logo

сиёсат

БО ГУЗАШТИ 20 СОЛ...

Бо гузашти 20 сол аз имзои Созишномаи умумии истиқрори сулҳ ва ризоияти миллӣ, ҳанӯз ҳам оқибатҳои харобиовари даргириҳои дохилӣ  дар Ҷумҳурии Тоҷикистон аз ёдҳо зудуда нагаштаанд. Воқеан, дар чунин вазъият роҳи расидан ба сулҳу ваҳдат саҳлу осон набуд. Ин роҳи мураккаб аз роҳкушо  ҷуръат, ҷасорат, ақлу заковат, қатъият, кордонӣ, тавоноӣ, ҳушёрӣ, зиракӣ ва таҳаммулпазириро талаб мекард.
Ана дар ҳамин лаҳзаҳои  душвор ва тақдирсоз роҳи сиёсии ба худ хоси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон моро аз парешонӣ наҷот ва ба як кишвари воҳид табдил дод. Сарвари муаззами давлат бо қотеият ва устувории бемислаш тавонист сулҳро дар сарзамине, ки ба доми ҷанг кашонда буданд, қадам ба қадам пойдор ва мардумро ба иттиҳоду ҳамбастагӣ ҳидоят намояд.
Роҳкушои ваҳдат Эмомалӣ Раҳмон  лаҳзаҳои бо мухолифон сулҳ бастан, гурезаҳоро ба Ватан баргардондан устуворӣ нишон дод. Барои ба оштии  миллӣ расидан, барои ба имзо расондани Созишномаи умумии истиқрори сулҳ ва ризоияти миллӣ се солу се моҳ зарур шуд. Дар давоми ин солҳо лаҳзаҳое низ буданд, ки ба ҳаёти Сарвари давлат хатарҳои зиёд таҳдид мекарданд. Ду моҳ пеш аз имзои созишнома ба ҷони Президент суиқасд шуд. Вале, ин ҳама душворию монеаҳо, бадбиниву хиёнатҳо ӯро аз роҳи интихобкардааш  боз надоштанд. Музокироти сулҳи тоҷикон идома ёфт ва билохира, бо талошҳои пайвастаи Сарвари муаззами давлат рӯзи 27 июни соли 1997 дар шаҳри Маскав Созишномаи умумии истиқрори сулҳ ва ризоияти миллӣ ба имзо расид.
Ҳамон рӯз фурудгоҳи Душанбе аз одам пур шуд. Бисёриҳо бо гулу гулдаста ба пешвози Сарвари давлат Эмомалӣ Раҳмон баромада буданд. Онҳо бо хоҳиши худ, бо амри дил ба ин ҷо омада, бо ҳамин восита миннатдории  худро ба Президенти мамлакат баён кардан мехостанд. Аз ҳамон рӯз эътиборан дар таърихи халқи тоҷик саҳифаи нав боз гашт. Сулҳ, ваҳдат, ягонагӣ, ҳамдилӣ  устувор гардид. Барои амалӣ гаштани орзуҳои дерина уфуқҳои  рангин дари худро кушоданд. Наздик ба як миллион  гуреза ба Ватан  баргашт ва калимаи «мухолиф» маънии манфии худро гум кард.
Акнун роҳи ваҳдат, ки чанд муддат осонгузар набуд, хатарнок нест. Дар сари ин роҳ чароғи афрӯхтаи Асосгузори сулҳу ваҳдати миллӣ - Пешвои миллат муҳтарам  Эмомалӣ Раҳмон нурафшон аст. Шуълаи ин чароғ рӯз ба рӯз равшантар гардида, қалбҳоро мунаввар месозад. Дар ин мазраъ, ки акнун тухми зӯроварӣ, кинаву адоват решакан шуда, ҳасаду ғараз, бадбинию хусумат аз байн рафтааст, ниҳоли меҳру муҳаббат, рафоқату шафқат сабзидааст, ки меваҳои шаҳдбор дода истодаанд.
Ҳоло роҳи ваҳдат, ки меъмори он Эмомалӣ Раҳмон аст, ба сӯи қасри  ваҳдат мебарад. Девори ин қаср, ки хишти аввалинашро  Пешвои миллат муҳтарам Эмомалӣ Раҳмон гузошта буд, ба бинои муҳташами истиқлол ҳусни дигар, таровати дигар мебахшад. Деворҳои  қасри ваҳдат  мустаҳкам  ва бегазанданд. Ин қасрро, ки ба боли ормонҳои чандинасраи одамизод қомат рост намудааст, бояд ҳамчун гавҳараки  чашм нигоҳ дорем. Ба ин хотир, ки он ҳамчун даъваткунандаи тамоми тоҷикони дунё ба ваҳдат, ягонагӣ, некӣ  боқӣ хоҳад  монд.
Қасри ваҳдат рамзи салтанати мамлакат ба ҳисоб меравад. Оромии  ҷомеа, фаровонии зиндагии халқ, пойдор ва одилона будани сиёсат ба  мустаҳкам будани ин қаср вобаста аст. Мавқеъ ва  нуфузи давлат, вазни сухани меъмори ваҳдат муайянкунандаи  мизони симои ин салтанат аст.  Симои салтанат бошад, ҳамеша  бо симои Президент, бо ҷаҳонбинии ӯ  муштарак аст. Вақте  сухан дар бораи ваҳдат меравад, вуҷуди моро як ҳиссиёти фараҳбахш фаро мегирад. Дар замири ин ҳиссиёт миннатдор будан аз меъмори ваҳдат, ки таърихи халқи тоҷикро ба оинаи ҷаҳон баровардааст, муҷассам аст. Қасри ваҳдат, ки  бунёдгузори он Эмомалӣ Раҳмон мебошад, ифодагари ҳамин ҳиссиёт аст.
Сулаймон ЭРМАТОВ,  нависанда


Баёни ақида (0)    Санаи нашр: 15.03.2017    №: 57    Мутолиа карданд: 711

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед