logo

ҳуқуқ

ПРОКУРАТУРА. ДИРӮЗ ВА ИМРӮЗ

Дар саргаҳи таърихи тамаддуни ҳар як миллату халқият санаҳо ва рӯйдодҳое қарор мегиранд, ки дар ҳаёти ҳамон халқу миллат омили ҳалкунанда ва тақдирсоз гардида, бо мурури замон аҳамият ва манзалаташон бештар аён мегардад. Таърихи халқи тоҷик бузургтарин рӯйдодҳои сиёсию фарҳангиро дарбар гирифта, тамаддунсоз ва оламшумул гаштааст.
Тӯли беш аз ҳазор сол халқи тоҷик пайваста барои эҳёи давлати миллии худ ва соҳибистиқлол гаштани он талош мекард. Бо ҳукми тақдир ба мо муяссар шуд, ки ормони беш аз ҳазорсолаи гузаштагонамонро дар интиҳои асри 20 амалӣ намуда, аз нав соҳиби давлати мустақили худ шавем. Миллати куҳанбунёди тоҷик маҳз ба шарофату баракати Истиқлолияти давлатии Ҷумҳурии Тоҷикистон соҳиби саҳифаи навини таърихи хеш гардида, сарнавишт ва тақдири худро дар китоби башарият бо ҳарфҳои заррин сабт намуд. Бешубҳа, шинохти Истиқлолияти давлатӣ, дарки масъулияти ватандорӣ, устувор гардондани хотираи таърихӣ дастоварди беназири халқи тоҷик ва хидмати бузурги Сарвари муаззами давлат муҳтарам Эмомалӣ Раҳмон мебошад. Имрӯз ҳар як шаҳрванди Ҷумҳурии Тоҷикистон, бидуни шак, эътироф мекунад, ки бо ибрози калимаҳои Истиқлолият ва Ваҳдат симои азизи Асосгузори сулҳу ваҳдати миллӣ - Пешвои миллат пеши назар меояд ва ҳангоми ба забон овардани номи Эмомалӣ Раҳмон рушду такомули мамлакат дар ҳаёти сиёсию иқтисодӣ, иҷтимоию фарҳангӣ, нақши ақлу заковат ва хиради ин шахсияти таърихи навини миллат ҷилвагар мешавад.
Мақомоти прокуратураи Тоҷикистон низ ҳамчун ҷузъи низоми давлатии кишвар роҳи пуршебу фароз, вале пуршарафи таърихиро тай намудааст. Таърихи он аз замони Иттиҳоди Шӯравӣ оғоз гардида, дар даврони соҳибистиқлолӣ боз ҳам рангинтару равшантар гардидааст. 14 декабри соли 1924 аз ҷониби Комитети инқилобии Ҷумҳурии Худмухтори Шӯравии Сотсиалистии Тоҷикистон қарор «Дар бораи таъсиси Комиссариати халқии адлия ва Прокуратураи давлатии ҶХШС Тоҷикистон» қабул гардид.
Баъди ташкил шудани ҶШС Тоҷикистон Прокуратураи ҷумҳурӣ таъсис дода шуда, прокуратураҳои вилоятӣ, шаҳрию ноҳиявӣ, Вилояти Худмухтори Бадахшони Кӯҳӣ таъсис ёфтанд. 20 июни соли 1933 бо қарори Кумитаи иҷроияи марказӣ ва Шӯрои комиссарони халқи ИҶШС прокуратура ҳамчун мақомоти мустақил аз ҳайати Комиссариати халқии адлия ҷудо шуда, Прокуратураи ИҶШС роҳбарии фаъолияти прокуратураҳои ҷумҳуриҳоро ба зимма гирифт. Дар солҳои аввали таъсисёбии мақомот кормандони соҳибмаълумоти соҳаи ҳифзи ҳуқуқи маҳаллӣ камшумор буда, бо гузашти вақт сафи онҳо пурра гардонда шуд. Солҳои Ҷанги Бузурги Ватанӣ кормандони прокуратураи ҷумҳурӣ дар ғалаба бар фашизм саҳми босазо гузошта, ҳам дар ҷабҳа ва ҳам дар ақибгоҳ аз худ мардонагию шуҷоат нишон додаанд. Роҳи тайнамудаи мақомоти прокуратура дар солҳои баъдиҷангӣ низ басо рангину ибратомӯз аст.
Касби Истиқлолияти давлатӣ боиси рушду инкишофи минбаъдаи мақомоти прокуратураи кишвар гардид. 14 марти соли 1992 ба Конститутсияи Ҷумҳурии Тоҷикистон тағйирот дар хусуси аз ҷониби Шӯрои Олии мамлакат таъйин гардидани Додситони генералии Ҷумҳурии Тоҷикистон ворид гардида, Нурулло Ҳувайдуллоев аввалин Додситони генералӣ таъйин шуд. Худи ҳамон рӯз дар асоси Қарори Шӯрои Олӣ лоиҳаи Қонуни Ҷумҳурии Тоҷикистон «Дар бораи Додситонии Ҷумҳурии Тоҷикистон» дар қироати аввал қабул ва ба муҳокимаи умумихалқӣ пешниҳод гашт. Аз ин лиҳоз, ин рӯзи таърихӣ, яъне 14 март санаи таъсисёбии мақомоти прокуратураи Тоҷикистони соҳибистиқлол ҳисобида шуда, ҳамчун Рӯзи кормандони прокуратура ҳар сол ҷашн гирифта мешавад.
Мақомоти прокуратура дар давраи ҷанги таҳмилии шаҳрвандӣ якҷо бо дигар мақомоти ҳифзи ҳуқуқ барои таҳкими қонуният, тартиботи ҳуқуқӣ, мубориза алайҳи ҷинояткорӣ, ҳифзи ҳуқуқ ва озодии шаҳрвандон, ҷорӣ намудани тартибот дар ҷомеа чораҳои зарурӣ андешида, ҷиноятҳои содирнамудаи бадхоҳони миллатро ифшо намуданд. Бо барқарор шудани ҳокимияти конститутсионӣ мақомот мубориза бар зидди қонуншиканӣ, ҷиноятҳои террористӣ ва хусусияти террористидошта, муташаккилона, коррупсия, риояи қонунгузорӣ оид ба ҳифзи моликият, меҳнат ва истифодаи заминро дар меҳвари фаъолият қарор доданд. Имрӯз онҳо дар таъмини волоияти қонун, пойдории сулҳу субот дар кишвар cаҳми фаъол гузошта, заминаи ҳуқуқии давлати демократӣ, ҳуқуқбунёд, дунявӣ ва ягонаро ҳифз карда истодаанд. Мо, кормандони мақомоти прокуратура, дар оянда низ таҳти роҳбарии Прокурори генералӣ аз сиёсати хирадмандонаю созандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон пуштибонӣ намуда, Савганди Президенти мамлакатро Савганд ва дастури амали худ ҳисобида, баҳри пешрафт, тараққиёт ва шукуфоии Ватани маҳбубамон саҳми худро мегузорем.
Хуршед ҶАББОРЗОДА, прокурори Раёсати назорати қонунӣ будани санадҳои судӣ оид ба парвандаҳои гражданӣ, иқтисодӣ, оилавӣ ва маъмурии Прокуратураи генералии Ҷумҳурии Тоҷикистон, мушовири адлияи дараҷаи 3


Баёни ақида (0)    Санаи нашр: 13.03.2017    №: 55    Мутолиа карданд: 1379

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед