logo

ҳуқуқ

ТАЛОШ. ДАР БОРАИ МУБОРИЗА АЛАЙҲИ МАВОДИ МУХАДДИР

Қӯшунҳои сарҳадии Кумитаи давлатии амнияти миллии Ҷумҳурии Тоҷикистон талош доранд, ба манзури ҳифзи сарҳади давлатӣ, пешгирии убури ғайриқонунӣ, интиқол ва паҳншавии маводи нашъаовар бо аҳолии навоҳии наздисарҳадӣ робитаи мустақим барқарор намуда, ҳамкориро дар ин самт тақвият бахшанд.

Дар ин робита, масъулони Қӯшунҳои сарҳадӣ бо ҷалби фаъолони ноҳияҳои наздисарҳадӣ дар шаҳри Қӯрғонтеппаи вилояти Хатлон таҳти унвони «Мубориза бар зидди маводи нашъаовар аз сарҳади давлатӣ оғоз мешавад» семинари машваратӣ доир намуданд. Муҳаммад Улуғхоҷаев, роҳбари маркази матбуоти Қӯшунҳои сарҳадӣ, дар суҳбат бо хабарнигори «Ҷумҳурият» пурзӯр намудани корҳои фаҳмондадиҳӣ дар байни аҳолии минтақаҳои наздисарҳадӣ, ҷалби онҳо ба ҳимояи марзи давлатӣ, шарҳу тафсири меъёрҳои Қонуни Ҷумҳурии Тоҷикистон «Дар бораи сарҳади давлатии Ҷумҳурии Тоҷикистон», пешгирии интиқол ва паҳншавии маводи нашъаоварро аз ҳадафҳои асосии доир намудани ин нишаст арзёбӣ кард.
Насимҷон Раҷабов, сардори Раёсати муҳофизати сарҳади давлатии Сарситоди Қӯшунҳои сарҳадӣ, вазъи феълии ҳамкории аҳолӣ бо ин ниҳод, бахусус дар самти мубориза бо маводи нашъаоварро қобили тавсиф надонист. «Агар самти мубориза бар зидди маводи нашъаоварро бигирем, ҳамкорӣ бо аҳолӣ камранг аст. Мутаассифона, дар бисёр мавридҳо даст доштани сокинони маҳаллаҳои аҳолинишини наздисарҳадӣ дар муомилоти ғайриқонунии маводи мухаддир ва мусоидати онҳо ба қочоқчиён ошкор шудааст». Бо зикри ин матлаб подполковник Насимҷон Раҷабов дар амри пешигирии интиқол ва паҳншавии маводи мухаддир тақвияти ҳамкории сохторҳои марбутаи давлатӣ бо аҳолиро зарур донистааст.
Зикр шуд, ки соли 2016 зиёда аз 250 вайронкунандаи сарҳади давлатӣ дастгир гардида, баъди барасмиятдарорӣ як қисми онҳо ба намояндагони қисмҳои сарҳадии Ҷумҳурии Исломии Афғонистон супурда шуданд. Дар соҳил ва ҷазираҳои мансуб ба Ҷумҳурии Тоҷикистон бошад, зиёда аз 100 паноҳгоҳи муваққатию доимӣ муайян ва нобуд карда шуданд.
Бино ба иттилои Диловар Сафаров, муовини сардори Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон, шумораи нашъамандон дар вилоят нисбатан коҳиш ёфтааст. Бар пояи маълумоти Маркази наркологии вилоят, шумораи беморони нашъаманд бештар дар шаҳрҳои Кӯлоб, Қӯрғонтеппа, ноҳияҳои Вахш, Восеъ, Фархор, Ёвон, Ҷалолиддини Балхӣ ва Бохтар ба қайд гирифта шудааст. Бо таассуф қайд гардид, ки соли гузашта 4 сокини шаҳри Қӯрғонтеппа аз истеъмоли барзиёди воситаҳои нашъаовар фавтидааст.
Иштирокчиёни семинар бори дигар аз хатароти ҷиддии маводи нашъаовар ба генофонд ва амнияти миллӣ ҳушдор дода, иқдоми якҷоя дар ин самтро шарти асосии пирӯзӣ дар мубориза алайҳи маводи мухаддир ва пешгирии нашъамандӣ дар ҷомеа донистанд.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 09.03.2017    №: 53    Мутолиа карданд: 821

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед