logo

ҳуқуқ

ИСЛОҲИ ВАЗЪ. МАҚСАД - ПЕШГИРӢ АЗ БЕҲУДАГАРДИИ НОБОЛИҒОН

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолони шаҳри Душанбе, 15 феврали соли ҷорӣ, ба масъалаи беҳудагардӣ ва афзоиши ҷинояткорӣ дар байни ноболиғон таваҷҷуҳ зоҳир намуда, ба вазоратҳои корҳои дохилӣ, маориф ва илми ҷумҳурӣ дастур доданд, ки якҷо бо дигар мақомоти дахлдори давлатӣ беҳудагардии ноболиғонро, бахусус дар интернет - кафеҳо пешгирӣ намуда, оид ба ҷалби хонандагон ба зинаи сеюми таҳсил тадбирҳои самаранок андешанд.

Бо мақсади иҷрои ин дастури Сарвари давлат Вазорати корҳои дохилӣ тариқи сомонаи интернетиаш аз падару модарон хоҳиш кард, ки дар иҷрои банди 9 қисми 1 моддаи 8-и Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» масъул бошанд ва аз шабгардӣ, ворид шудани фарзандони ноболиғашон ба марказҳои дилхушӣ (тарабхонаҳо, интернет - кафеҳо, идораҳои букмекерӣ) ҷилавгирӣ намоянд.
Дар ҳамин ҳол, таҳқиқи кормандони милитсия нишон додааст, ки то ин дам танҳо дар шаҳри Душанбе ҳар шабонарӯз ҳудуди 100  нафар ноболиғ ба марказҳои дилхӯшӣ рафта, даст ба амалҳои номатлуб мезананд. Аз ин рӯ, бо мақсади пешгирии амалҳои номатлуб ва боздоштани ноболиғон аз рафтан ба марказҳои бозиҳои компютерӣ чанде пеш аз ҷониби гурӯҳи корӣ, ба шумули кормандони Хадамоти пешгирии ҳуқуқвайронкунӣ дар байни ноболиғон ва ҷавонон, раёсатҳои ҳифзи тартиботи ҷамъиятӣ ва таҳқиқи ВКД, масъулони кор бо ноболиғони шуъбаҳои милитсияи ноҳияҳои пойтахт чорабинии мақсаднок гузаронда шуд.
Дар натиҷа, фаъолияти марказҳои бозиҳои компютерие, ки бидуни ҳуҷҷатҳои барасмиятдарорӣ дар кӯчаҳои Буни Ҳисорак, Навоӣ, Асадулло Ғуломов, Зарафшон ва Нусратулло Махсуми ноҳияи Сино ба роҳ монда шуда буданд, қатъ гардиданд. Тибқи иттилои маркази матбуоти Вазорати корҳои дохилӣ, 43 нафар барои шабона ба бозиҳои компютерии хусусияти зӯроваридошта машғул шудан, ба шуъбаи милитсия оварда шуд, ки аз ин 27 нафараш ноболиғ мебошад. Кормандони милитсия барои вайрон намудани талаботи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» нисбат ба 21 нафар падару модари ноболиғони дастгиршуда протоколҳои ҳуқуқвайронкунии маъмурӣ тартиб доданд.
Дар ҳамин ҳол, мушоҳидаҳои мо дар маҳаллаи 61-и ноҳияи Фирдавсӣ нишон дод, ки  аз 4 маркази интернетии қаблан мавҷудбуда, ду интернет - кафе фаъол буда, ҳанӯз ноболиғонро ба худ ҷалб мекунанд. Шоми 2 март тақрибан соати 2000 наврасону ҷавононро дар маркази интернетии «Дубай» машғули бозиҳои компютерии хусусияти зӯроваридошта дидем. Ин марказ, ки дорои 24 ҷойи нишаст аст, ба гуфтаи шоҳидон, то соати 22 кор мекунад. Бархе марказҳои интернетӣ, баъд аз тақвияти корҳо дар ин самт, шакли моликияти худро тағйир дода, ғайриқонунӣ ба фаъолияташон идома медиҳанд, ки боиси нигаронист.
Сафаргул АЛИМОВА, «Ҷумҳурият»


Баёни ақида (0)    Санаи нашр: 09.03.2017    №: 53    Мутолиа карданд: 728

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед