logo

иқтисод

«ХОҶАОБИГАРМ» МАВЗЕИ САЁҲАТ ВА ТАБОБАТ

Бино ба гуфтаи мутахассисон, обҳои шифобахши сарзамини моро ба ду намуд: обҳои маъдание, ки тавассути ошомидан ба узвҳои дарунӣ шифо мебахшанд ва обҳои гарме, ки тавассути онҳо бо тарзҳои гуногун дардмандон табобат меёбанд, ҷудо кардан мумкин аст. Осоишгоҳҳои «Хоҷаобигарм», «Шоҳамбарӣ», «Гармчашма», «Авҷ», «Хирманак», «Тандиқул», ки обҳои гармашон аз қаъри замин ҷӯш зада мебароянд, ба бемориҳои гуногун шифо мебахшанд.
Дар байни осоишгоҳҳои номбурда «Хоҷаобигарм» яке аз машҳуртарин ва қадимтарин муассисаҳои табобатист. Дар ин осоишгоҳ тариқи оби гарм ва буғи табиӣ, ки дар тамоми олам назир надорад, даҳҳо намуди беморӣ табобат карда мешавад. 
Осоишгоҳ дар тӯли беш аз 80 соли фаъолияти хеш ҳазорон дардманду корафтодагонро шифо бахшида, дар миқёси Иттиҳоди Давлатҳои Мустақил ва берун аз он маъмулу машҳур гаштааст.
Бинои «Хоҷаобигарм» то соли 2011 таъмирталаб буд.  Вазъи бади табобатгоҳ фазои истироҳату фароғатро халалдор месохт.  Аз ин рӯ, Ҳукумати Ҷумҳурии Тоҷикистон баҳри таъмиру таҷдиди осоишгоҳ маблағ ҷудо намуд. Дар як муддати кӯтоҳ осоишгоҳ пурра аз таъмири ҷорӣ бароварда шуд. Шароити будубош ва табобату истироҳати мизоҷон ба куллӣ тағйир ёфт. Имрӯз симои осоишгоҳ батамом дигаргун гашта, сатҳу сифати хизматрасонӣ мутобиқ ба стандартҳои байналмилалӣ ба роҳ монда шудааст.
Ба гуфтаи Икром Одинаев, муовини директори генералии «Хоҷаобигарм», осоишгоҳ имкон дорад, ки дар як вақт 600 нафар истироҳаткунандаро қабул намояд. Муассиса бо таҷҳизоти муосири тиббӣ муҷаҳҳаз буда, айни ҳол дар он 140 нафар мутахассисон кору фаъолият доранд. Дар осоишгоҳи «Хоҷаобигарм» 20 намуди беморӣ табобат карда мешавад. Сайёҳон ба «Хоҷаобигарм»  бештар аз кишварҳои Русия, Арабистон, Ӯзбекистон, Эрон, Хитой ва Афғонистон ташриф меоранд.
- Таъсири буғи табиӣ ва оби шифобахши он аз замони кашф шуданаш то имрӯз диққати олимони тиб, муаррихон ва тамоми сайёҳони ҷаҳониро ба худ ҷалб намудааст. Шояд нотакрорӣ ва таъсири обҳои табиияш бошад, ки  олимон «Хоҷаобигарм» - ро яке аз мӯъҷизаҳои олам унвон кардаанд. Тибқи иттилои мутахассисон, чунин обу буғ дар кишвари Фаронса ҳам буд, аммо бо сабабҳои номаълум солҳои 20 - уми асри гузашта хушкид, - изҳор дошт табиб Умедҷон Муҳаммадраҳимов. 
Дар натиҷаи тадқиқоти илмиву лабораторӣ муайян карда шуд, ки буғи «Хоҷаобигарм» 97 ° С гармӣ дошта, дар таркиби он радон мавҷуд аст. Мувофиқи таркиби ионии хеш ба хлориди гидрокарбонат, омехтаи ка лсий бо натрий мансуб буда, дорои омехтаи сусти туршӣ ҳам мебошад.
Боду ҳавои мусоиди Варзобдара, шароити табобатию истироҳатии осоишгоҳ имкон медиҳанд, ки тамоми фаслҳои сол ба мизоҷон бо сифати баланд хизмат расонда шавад.
Дар бораи пайдоиш ва таъсири табобатии буғ ва оби шифобахши «Хоҷаобигарм» олимон дар рисолаҳои илмии худ  қайдҳои зиёд намуданд. Аз ҷумла, Шайхурраис Ибни Сино дар рисолаи «Қонуни тиб», олими форсизабони асри ХV Баҳва ибни Ҳаваси ҳиндустонӣ дар китоби «Воситаҳои табобатию минералӣ», ҷуғрофшиноси асри ХIХ рус Покатилло дар навиштаҳои хеш аз ин хусус маълумот додаанд.
 Ҳарчанд буғи тафсону оби гарми шифобахш хеле барвақт ба мардуми Осиёи Марказӣ маълум буд, аммо мардуми Аврупо танҳо дар охири асри ХIХ ба шарофати олими рус В. К. Липиский ошноӣ пайдо намуданд. Соли 1889 Липиский ба Бухорои Шарқӣ сафар карда, ин ганҷи бебаҳоро бо чашмони худ дид ва овозаи онро то ба Аврупо расонд.
Мавзеи осоишгоҳ хеле дилкаш аст. Аз ду тарафи он дарёчаҳои шӯхи кӯҳӣ, ки онҳоро мардуми таҳҷоӣ Оби Мазор ва Оби Каландӣ  меноманд, ҷорӣ шуда, дар поён ба ҳам мепайванданд. Биноҳои боҳашамати 8 ошёна, ки бо қуллаҳои сарсафеду бошукӯҳи ин мавзеъ ҳамсонанд, диққати  ҳар бинандаро ба худ ҷалб мекунанд.
Раҳматулло КАРИМОВ,
Зафар АКРАМОВ, «Ҷумҳурият»


Баёни ақида (0)    Санаи нашр: 09.03.2017    №: 53    Мутолиа карданд: 1206

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон

04.01.2019


Парвози чартерӣ дар масири Душанбе - Шарм-уш-шайх

ҶАҲОН ДАР ЯК САТР

Ҳалокати зани тоҷик ва се фарзандаш дар Магнитогорск

Ваколати нави намояндаи Тоҷикистон дар СҲШ

Аз Сурия баромадани артиши амрикоӣ оғоз ёфт

Зонди чинии "Чанъэ-4" дар Моҳ


Дар сомонаҳои дигари Тоҷикистон хонед