logo

иҷтимоиёт

МАТБУОТИ МАҲАЛЛӢ. АЗ КАМҲАВАСИИ КАДРҲО ТО ФАРСУДАГИИ УСУЛҲОИ ИДОРӢ

Аз рӯи таҳлили коршиносон имрӯз эҷодкорони расонаҳои музофотӣ ба такмили ихтисос ниёз доранд. Ин раванд тақозои журналистикаи замони муосир аст. Дар акси ҳол, расонаҳои маҳаллӣ дар пасманзари инкишофи босуръати ВАО - и ҷумҳуриявӣ ва байналмилалӣ рақобатпазирии худро аз даст дода, рушд намекунанд.

Имрӯз норасоии рӯзноманигорони ҳирфаӣ сабаби аз равандҳои муосир қафо мондани расонаҳои музофотӣ гардидааст. Тибқи мушоҳида дар радио ва телевизион ин мушкилӣ камтар ба чашм мерасад. Аниқтараш ҳавасмандии кормандони радио ва телевизион нисбат ба рӯзномаҳо зиёд аст.
Тибқи маълумоти Вазорати фарҳанги Ҷумҳурии Тоҷикистон айни ҳол дар ҷумҳурӣ 359 рӯзнома (104 давлатӣ ва 254 ғайридавлатӣ) сабти ном шудааст. Набояд фаромӯш кард, ки ҳамаи расонаҳо хоҳ давлатӣ хоҳ хусусӣ як рисолат доранд, яъне ба вуҷуд овардани афкори омма. Аммо норасоии кадрҳо дар ВАО - и давлатии маҳаллӣ бештар аст. Илова бар ин, имкониятҳои маҳдуди молиявӣ фаъолияти ин нашрияҳоро мушкил гардонидааст.
Ба андешаи коршиносон, имрӯз қариб ҳамаи нашрияҳои музофотӣ ба мушкилот мувоҷеҳ мебошанд. Хатлон калонтарин вилояти ҷумҳурӣ буда, қариб ҳамаи нашрияҳои ноҳиявии он мушкилоти якранг доранд. Масъалаи норасоии кадрҳо дар ин минтақа бештар ба чашм мерасад. Ҳатто як қисми нашрияҳоро кадрҳои ғайриихтисос роҳбарӣ мекунанд, ки боиси қолабӣ шудани онҳо гардидааст.
Фарҳод Муъминов, сармуҳаррири рӯзномаи «Бохтар», зимни суҳбат иброз дошт, ки мушкили асосии рӯзнома кам будани сафи хонандагон мебошад. Рӯзнома аз аввали соли ҷорӣ то охири моҳи феврал ҳамагӣ 2 шумора нашр шудаасту халос. Аз 8 нафар корманд танҳо 2 нафари онҳо маълумоти рӯзноманигорӣ доранд. Маоши миёнаи кормандон 450 сомониро ташкил медиҳад, ки омили дигари камтаваҷҷуҳии кадрҳост.
Наҳтӯтӣ Алиева, сармуҳаррири нашрияи «Мавҷи Хингоб», дар як суҳбат, аз ҷумла чунин гуфт: «Мардум ба нашрияи маҳаллӣ таваҷҷуҳи зиёд доранд, вале аз набудани шароит имкони сари вақт чоп кардану расондани навигариҳоро надорем. Кадрҳои ҷавонро ба кор даъват кардем, вале ба зудӣ тарки вазифа карданд. Сабаби асосӣ кам будани маош мебошад.
Носирҷон Маъмурзода, устоди кафедраи рӯзноманигории Донишгоҳи давлатии Қӯрғонтеппа ба номи Носири Хусрав ва яке аз таҳлилгарони соҳаи матбуот, чунин мегӯяд: «Нокифоя будани захираҳои кадрӣ ва зарурат ба такмили ихтисоси ҳайати эҷодӣ яке аз мушкилоти асосии расонаҳои маҳаллӣ мебошад. Аксари муҳаррирони нашрияҳои шаҳрию ноҳиявӣ кадрҳои бозмонда аз замони шӯравӣ буда, то ҳанӯз дар кори худ усулу тарзи коргузорӣ ва ҳатто сабки эҷоди журналистикаи солҳои 70 - 80 - уми асри гузаштаро истифода намуда, дар бораи стандартҳо (меъёрҳо) - и байналмилалии журналистика, имкониятҳои нави техника, дизайни муосири саҳифаҳои нашрия маълумоти кофӣ надоранд. Дар аксари нашрияҳо менеҷменти хуб роҳандозӣ нашуда, масъулон дар пешбурди сиёсати худ ба мушкилӣ дучор меоянд».
Ба қавли коршиносон метавон чанд мушкилеро номбар кард, ки монеи рушди расонаҳои хабарӣ ва таъмини амнияти иттилоотӣ дар вилояти Хатлон шудаанд. Инҳо норасоии кадрҳои ҳирфаӣ ва пешбурди кор бо усулҳои куҳнашудаи идорӣ дар ВАО; тағйир наёфтани сиёсати редаксионии онҳо вобаста ба талаботи рӯз ва ба талаботи стандартҳои журналистикаи муосир мувофиқ набуданашон; ба роҳ монда нашудани менеҷменти дуруст, истифода ё ҷалб карда натавонистани манбаъҳои алтернативии даромади молиявӣ; заъфи иқтидори фаннии чопхонаҳои маҳаллӣ ва дар берун аз ҳудуди вилоят чоп шудани теъдоде аз нашрияҳои вилоятӣ; вуҷуд надоштани рӯзнома, дер чоп шудани нашрияҳои маҳаллӣ ва теъдоди хеле ками онҳо мебошанд.
Абдумуъмин Қутбиддинов, мудири кафедраи журналистикаи байналмилалии ДМТ, зимни як мизи мудаввар, ки дар ноҳияи Рашт доир гардида буд,  аз дирӯзу имрӯзи матбуоти ин минтақа чунин ибрози назар кард: «Нарасидани кормандони болаёқат, тарроҳии пасти саҳифаҳо, надоштани сомонаи расмӣ дар интернет, истифодаи ками акс, бо маводҳои бегона ва калонҳаҷм пур кардани саҳифаҳо, аз рӯзнома ба ҳафтаномаю моҳнома табдил ёфтан, таваҷҷуҳи ками мақомотҳои маҳаллӣ ва амсоли инҳо боиси паст шудани нуфузи нашрияҳои музофотӣ дар ин ва дигар минтақаи ҷумҳурӣ гардидааст».
Таҳлилгарони соҳа бар ин назаранд, ки расонаҳои музофотӣ барои рақобат кардан дар самти иттилоърасонии фаврӣ бояд варианти телефонии сомонаҳои худро таъсис диҳанд. Ҷорӣ намудани ҳаққи қалам низ барои ҷалби кадрҳо ба манфиати кор аст. Ин ҳам дар ҳолест, ки ҳоло ягон нашрияи музофотӣ сомона надорад. Ҳаққи қалам низ қариб, ки нест.
Лашкар ШАРИФЗОДА, “Ҷумҳурият”


Баёни ақида (0)    Санаи нашр: 10.03.2017    №: 54    Мутолиа карданд: 798

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид


Дар сомонаҳои дигари Тоҷикистон хонед