илмҳои санъатшиносӣ, профессор, ба эҷодиёти композитор Манзура Ҳасанова баҳо дода, таъкид месозад, ки  ин хусусият минбаъд низ дар эҷодиёти ӯ инкишоф ёфта, хусусияти хоси эҷодии оҳангсозро ташкил додааст. Баъдтар, Манзура дуэтҳо барои скрипка ва фортепиано, флейта ва фортепиано меофарад. Дар ин асарҳояш низ навоварӣ ва диди хоси ӯ баръало мунъакис гардидааст. Квартети тории № 1 – и офаридаи ӯ аз маҳорати хоси эҷодиаш дарак медод.
Манзура ба сифати кори дипломӣ «Анданте ва токкато» - ро барои оркестри симфонӣ интихоб менамояд. Дар имтиҳони давлатӣ арбобони маъруфи мусиқии рус эътироф менамоянд, ки композитор  асари ҷолиб ва барҷастаеро офаридааст. «Шакли полифонии он саршор аз образу мавзӯъҳои мусиқии мардумии тоҷик аст, - меорад Ф. Азизӣ. – Муаллиф дар ин асар ҷӯршавии бемислу хоси рангҳои мусиқӣ – тембрро дарёфтааст. Бо ҳайати нисбатан камшумори навозандагон нигоҳ накарда, асар хеле хушобуранг садо медиҳад. Қисми якуми «Анданте» - ривояти лирикӣ аст. Дар он манзараҳои кӯҳистони Тоҷикистон тасвир шудаанд. «Токката» бошад, тасвиргари иди халқӣ мебошад. Ин қисм аз зарбҳои чандирӣ саршор аст.  Онҳо дар лаҳзаҳои марказӣ – ҳангоми зуҳури марш – рақси мардона, махсусан барҷаста садо медиҳанд. Мураккабтарин тасвири мавзунияти зарбӣ дар «Токката» хеле моҳирона ва бомантиқ ороста шудааст, ки он эҳсоси босуръати доимиро ба вуҷуд меоварад». Пас аз хатми консерватория  М. Ҳасанова таҳсилро дар ассистентура – коромӯзӣ идома медиҳад. Дар ин давра квартети тории № 2 – ро эҷод менамояд, ки дар консерти плениуми ҷавонони Иттифоқи композиторони СССР  бо муваффақият иҷро карда шуд. Аз ин муваффақият рӯҳу илҳом гирифта, достони симфонӣ барои оркестрро эҷод менамояд.
Манзура Ҳасанова узви Иттифоқи композиторони СССР интихоб мегардад. Пас аз хатми ассистентура ӯ ба Душанбе баргашта, кори эҷодиро бо фаъолияти ҷиддии омӯзгорӣ дар Донишкадаи давлатии фарҳанг ва санъати Тоҷикистон ба номи Мирзо Турсунзода мепайвандад. Ҳамвора бо омӯзиш ва таҳқиқи назария ва амалияи санъати мусиқии тоҷик машғул аст. Самти асосии пажӯҳиши илмии ӯро эҷодии композитори ҷавон, алоқамандии унсурҳои фолклорӣ бо тамоюлҳои гуногун ва услубҳои муосир ташкил медиҳад. Дар эҷод бошад, Манзура Ҳасанова ба мусиқии вокалӣ рӯ меорад.
Мусиқиаш барои иҷрокунандагон гуворо  ва сомеон хеле форам аст.
М. ТАБАРӢ, «Ҷумҳурият»


Баёни ақида (0)    Санаи нашр: 07.03.2017    №: 52    Мутолиа карданд: 849

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед