logo

фарҳанг

ВАО. ЗАБОН ВА ТАРЗИ БАЁН БОЯД НАМУНА БОШАД

Дар замони муосир рӯзноманигорон яке аз тарғибгарони забон ва адабу фарҳанги миллати тоҷик ба шумор мераванд, зеро ҳамарӯза тавассути рӯзномаю маҷаллаҳо ва барномаҳои гуногуни радоиву телевизион навиштаю гузоришҳои онҳо пахш гардида, дастраси мардуми кишвар мегарданд. Бо пахши хабару гузоришҳо аҳли қаламу эҷод ду вазифа ё масъулияти хеле муҳимеро дар ҷомеа бар дӯш доранд.
Аввалан, дар расонидани хабару ҳодиса ва воқеаҳои доғи рӯзи ҷаҳон ба мардум ва сониян, бо навиштаҳои худ дар рушди забони тоҷикӣ ва тарғибу риояи меъёрҳои он саҳми муҳиме мегузоранд. Азбаски инсони ҷаҳони муосир ба гирифтани иттилои фаврӣ ниёз пайдо кардааст ва барои ба даст овардани он аз технологияи иттилоотӣ, сомонаҳои гуногун ва радиову телевизион зиёдтар истифода менамояд, рӯзномаҳо дар баробари пахши иттилоот бештар ба масоили таҳлилӣ сару кор мегиранд.
Бояд зикр кард, ки дар забони васоити ахбор, махсусан телевизион ва матбуот меъёрҳои имлои забони тоҷикӣ ва ҳусни баёни тоҷикӣ бояд риоя гардад, зеро аксари насли наврас  забонро тавре зикр кардем, аз ВАО меомӯзад. Бинобар ин, забони ВАО яке аз омилҳои муҳим ва таъсирбахш дар омӯхтани қоида ва меъёрҳои забони тоҷикӣ ба шумор меравад.
Агар дар солҳои қаблӣ доир ба забони матбуот маводи камтаре дастрас бошад, имрӯз намунаи беҳтарини онро дар суханронӣ дар ҷаласаҳои гуногун, суҳбату мулоқотҳо, Паёмҳо ва асару мақолаҳои интишорнамудаи Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон мушоҳида карда метавонем. Дар ин замина, ҳар як рӯзноманигорро мебояд, ки дар баробари тарғибу ташвиқи сиёсати хирадмандонаю ваҳдатгароёнаи Сарвари давлат аз забон ва тарзи баёни ӯ низ файз бардорад ва дар ҳифзу нигаҳдошти забони тоҷикӣ саҳмгузор бошад.  
Дар замоне ки давлату Ҳукумати кишвар, хоса Президенти мамлакат муҳтарам Эмомалӣ Раҳмон ба рушду инкишофи забони тоҷикӣ ба ҳайси яке аз унсурҳои муҳими Истиқлолияти давлатӣ таваҷҷуҳи хосае зоҳир менамояд, мо набояд дар навиштаҳою барномаҳои худ ба ғалатҳою иштибоҳоти савтию луғавӣ ва наҳвию услубӣ роҳ диҳем ва нисбат ба ғамхориҳои бепоёни Сарвари давлат ва ҳомии забони модарӣ бепарвоӣ зоҳир намоем. Ҳамчунин, Қоидаҳои имлои забони тоҷикиро, ки Ҳукумати Ҷумҳурии Тоҷикистон тасдиқ кардааст, бояд риоя бикунем ва ба забони модарии худ чун ба як ганҷи бепоён арҷу эҳтиром гузорем. 
Бинобар ин, масъулони соҳаи ВАО-ро зарур аст, ки ба забони ровиёни барномаҳо ва навиштаҳои хабарнигорону рӯзноманигорон таваҷҷуҳи бештаре зоҳир намоянд ва дар тарғибу ташвиқи забони тоҷикӣ, риояи меъёрҳои савтию луғавӣ, наҳвию услубӣ ва ҳусни баёни он масъулияти бештаре дошта  бошанд.
Дар ҳамин замина, пешниҳод мешавад, ки роҳбарони ВАО ва марказҳои пахши хабару иттилоот бояд дар муассисаҳои худ бо ҷалби мутахассисони забоншинос дарсҳои омӯзиши қоидаҳои забони тоҷикиро ба роҳ монанд ва ҳангоми ба кор қабул намудан ва ё аз аттестатсия гузаронидани кормандон донистани қоидаҳои забони тоҷикиро аз ҳар кадоми онҳо ба таври ҷиддӣ талаб намоянд. Дар ин сурат мо метавонем дар инкишофи забони модарии хеш саҳми назаррасе гузорем ва мондагории онро дар саҳифаҳои таърихи минбаъдаи миллати тоҷик таъмин намоем.
Муҳаммаддовуди САЛОМИЁН, устоди ДМТ


Баёни ақида (0)    Санаи нашр: 10.03.2017    №: 54    Мутолиа карданд: 808

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед