logo

иҷтимоиёт

ДОЯ. ОЁ ТАРБИЯИ МУТАХАССИСОН ЗАРУР АСТ?

Тарбияи фарзанд масъулияти зиёдро тақозо менамояд. Давлату Ҳукумати кишвар бо назардошти ҳамин муҳимият бахусус тайи чанд соли охир силсилаи тадбирҳоеро роҳандозӣ намуда, ҷиҳати таъмини фазои солим барои камолоти насли наврасу ояндасоз чораҳои зарурӣ меандешанд.
Қабули Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», сохтмону барқарорсозии садҳо муассисаи томактабӣ ва таъмини шароити муосир дар онҳо аз тадбирандешиҳои муҳим дар ҳамин самт маҳсуб меёбад. Бо вуҷуди ин, ҳанӯз ҳам барои пурра фаро гирифтани кӯдакон дар муассисаҳои томактабӣ андешидани чораҳои иловагӣ тақозо мегардад. Мутахассисон бар ин назаранд, ки тарбия ва тайёр намудани дояҳо барои нигоҳубини фарзанд метавонад яке аз роҳҳои ҳалли масъалаи мавриди назар бошад.
Давраи томактабӣ давраест, ки кӯдак тавассути бозӣ ҷисман ва рӯҳан инкишоф меёбад. Аз ин рӯ,  мутахассисон таъкид менамоянд, ки доя  бояд ҳамчун шахси боэътимод ва  масъулиятшинос тавсифнома дошта бошад. Аз нигоҳи равонӣ солим будан ва муоширати хуб карда тавонистани доя низ ниҳоят муҳим аст. Ҳамчунин, донистани   бозиҳои интеллектуалӣ – фикрӣ ва  таълимӣ барои дояҳо ҳатмӣ  дониста мешавад. Зеро ба андешаи коршиносон бо шарофати бозиҳои гуногун дар тифл унсурҳои аввалини худхизматрасонӣ пайдо шуда, дар ҳамин давра ҳисси маърифатнокиву кунҷкобияшон зиёд  мегардад.  Аз ин нуқтаи назар, бояд, пеш аз ҳама, худи  дояҳо омӯзонида шаванд, то соҳиби маълумоту таҷрибаи кофӣ гарданд.
Муҳаммадулло Давлатов, устоди Донишгоҳи миллии Тоҷикистон мегӯяд:  «Чунин нафарон бояд аз дунёи кӯдакон огоҳ бошанд. Вақте  кӯдак «ман» - и  худашро истифода мебарад, хусусияти мустақилияташ  шакл  мегирад.  Хусусан дар давраи томактабӣ, ки  аз  сесолагӣ шурӯъ мегардад.  Доя бояд аз саволҳои бешумори кӯдак  ғазабнок нашуда, ба онҳо дуруст ҷавоб диҳад то ҷаҳонбинии кӯдак  васеъ гардад. Кӯшиш намоянд, ки муоишрати дуруст ва ҷаҳонбинии кӯдакро шакл ва рушд диҳад. Зеро ҳар  чизе, ки кӯдак дар ин сину сол омӯхт, заминаи барои солҳои минбаъдааш мебошад.
Аммо, ҳоло  на ҳама  волидоне, ки барои фарзандашон  доя  киро кардаанд, аз  фаъолияти онҳо  қаноатманданд.
Нурулло Саидов,  сокини шаҳри Душанбе,  иброз медорад, ки 3 сол аст писарчааш дар боғчаи «Олуча» - и ноҳияи Сино тарбият мегирад. Аммо, ният дорад, ки дояи боэътимод, донандаи хуби забонҳои хориҷиро ёфта, тарбияи фарзандашро дар хона ба роҳ монад. Вале, то ҳол  чунин нафарро  пайдо накардааст. 
Аксари онҳое, ки мехоҳанд, тарбияи кӯдакашонро ба доя супоранд, андеша доранд, ки на ҳамаи муассисаҳои томактабӣ дорои кадрҳои болаёқатанд ва аз уҳдаи тарбияи фарзандашон баромада метавонанд. Пас   саволе ба миён меояд» «Оё доя, ки тарбияи фарзандамонро ба ӯ бовар мекунем, аз  уҳдаи ин кор баромада метавонад?»
Шаъбон Ализода, сокини ноҳияи Шоҳмансури шаҳри Душанбе, иброз медорад:  «Тӯли ҳашт моҳ шуд, ки дар хона ба кӯдакам доя гирифтаам. Ба назар мерасад, ки таҷрибааш  дар соҳа кам аст. Ҳарчанд бо забони русӣ хуб муошират мекунад, аммо маълумоти олӣ  надорад.»
Тибқи маълумоти Вазорати маориф ва илм дар муассисаҳои таҳсилоти олии касбии ҷумҳурӣ, ки аз рӯйи ихтисосҳои  омӯзгорӣ мутахассис омода мекунанд, тибқи Таснифоти давлатии равия ва ихтисосҳо дар Ҷумҳурии Тоҷикистон (бо Қарори Ҳукумати Ҷумҳурии Тоҷикистон аз 30.06.2007, № 349 тасдиқ шудааст) ихтисосҳои таҳсилоти томактабӣ, равоншиносӣ амалӣ ва таҳсилоти томактабӣ, педагогикаи иҷтимоӣ амал мекунанд, ки дар онҳо мутахассис омода карда мешавад. Вале, Таснифоти давлатии равия ва ихтисосҳо ихтисоси алоҳида маҳз бо номи «доя» вуҷуд надорад».
Аслан, фаъолияти  доягӣ дар кишвари  мо ҳоло рушд накардааст. Шахсияти дояро  омӯхта,  дар борааш  маълумот ба даст овардан,  кори хеле мушкил аст. Аз ин рӯ, волидон  ҳангоми  интихоби доя  мушкилӣ  мекашанд. Дар баъзе ҳолатҳо интихоби дуруст карда наметавонанд.
Аз ин рӯ, ва ба хотири рафъи мушкилӣ онҳо зарур медонанд, ки  дар донишгоҳе  шуъбаи доя таъсис  дода шавад.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 14.03.2017    №: 56    Мутолиа карданд: 576

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед