logo

фарҳанг

ФАРИШТА

Кӯдак чун дарёфт, ки фардо тавлид мешавад, бо андуҳи бузург рӯй ба Офаридгор оварду бо ӯ сухан гуфт. Ҳотифе аз ҷониби Худованд ба пурсишҳояш посух дод ва шодаш намуду умедвораш сохт, ки дар ин омадан ҳазор файз асту баракату ҳикмат. Ин гуфтугӯ бад – ин сурат буд.

Кӯдак: - Маро фардо ба замин, ба дунё мефиристӣ. Мебинӣ, ки ман хурдам? Ба ин син, ба ин ҳол бе ёрие чӣ гуна метавонам ба он ҷо биравам ва зиндагӣ ба сар бибарам?
Ҳотиф: - Дил хуш бидор ва ғам аз худ дур бикун. Аз миёни фариштагони зиёди худ бо амрам яке дар хизмати ту хоҳад буд. Ӯ дар интизори туст ва туро он гуна, ки шоиста аст, нигаҳдорӣ хоҳад кард.
Кӯдак: - Эй Офаридгори бузург! Ман дар ин ҷо, дар ин макон бисёр хуш ҳастам. Кореву заҳмате надорам. Механдам. Бо шодмонӣ овоз сар медиҳам.
Ҳотиф: - Он ҷо низ андуҳе ба хотират роҳ намеёбад. На коре дорӣ, на заҳмате. Биханд, бо шодмонӣ овоз сар бидеҳ. Ва ҳам фариштаи ту бароят овоз хоҳад хонд ва ба рӯят лабханд хоҳад зад. Ӯ ба ту меҳр дорад, ишқ дорад ва ту аз ин ҳама бештар шод мегардӣ.
Кӯдак: - Охир ман забони он мардумро намедонам. Пас, чӣ гуна бо онҳо сухан мекунам ва ҳам мефаҳмам, ки чӣ мегӯянд?
Ҳотиф: - Фариштаи ту зеботарину ширинтарин вожаҳоро дар гӯши ту замзама хоҳад кард ва бо сабру бурдборӣ ба ту ёд хоҳад дод, ки чӣ тавр сухан бигӯию суҳбат бикунӣ.
Кӯдак: - Шунидаам, ки дар замин, дар дунё одамҳои баде ҳам ҳастанд, зиндагӣ мекунанд. Аз онҳо маро, ки бисёр хурдаму нотавон, кӣ муҳофизат менамояд?
Ҳотиф: - Он фариштаат муҳофизи ту аст. Туро ҳифз хоҳад кард, агар ба қимати ҷони худаш ҳам бошад.
Кӯдак: - Худовандо, агар ҳукм аст, ки биравам, дигар бе ҳеҷ ғаму андуҳ ва андеша, балки бо шодмонӣ хоҳам рафт. Аммо номи фариштаамро намедонам. Ӯро бо кадом ном садо бикунам?
Ҳотиф: - Гуфтам, ки дил хуш бидор. Он фариштаат хуб медонад, ки бо чун ту кӯдаки нотавон чӣ бикунаду чӣ бигӯяд. Ӯ вазифаи худро медонад ва ба дурустӣ иҷро мекунад. Ҳолиё дар интизори омаданат ҳаст. Донистани номи фариштаат муҳим нест. Метавонӣ ӯро бо содагӣ «Модар» ном бибарӣ.
Кӯдак тавлид шуд, ба дунё омад. Нахуст пиндошт, ки фариштаашро наёфтааст, аз ин рӯ, гирист. Аммо он фаришта ӯро дар оғӯшаш гирифту пистон бар даҳонаш ниҳоду хомӯшаш намуд. Пас аз андак вақт кӯдак чашм боз карду фариштаашро дид ва хандиду бо хотири ҷамъ ба хоб рафт.
Оре, ҳар кадоми мо, ки дар он даврон кӯдак будем, ба яқин, дар симои Модар он фариштаи сиришта аз меҳри Худоро дидем. Ӯ дар иҷрои ҳеҷ вазифааш, воқеан, андаке ҳам таъхир накардааст. Моро дӯст дошт ва дар қимати ҷони азиз ҳифзамон намуд. Сухан гуфтанамон омӯхту роҳ рафтан. Пас аз он, ки ба сол бузург шудем, аз ёд бурдем, ки ӯ фаришта аст. Оё дарк кардем, фаҳмидем, ки бояд шукргузор бошему ҳама меҳру ишқу меҳнату заҳматҳояшро посух бидиҳем? Аммо агар нек биандешем, ин ҳақиқат бори дигар собит мегардад, ки якшаба ранҷашро бо ду олам баркашида наметавонем. Барҳақ, мо аз ҷуброни заҳматҳои ошиқонаи ин фариштаи Илоҳӣ оҷизему нотавон. Дар ин ҳол виҷдон, бе ҳеҷ шаке, ранҷу азобамон медиҳад. Вале боз меҳри ин фаришта аз ҳама ранҷу азобамон мераҳонад. Ӯ моро боз худ ноаён меомӯзад, ки агар барои лаҳзае хотири муборакашро шод бинамоем, бо меҳр номашро бар забон бигирем, яъне, «Модар» бигӯем, аз ӯ бахшишу дуо бихоҳем, шоҳиди табассуми зебояш мешавем. Дар ин ҳол дасти дуо бармебардорад ва ин дуо фатҳу кушоишамон меораду Худоро ҳам аз мо хушнуд мегардонад.
Хоки пойи модарон зар аст, балки аз он бартар, чунки биҳишт зери қудуми онҳост. Пас, ба қадри ин фаришта бояд бештар бирасем.

Абдукарим МУСТАФОЗОДА,
сармутахассиси шуъбаи дин, танзими анъана ва ҷашну маросимҳои Дастгоҳи иҷроияи
Президенти Ҷумҳурии Тоҷикистон


Баёни ақида (0)    Санаи нашр: 07.03.2017    №: 52    Мутолиа карданд: 987

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед