logo

фарҳанг

ШАҲРИ ТУРСУНЗОДА МИЗБОНИ НАВРӮЗ

То таҷлили ҷашни Наврӯз рӯзҳои башумор мондааст. Бо мақсади дар сатҳи баланд таҷлил намудани Ҷашни Наврӯзи байналмилалӣ дар шаҳри Турсунзода бо истифода аз тамоми имкониятҳои мавҷуда омодагӣ  бомаром идома дорад. Бо назардошти он, ки шинондани ниҳолу дарахт, тозаю озода намудани кӯчаю маҳалла ва шафати роҳҳо яке аз суннатҳои Наврӯзи Аҷам ба ҳисоб меравад, сокинони шаҳр дар ин раванд фаъолона ширкат меварзанд.
- Дар асоси нақшаю чорабиниҳои мақомоти иҷроияи ҳокимияти давлатии шаҳри Турсунзода  дар якҷоягӣ бо корхонаю ташкилот, муассисаҳо, ҷамоатҳои шаҳраку деҳот ва сокинони он дар ҳудуди тамоми шаҳраку ҷамоатҳои деҳоти шаҳр, кӯчаю маҳалла, оромгоҳҳо, шоҳроҳи  Душанбе – Турсунзода ҳамарӯза ҳашари умумишаҳрӣ ташкил карда мешавад.  Дар макони баргузории чорабинӣ - варзишгоҳи «Металлург» корҳои таъмириву тармимӣ ва ободонӣ босуръат идома дорад, -  гуфт Фирӯз Холиқов, котиби ситоди «Наврӯз – 2017».
Дар шоҳроҳи Душанбе  - Турсунзода ва тамоми қаламрави шаҳр  ҷиҳати таъмини тозагӣ ва кабудизоркунӣ  ҳашару шанбегиҳо баргузор гардида, шинондани гулу буттаҳои ороишӣ ва корҳои ободонӣ вусъат меёбанд.  Дар доираи баргузории 120 рӯзи кабудизоркунӣ ва хуррамгардонӣ, ки ба пешвози ҷашнҳои Наврӯз ва 20 - солагии Ваҳдати миллӣ эълон гардидааст, то имрӯз бо ҳамдастӣ бо шуъбаи ҳифзи муҳити зисти шаҳр зиёда аз 53 ҳазор  гулҳои рангоранги  садбарг, ниҳолҳои сояафкану ороишии мавсимию доимӣ  шинонда шуд. Инчунин, дар гармхонаҳои Муассисаи хоҷагии манзилию  коммуналии шаҳр беш аз 200 ҳазор  гулҳои гуногуни ороишӣ парвариш ёфта истодааст, ки дар гулгаштҳои шаҳр шинонда мешаванд.
Ҳамчунин, дар шафати роҳи Душанбе – Турсунзода, маркази кӯчаю маҳаллаҳо айни ҳол зиёда аз 2500 метри мукааб шиору овезаҳо ва расмҳои идона, ки таҷассумкунандаи таъриху  суннатҳои Наврӯзӣ мебошанд, насб  гардида, ин раванд идома дорад. Тамоми қаламрави шаҳр бо Парчами давлатӣ  оро дода шудааст.  Дар доираи корҳои ободонӣ  22 бинои истиқоматии баландошёна таъмир ва рангу бор карда шуд, ки  ба шаҳр ҳусни тоза зам намуд. Ҷиҳати дар сатҳи баланд пешвоз гирифтани Наврӯз ифтитоҳи 6 иншооти ҷашнӣ ба нақша гирифта шуда,  барои анҷоми онҳо  корҳои сохтмонӣ  идома доранд. Саҳми сокинони маҳаллӣ дар иҷрои ин корҳо назаррас мебошад.
Бо мақсади ташкил намудани намоиши асарҳои рассомон таҳти унвони «Тоҷикистон Ватани Наврӯз аст»  дар Осорхонаи марказии шаҳр ҷиҳати омода кардани гӯшаҳои махсус корҳо ҷараён доранд.  Даври аввали озмуни «Ҷашни Наврӯз дар тасаввури кӯдакон» дар муассисаҳои таълимии томактабӣ баргузор шуд.
Ҷиҳати баргузории озмунҳои «Дастурхони наврӯзӣ», «Кадбонуи беҳтарин»,  «Ороиши  суфраи наврӯзӣ», «Арӯси Наврӯз»  корҳои ташкилӣ ва омодагӣ дар ҷараён аст.  Озмуни ҷумҳуриявии «Арӯси Наврӯз» ва Фестивали либосҳои миллӣ таҳти унвони «Моҳпайкари Наврӯз» байни донишҷӯёни муассисаҳои таҳсилоти миёна ва олии касбӣ роҳандозӣ гардид. Бо ташаббуси раиси шаҳр ҷиҳати  баланд бардоштани рӯҳияи идона ва густариши ободиву созандагӣ дар шаҳр мусобиқаи ҷамоати деҳот ва раиси маҳаллаи беҳтарин эълон гардид, ки сокинони деҳот дар мусобиқа ширкати фаъолона доранд. Ғолибони  ҷамоати беҳтарин бо  нақлиёти сабукрав ва раисони маҳаллаҳои беҳтарин бо туҳфаҳои пулӣ қадрдонӣ мегарданд.
Ҳадаф қабл аз ҳама арҷгузорӣ ба фарҳанги оламшумули тоҷикон, равнақ додани корҳои ободонию созандагӣ ва дар сатҳи баланду хотирмон таҷлил намудани Ҷашни Наврӯз мебошад.
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 14.03.2017    №: 56    Мутолиа карданд: 650

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед