logo

иқтисод

СОДИРОТ. АЗ ИМКОНИЯТҲОИ НАВ ИСТИФОДА МЕШАВАД

Яке аз самтҳои афзалиятноки сиёсати Ҳукумати ҷумҳурӣ ин мусоидат кардан ба бунёди корхонаҳо, истеҳсоли маҳсулоти рақобатпазири воридотивазкунанда ва афзудани иқтидори содиротии мамлакат мебошад. Дар доираи татбиқи ин сиёсат бо ҷалби сармоягузорони хориҷӣ ва дастгирии соҳибкорони ватанӣ сол то сол бунёди корхонаҳои ватании  истеҳсолу коркарди маҳсулоти воридотивазкунанда зиёд мегардад.

Ҷумҳурии Тоҷикистон аз соли 1994 аъзои Комиссияи аврупоии иқтисодии СММ буда, стандартҳои он барои меваю сабзавоти тару тоза ва маҳсулоти хушки онҳо дар савдои байналмилалии байни давлатҳои аъзо татбиқ карда мешаванд. Бо назардошти рушди истеҳсол ва содироти меваю сабзавот дар ҷумҳурӣ имрӯз зарурияти ҷорӣ намудани стандартҳои байналмилалӣ ва минтақавӣ пеш омадааст.
Агентии  Тоҷикстандарт  бо комиссияи ин созмон ҷиҳати истифодабарии стандартҳои кишоварзии  сифат дар регламентҳои техникӣ ва истифодаи  стандартҳо дар савдои байналмилалӣ ҳамкорӣ дорад. Дар доираи ин ҳамкориҳо аз ҷониби коршиносони Тоҷикстандарт ду лоиҳаи стандарти UNECE оид ба меваҳои тару тоза (хурмо ва биҳӣ) таҳия ва пас аз баррасӣ дар ҷаласаҳои гурӯҳи корӣ оид ба стандартҳои кишоварзии  сифат ва дастгирии давлатҳои аъзо қабул гардиданд. Ҳамкориҳо бо комиссияи мазкур барои  ҷорӣ намудани низоми нави назорати  сифати маҳсулот дар корхонаҳои истеҳсолӣ тибқи меъёрҳои байналмилалӣ, истеҳсоли маҳсулоти босифату рақобатпазир ва баланд бардоштани имконоти содиротии мамлакат мусоидат мекунанд.
Ибодулло Қурбониён, директори агентӣ, зимни суҳбат зикр намуд, ки дар самти дастгирии соҳибкорӣ бо дархости ҶДММ “Баракат Исфара” аз тарафи агентӣ стандартҳои комиссияи созмон “Себи хушк” (стандарт ЕЭК  ООН  DDP-16) ва “Олуи хушк” (стандарт ЕЭК  ООН  DDP-07) ҳамчун стандарти миллӣ қабул шудаанд. Ин амал ба корхона ва дигар содиркунандагони ин навъҳои меваи хушк имкон  медиҳад, ки маҳсулоти худро бемонеа ба бозорҳои Аврупо ворид намоянд.
Дар доираи амалӣ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон, моҳи июн гурӯҳи кории агентӣ барои таҳия ва муаррифии стандартҳои меваи хушк ва зардолуи хушк дар иҷлосияҳои  КАИ ООН дар шаҳрҳои Женева ва Тошканд иштирок карданд. Пешниҳоди  Тоҷикистон аз ҷониби ин созмони бонуфузи байналмилалӣ  қабул гардид. Маводе, ки барои пешниҳод бо иловаҳо ба стандарти  зардолуи бедонак DDP-15 дар ҷумҳурӣ таҳия гашт, аҳамияти байналмилалӣ дошта, корҳои таҳлилӣ ва ташхисиро дарбар мегирад.
Ҳамчунин, барои қабули стандарти “Зардолуи хушк” (стандарт ЕЭК ООН DDP-15) ҳамчун  стандарти  миллӣ, бо мақсади содироти минбаъдаи маҳсулот ба Аврупо дархост пешниҳод гардид. Дар ин самт намояндаи Агентии Тоҷикстандарт ва Ассотсиатсияи байналмилалии истеҳсолкунандагон ва содиркунандагони маҳсулоти кишоварзии шаҳри Исфара дар Шӯрои машваратии комиссия дар шаҳри Женева иштирок намуда, доир ба ворид намудани тағйирот ба стандарти “Зардолуи хушк” дархост намуданд. Дархости ҷониби Тоҷикистон аз тарафи комиссияи мазкур пазируфта шуд.
- Моҳи ноябри соли гузашта гурӯҳи корӣ таҳияи шакли нави стандарти зардолуи бедонакро баррасӣ карда, барои баррасӣ ба давлатҳои ҳавасманд пешниҳод намуд, ки бешубҳа, яке аз дастовардҳои муҳими мақомоти Тоҷикстандарт дар ҳамкорӣ бо истеҳсолкунандагон ва содиркунандагони меваҳои хушки Тоҷикистон ва шарикони рушд мебошад. Қабули стандарти мазкур аҳамияти минтақавӣ ва байналмилалӣ дошта, на фақат соҳибкорони Тоҷикистон, балки соҳибкорони ҳамаи давлатҳои Осиёи Марказӣ аз он баҳраманд мегарданд, - гуфт И. Қурбониён.
Матлубаи АБДУҚАҲҲОР,  «Ҷумҳурият»


Баёни ақида (0)    Санаи нашр: 09.03.2017    №: 53    Мутолиа карданд: 763

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед