logo

иҷтимоиёт

КИРОЯКОРОН. АЗ ҲУҚУҚИ ОНҲО ҲИМОЯ НАМЕКУНЕМ, ЧАРО?

Матолиби  “Аз  пардохти маблағҳои нақдӣ кӣ нафъ мебинад?” («Ҷумҳурият» шумораҳои 16 апрел  №74 (22 896) ва 27 майи соли 2016 № 101 (22 923), дар хусуси он нақл мекарданд, ки ҳуҷҷатгузории баъзе муассисаҳои хӯроки умумии шаҳр  ба талаботи рӯз ҷавобгӯ нестанд. Дар қисман ошхонаҳо, “Тезтайёр”-ҳо, дуконҳои мавсимӣ ҳуқуқҳои кироякорон (коркунони муваққатӣ) поймол гардад ҳам, кироякорон, гӯё шикоятҳои онҳоро оид ба музди кам, соатҳои барзиёди кор ва дигар қонуншиканиҳо ягон мақомот намесанҷад, ба идорае муроҷиат намекунанд.
Гап сари он меравад, ки дар аксар ошхонаҳо, “Тезтайёр”-ҳо, дуконҳои мавсимӣ ва корхонаҳои қаннодӣ коргаронро бе ягон ҳуҷҷати лозимӣ (шартномаи меҳнатӣ, маълумотнома дар бораи саломатӣ) ба кор қабул намуда, аз меъёр зиёд, яъне то 14 – 16 соат кор фармуда, музди кам – ҳамагӣ 15 – 30 сомонӣ дар як шабонарӯз медиҳанд. Ҳангоми чопи ин маводи таҳлилӣ мо умед доштем, ки масъулон далелҳои моро санҷида, дар бартараф сохтани камбудиҳои мавриди назар чораҷӯйи мекунанд. Вале аз байн 10 - 11 моҳ сипарӣ гашта бошад ҳам, мутаассифона, ягон мақомот далелҳои мақолаҳоро мавриди санҷиш қарор надода, ба рӯзнома посух нагардонд. Гӯё ин масъала аслан ҷой надошта бошад?
Ҳадаф аз дубора рӯ овардан ба ин мавзӯъ он аст, ки камбудиҳои як сол қабл вуҷуддошта ҳанӯз ҳам дар баъзе ошхонаю дукончаҳо ва муассисаҳои қаннодӣ дида мешаванд. Масалан, косаю табақшӯёни ошхонаи назди бозори  “Саховат” мегӯянд, ки аз соати 7-и саҳар ба кор баромада, то соати 22-и шаб се рӯз пайи ҳам кор карда, барои як рӯзи корӣ 30 сомонӣ мегиранд.  Онҳо соҳиби якчанд фарзанданд.  Магар соҳибони ошхонаҳои мавзеи “Саховат”, ки аксаран ҳоҷиёнанд, инсоф надоранд, ки фарзандони ин занҳои ночормондаро давоми 14 – 16 соат бесаробон мемонанд? Оё намешавад, ки рӯзи кории ин гуна занон дар ошхонаҳое, ки рӯзе ба ҳазорон нафар хизмат мерасонанд, 6 – 8 соат бошаду коргаронро дар ду баст ба кор қабул намоянд, косаю табақшӯён бо навбат кор карда, нафақаи фарзандонро ёбанду боз ду – се соати иловагӣ ба тарбияи фарзандон машғул шаванд?
Камбудиҳои ба кор қабул кардан ва аз кор ҷавоб додани кормандони кироякор (муваққатӣ) танҳо дар ошхонаҳо не, балки дар корхонаҳои қаннодӣ, самбӯсахонаҳо низ ба назар мерасад. Дар ин ҷойҳо ҳам кормандонро аз соати 5-и субҳ то 18 – 20 - и бегоҳ (дар зимистон) кор фармуда, музди ночиз медиҳанд. Ногуфта намонад, ки баъзе аз чунин корхонаҳо ба таври пинҳонӣ кор карда, аз барқ, андоз ва дигар пардохтҳои обу коммуналӣ қарздоранд ё саркашӣ менамоянд. Барои пинҳон доштани фаъолияти худ коргаронро баъзан шабона кор мефармоянд. Дар яке аз самбӯсахонаҳо сокини шаҳр Г. - ро ба кор қабул намуда, баъди ду рӯз ҷавоб доданд. Маълум шуд, ки самбӯсахона аз қувваи барқ пинҳонӣ истифода мебурдаасту бо оғози санҷишҳо фаъолияташро муваққатан қатъ намудааст. Ин гуна мисолҳо бисёранду бо овардани яке аз онҳо гуфтаниам, ки бояд мақомоти дахлдор ба зудӣ ба ин масъалаҳо дахолат намуда, ба роҳбарияти нави шаҳр ёрии амалии хешро расонанд.
Шаҳри  Душанбе ба наздикӣ чун яке аз 5 шаҳри ояндадори сайёҳии ҷаҳон пазируфта шуд. Намесазад, ки дар шаҳри зебои мо, ки бо унвони “Шаҳри Сулҳ” писандида шудааст, чунин камбудиҳо ҷой дошта бошанд!
Дар хотима ҳаминро афзуданиам, ки рӯзнома пеш аз чоп кардани мақолаҳо ва баъди интишори онҳо ба Вазорати меҳнат, муҳоҷират ва шуғли аҳолии Ҷумҳурии Тоҷикистон ва Кумитаи андози назди  Ҳукумати Ҷумҳурии Тоҷикистон муроҷиат карда буд, ки ба ин масъала аз нигоҳи идораашон рӯшанӣ андозанд. Аммо на дар вазорат ва на дар кумита ба ин масъала диққат надоданд. Гӯё ин масъалаи доғи рӯз ба онҳо дахл надошта бошад.
Мавриди зикр  аст, ки бо иваз шудани роҳбарияти  шаҳри Душанбе ва ноҳияҳои Исмоили Сомонӣ, Шоҳмансур ва Сино дар пойтахт дигаргуниҳои назаррас ба вуқӯъ пайваста, беҳбудӣ дар ободонӣ, сабзкорӣ ва санитарию гигиенӣ дида шуда, тадбирҳои мушаххас роҳандозӣ гашта истодаанд, ки мардуми пойтахт инро бо чашми сар мебинанд.
Бовар аст, ки дар радифи чунин ободкориҳо масъалаи мазкур низ аз нигоҳи масъулон дур намемонад. Пойтахт қалби Тоҷикистон ва хонаи ободи ҳар яки мову шумост. Набояд дар ҳалли мушкилоти ҳалталаб бетараф бошем!
Мирзои ФИРӮЗ, «Ҷумҳурият»


Баёни ақида (0)    Санаи нашр: 14.03.2017    №: 56    Мутолиа карданд: 638

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед