logo

иқтисод

ГЕОЛОГИЯ. ҶАЛБИ ҶАВОНОН ДАР МАДДИ АВВАЛ

Аз замони соҳибистиқлолӣ ҳафт бор дар ҷумҳурӣ бо ибтикори  Саридораи геологияи назди Ҳукумати ҷумҳурӣ Слёти геологҳои ҷавон баргузор шудааст. Имсол Саридораи геология иқдом гирифтааст, ки Слёти 8 - уми геологҳои ҷавонро бахшида ба 20 - солагии Ваҳдати миллӣ ва Соли ҷавонон эълон гардидани соли 2017 дар шаҳри Ваҳдат баргузор намояд.

Мақсад тарғибу ташвиқи соҳаи геология ба насли наврасу ҷавон ва  ҷалби таваҷҷуҳи онҳо ба ин соҳаи афзалиятнок мебошад. Ба ҷамъомад хонандагони синфҳои 8, 9 ва 10 – и мактабҳои таҳсилоти миёнаи умумии шаҳру ноҳияҳо, ки ба омӯзиши илми соҳаи геология шавқу рағбати бештар доранд, ҷалб карда мешаванд. Ташкили мусобиқа ва озмуни вобаста ба илми геология дар ҳузури олимон ва коршиносон имкон фароҳам меоварад, ки толибилмон маҳорату истеъдоди худро дар доираи шартҳои озмун, масалан, посух ба суолнома, интихоби бошишгоҳи саҳроӣ ва васл кардани хаймаи геологӣ, донистани қоидаҳои техникаи бехатарӣ, ташхиси минералҳо ва ҷинсҳои кӯҳӣ, шустани таҳшинҳо, гидрогеология, палеонтология, нафту газ, хатсайри геологӣ, буриши геологӣ, инчунин озмунҳо оид ба ёдгориҳои табиии геологӣ, ҳимояи ҳисоботи геологӣ, расм ва аксҳои маводи аз санг сохташуда бо шиори «Геология ва мо» бисанҷанд. Ғолибони озмун аз ҷониби саридора бо туҳфаҳои хотиравӣ ва мукофоти пулӣ қадрдонӣ ва аз байни иштирокчиён беҳтаринҳо барои таъсиси тими ҳаштуми геологҳои ҷавони Тоҷикистон бо номи «Кристалл» интихоб карда мешаванд. Тимҳои қаблан таъсисёфта дар олимпиадаҳои соҳавии Ҷумҳурии Қазоқистон, шаҳрҳои Қазон ва Тюмени Федератсияи Русия ширкат варзиданд.
Ба гуфтаи шахси масъули Слёти геологҳои ҷавон Дилфуза Юнусова, Слёти 7 - уми геологҳои ҷавони Тоҷикистон бахшида ба 25 - умин солгарди Истиқлолияти давлатии Ҷумҳурии Тоҷикистон моҳи августи соли 2016 дар шаҳри Хоруғи Вилояти Мухтори Кӯҳистони Бадахшон дар истироҳатгоҳи «Саодат» таҳти сарпарастии Саридораи геология баргузор гардида буд. Муҳим он аст, ки бо ҷалби насли наврас ва ҷавонон ба соҳаи геология муносибати  онҳо ба табиат, ҳифз ва нигоҳдории сарватҳои табиӣ ва аз ҳама муҳим муҳаббат ба Ватани хеш комилан тағйир ёфта истодааст. Дар замони шӯравӣ низ чунин чорабиниҳо гузаронда мешуданд ва натиҷаҳои назаррас ҳам доданд. Дар соҳа кадрҳои ҷавони лаёқатманд гирд омада, аксари онҳо мутахассисони варзидаи соҳа гардиданд.  Аз ин лиҳоз, Саридораи геология тасмим гирифт, ки бо идомаи иқдоми мазкур дар тайёр кардани мутахассисони варзидаи соҳаи геология мусоидат намояд. Ҳоло ки рушди бахшҳои иқтисодию иҷтимоии кишвар ба рушди соҳаи геология, хусусан саноати кӯҳӣ вобаста аст, омӯзиши қаъри замин ва иктишофи конҳои канданиҳои фоиданок аз ҷониби геологони ҷавон ба мақсад мувофиқ мебошад. Дар робита ба ин масъала суханони Пешвои миллат муҳтарам  Эмомалӣ Раҳмон ба мавриданд, ки гуфтаанд: «Тоҷикистони азизи мо биҳишти воқеии рӯйи Замин, кишвари ганҷҳои нокушодаву табиати худодод аст. Мову шумо, бемуболиға, дар болои ганҷ қарор дорем ва ҷоиз нест, ки минбаъд муҳтоҷу дастнигари дигарон бошем».
Оҳистамоҳи ВАФОБЕК, «Ҷумҳурият»


Баёни ақида (0)    Санаи нашр: 13.03.2017    №: 55    Мутолиа карданд: 810

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед