logo

иҷтимоиёт

ЗИНАТУЛЛОҲ ИСМОИЛЗОДА: «АЗ ШЕВАҲОИ НАВ КОР БИГИРЕМ»

Яке аз воқеаҳои муҳим дар фазои иттилоотии кишвар  ин бо иштироки Пешвои миллат муҳтарам Эмомалӣ Раҳмон ба фаъолият пардохтани Академияи воситаҳои ахбори оммаи Тоҷикистон мебошад. Аз фаъолияти он як сол сипарӣ шуд. Таъсиси академия дар фаъолияти ВАО - и  кишвар чӣ дигаргунӣ ворид намуд?
Дар арафаи Рӯзи матбуот  хабарнигори рӯзнома оид ба ин мавзӯъ бо Зинатуллоҳ  Исмоилзода, директори Академияи ВАО  суҳбат орост, ки фишурдаи онро пешкаши хонандагон менамоем.
- Бигӯед, ки Академияи воситаҳои ахбори омма фаъолияти худро дар кадом самтҳо роҳандозӣ менамояд?
-  Академия, аслан,  ба хотири бозомӯзӣ ва такмили ихтисоси кормандони  ВАО - и Тоҷикистон таъсис дода шуд. Таҷриба собит менамояд, ки имрӯз воситаҳои ахбори оммаи ҷаҳонӣ ба такмили ихтисос ва бозомӯзии кормандонашон таваҷҷуҳи хоса доранд. Ҳатто, дар баъзе кишварҳо роҳбарони ВАО  30 - 40  дарсади буҷети солонаи расонаҳояшонро барои такмили ихтисос ва бозомӯзии кормандон харҷ менамоянд. Аз ҷониби дигар, дар шароите, ки фазои иттилоотии кишварро теъдоди зиёди  шабакаҳои телевизионӣ, радио ва матбуоти даврӣ бо маводи гуногун пур мекунанд, бешубҳа тарзи пешниҳоди мавод, таҳияи барномаҳо, гуфторҳои радиоӣ  мутахассисони баркамолро тақозо менамояд. Аз ин нуқтаи назар, кормандони ВАО, пеш аз ҳама, ба такмили ихтисос ниёз доранд.
Аммо ин танҳо як самти фаъолияти академия аст. Самтҳои дигари фаъолияти мо ҳамкорӣ бо факултетҳои журналистикаи донишгоҳу донишкадаҳои олӣ ва гузарондани назарсанҷиву  маниторингҳо  мебошад.

- Пешвои миллат дар маросими ифтитоҳи академия, аз ҷумла таъкид намуда буданд, ки «он бояд ба такмили барномаҳои телевизион, боз ҳам беҳтару ҳадафрас намудани гуфторҳои радио ва ба меъёрҳои муосир мутобиқ гардондани фаъолияти матбуотӣ даврӣ мусоидат намояд».  Дар ин росто чӣ корҳо иҷро карда шуданд?
- Ҳама он корҳое, ки то ин дам Академияи ВАО анҷом додааст, ба хотири беҳ гардидан ва ба талаботи муосир мувофиқ намудани  сифати маводи чопӣ, барномаҳои радиову телевизион  аст.
Зеро, бинандагон имрӯз имкони тамошои садҳо шабакаи телевизиониро доранд.Табиист, ки онҳо шабакаҳои ҷаҳониро ба шабакаҳои телевизионии кишвар қиёс мекунанд. Дар ин миён  танҳо шабакае  метавонад муваффақ бошад, ки маводи телевизионии  хубро ба бинанда пешкаш намуда тавонад. Ҳоло дар масъалаи  дизайн ва  тарзи  пешниҳоди барномаҳо эродҳо зиёданд. Ба  ин хотир, мо барои рассомон, таҳиягарону дизайнерони шабакаҳо машғулияти махсус доир намудем, то онҳо ба тарзи наву хубтари  пешниҳоди барномаҳои телевизионӣ муваффақ  шаванд. Мақсад  аз ташкили курсҳои бозомӯзӣ ва такмили ихтисоси кормандони ВАО низ ҳамин аст.
Зимни ифтитоҳи академия эроди ҷиддӣ, ин кам таваҷҷуҳ доштан ба журналистикаи соҳавӣ буд. Ҳангоми таҳияи барномаҳои  иқтисодӣ, фарҳангӣ ё тиббӣ, мутаассифона, ҳамкасбони мо ба камбудиҳо роҳ медиҳанд. Истифодаи факту рақам ва далелҳо дар сатҳи баланди касбӣ нестанд. Ба хотири ҳалли ин мушкил барои кормандони ВАО, дар шаҳрҳои Хоруғ ва Хуҷанд  машғулиятҳои тарзи дурусти таҳияи гузориш, барномаҳои иқтисодӣ ва иҷтимоӣ гузаронда шуд, ки аллакай самараи чашмрас дода истодааст.

- Таваҷҷуҳи роҳбарони воситаҳои ахбори оммаи кишвар ба масъалаи бозомӯзии кормандонашон чӣ гуна аст?
- Қаблан ба ин масъала таваҷҷуҳ кам буд. Баъди гузарондани курсҳои бозомӯзӣ бо кормандонашон муносибати роҳбарони ВАО ба масъала  тағйир ёфт. Ҳоло роҳбарони расонаҳо ба мо худашон муроҷиат менамоянд, то ба кормандони онҳо  курси   махсуси омӯзишӣ роҳандозӣ намоем. Яъне, муносибати роҳбарони ВАО  ба бозомӯзии  кормандонашон тадриҷан дигар шуда истодааст,  ки ин хеле хуб аст. Зеро ҳар ВАО - е, ки мехоҳад таъсиргузор бошад  ва дар фазои иттилоотӣ мавқеи  хосро соҳиб гардад, дар навбати аввал, ба бозомӯзии кормандонаш кӯшиш мекунад.
Ҳоло замоне фаро расида, ки  роҳбарони ВАО муносибаташонро ба кормандонашон дигар мекунанд. Онҳо кормандеро муҳим медонанд, ки саводи комил, дониши фарох дошта, тавонад, чизе нависад ва ё таҳрир кунад, ки он расонаро муаррифӣ намояд. Яъне, мақсад танҳо ҷойҳои муайянро нигоҳ доштан ба хотири касе ё чизе аз байн рафта истодааст. Тақозои  бозори иқтисодӣ  ин чизҳоро  аз байн мебарад. Акнун шеваҳои нав рӯи кор омадаанд.
Ба ин хотир, бояд мутахассисоне дошта бошем, ки сипари боэътимоди  иттилоотии кишварамон бошанд. Аз ин рӯ, нақша дорем, ки консепсияи нави бозомӯзӣ ва такмили ихтисоси кормандони ВАО - ро роҳандозӣ кунем ва бо ҷалби коршиносони дохиливу хориҷӣ силсилаи машварату  омӯзишҳоро дар мавзӯъҳои «Таҳкими амнияти иттилоотӣ ва омода будан ба паёмадҳои   ҷангҳои иттилоотӣ» ва «Омода намудани мутахассисон дар шароити ҷаҳонишавӣ» амалӣ намоем.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 10.03.2017    №: 54    Мутолиа карданд: 821

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед