logo

сиёсат

АГАР БА ЧАШМИ ДИЛ БИНГАРЕМ...

Дар ноҳияи Тоҷикобод суҳбату вохӯриҳо бо фаъолони ҷамоатҳои шаҳраку деҳот ҷиҳати тарғибу ташвиқи нуктаҳои Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ идома дорад. Дар мулоқотҳо бештар мавзӯъҳои ваҳдат - шаҳсутуни устувори бақои давлат, соли 2017-Соли ҷавонон, рушди соҳибкории хурду миёна ва ғайра мавриди таҳлилу баррасӣ қарор мегиранд. Нодираи Маҳмадисо, раиси ноҳияи Тоҷикобод, дар суҳбат бо хабарнигори «Ҷумҳурият» андешаҳояшро перомуни Паёми имсолаи Сарвари давлат чунин баён намуд:
- Агар ба Паёми навбатии Пешвои миллат бо чашми дил бингарем, як саҳифаи нав дар таърихи миллат боз мешавад. Зеро баъди ҳар як Паёми Президенти мамлакат дар кишвари азизамон дигаргуниҳои куллӣ ба амал меоянд. Бояд гуфт, ки маҳз ваҳдати миллӣ имкон фароҳам овард, ки дар як муҳлати кӯтоҳ ба дастовардҳои назаррас ноил гардем. Мутаассифона, ҳанӯз ҳам дар байни мо нафароне ҳастанд, ки ин ҳақиқатро дарк кардан намехоҳанд. Онҳо манфиатҳои гурӯҳию шахсиашонро аз манфиати давлату миллат боло мегузоранд. Вазифаи ҳар кадоми мост, ки ҳақиқати таърихиро ба мардум фаҳмонем, то онҳо дарк кунанд, ки танҳо ваҳдат ва сулҳу оромӣ метавонад барои рушди босуръати Тоҷикистони соҳибистиқлол заминаи воқеиро таъмин намоянд.
Соли 2017 - ро Соли ҷавонон эълон намудани Пешвои миллат гувоҳи он аст, ки роҳбарияти олии мамлакат ба ҷавонон эътимоди зиёд доранд. Ҷавонони донишманду боистеъдод, ки неруи созандаи ҷомеа мебошанд, барои рушди устувори мамлакат нақши калидӣ бозида метавонанд. Ман ҳам аз зумраи он ҷавонони саодатмандам, ки Пешвои миллат бовар карда, роҳбарии як ноҳияро ба зиммаам гузоштанд. Бори масъулиятро хуб эҳсос мекунам ва пайваста пайи он талош менамоям, ки ба ин боварӣ сазовор бошам.
«Ҷавонони имрӯзаи мо, яъне насли замони истиқлол, аз наслҳои пешина бо савияи илму дониш, маърифату ҷаҳонбинӣ, сатҳи тафаккур ва одобу ахлоқ фарқи куллӣ доранд, ки ин ҳама боиси ифтихори мо мебошад». Ин суханҳо аз забони шахсе баён гардиданд, ки тамоми ҳастиашро сарфи хизмати мардум кардааст. Дар ҷавонӣ, дар як шароити барои кишварамон бисёр ногувор, масъулиятеро ба дӯш гирифт, ки мардони соҳибтаҷриба ҷуръат накарданд. Тоҷикистонро аз дами бало раҳонд ва ба як кишвари шукуфон табдил дод.
Пешвои миллат дар суханрониҳои худ ҳамеша оид ба рушди соҳибкории хурду миёна ибрози назар менамояд. Дар Паёми имсола низ ин масъала аз мадди назар дур намондааст: «Бо ин мақсад бахши хусусӣ, соҳибкории хурду миёна, бахусус, соҳибкорони истеҳсолиро, ҳамаҷониба дастгирӣ карда, ҷиҳати ҷалби сармоя дар ин самт тадбирҳои иловагиро амалӣ мегардонем ва ба фарогирии калонсолон ва занону ҷавонон бо шуғли пурсамар эътибори бештар дода, касбҳои мардумӣ, ҳунарҳои дастӣ ва кори хонагиро инкишоф медиҳем ва аз шаклҳои мавсимии шуғл самаранок истифода мебарем». Дар ноҳияи Тоҷикобод барои рушди соҳибкории хурду миёна тамоми шароит фароҳам буда, пешравиҳо ба назар мерасанд. Чун дар ноҳияи мо кишоварзӣ соҳаи асосист, бояд дар ин самт низ корҳои зиёдеро анҷом диҳем. Дар гузашта Тоҷикобод макони истеҳсоли картошкаи хушсифат ба шумор мерафт. Ҳоло мо метавонем аз ҳисоби заминҳои бекорхобида масоҳати заминҳои киштбобро васеъ намоем. Ба картошкапарварон лозим аст, ки маданияти истифодаи заминро хубтар аз худ кунанд. Ҳамчунин, пайдо намудани тухмии хушсифат ва истифодаи самараноки он ба рушди соҳа такони ҷиддӣ мебахшад.
Бовар дорем, ки мардуми шарифи Тоҷикобод Паёми имсолаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Маҷлиси Олӣ, ки барномаи сол ва чароғи ҳидояти мардуми кишвар аст, амиқ омӯхта, барои дар амал татбиқ намудани нуктаҳои он содиқона талош хоҳанд кард.
Худодод ЗАЙНИДДИН, «Ҷумҳурият»


Баёни ақида (0)    Санаи нашр: 15.03.2017    №: 57    Мутолиа карданд: 679

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед