logo

иҷтимоиёт

ТАНЗИМ. ДАР ТАЪМИНИ ОН БЕТАРАФ НАБОШЕМ

Президенти Ҷумҳурии Тоҷикистон муҳтарам Эмомалӣ Раҳмон ҳангоми мулоқот бо роҳбарону фаъолон ва намояндагони сокинони шаҳри Душанбе (15 феврали соли 2017) вобаста ба танзими анъана ва ҷашну маросимҳо таъкид намуданд, ки дар фаъолияти комиссияҳои доимии шаҳри Душанбе ва ноҳияҳои он камбудиҳои зиёд ба назар мерасад ва зарур аст, ки Низомномаи комиссияҳои доимӣ мавриди баррасӣ қарор дода шавад.
Воқеан, бояд таъкид дошт, ки эродҳои Сарвари давлат аслан ба  аксарияти шаҳру ноҳияҳои кишвар дахл дорад. Вобаста ба ин зарур аст, ки дар хусуси талаботи Низомномаи комиссияи доимӣ, фаъолияти аъзои комиссия андак ҳам бошад, рӯшанӣ андохта шавад. Мақсад, албатта, дарки беҳтару бештари масъалаи мавҷуда ва рафъи камбудиҳои зикргардида мебошад.
Комиссияҳои доимии маҳаллӣ дар асоси талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” фаъолият намуда, таҳти роҳбарии умумии раисони вилоятҳо, шаҳру ноҳияҳо ва шаҳраку деҳот қарор доранд. Низомномаи комиссияҳоро маҷлиси вакилони халқ тасдиқ намуда, дар он муқаррароти умумӣ, сохтору вазифаҳои комиссия, ҳуқуқу ваколатҳои раис ва аъзои комиссия муқаррар гардидааст. Татбиқи пурраи Қонуни танзим аз қабул ва амалӣ намудани Низомномаи комиссия вобастагии зиёд дорад. Вакилони халқ вазифадоранд дар банду басти Низомномаи комиссия шароити зиндагиву имконияти мардуми деҳаву ноҳия ва анъанаҳои миллиро ба инобат гиранд.
Дар Низомномаи комиссияи доимӣ бояд корҳои мушаххаси ба зиммаи аъзои комиссия гузошташуда (талаботи моддаҳои аз 7 то 14) яъне, содда баргузор намудани маъракаҳо фаҳмо ва рӯшан шарҳ дода шуда, тавассути дастурҳои методӣ ба сокинони маҳал дастрас гардад.
Тақсимоти вазифаҳо байни аъзои комиссияи доимӣ ба тариқи зайл роҳандозӣ карда мешавад. Масалан, ходими дин, ки аъзои комиссия маҳсуб меёбад, вазифадор гардад, ки дар рӯзи маросими дафн ё гузарондани дигар маъракаҳо дар паҳлуи шахси азодор бошад ва ба ӯ роҳнамоӣ кунад. Ин ба манфиати кор хоҳад буд. 
Албатта, маълум аст, ки тибқи талаботи Қонун дар маросими ҷаноза шумораи иштироккунандагон бе маҳдудият мебошад. Маросимҳои чил ва сол ба таври ихтиёрӣ бо иштироки то 80 ва 100 нафар бо додани таом гузаронда мешавад. Ин маънои онро дорад, ки тайёр намудани таом барои шахсони бемор, солхӯрда ва аз роҳи дур омада мебошад. Теъдоди шахсони ба ҷаноза меомада маҳдуд нагардидааст.
Дар асоси талаботи Қонуни танзим шахси азодор метавонад маросими чил ва солро бо додани як таом дар моҳи шарифи Рамазон, рӯзи иди Қурбон ва вақти дигаре, ки ба баргузории соли фавтида мувофиқат мекунад, гузаронад. Ин талабот барои бе хароҷоти зиёдатӣ гузарондани он пешбинӣ гардидааст ва ба манфиати соҳиби маърака мебошад. 
Барои пурра амалӣ гардидани Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” лозим аст, ки дар қатори мақоми ваколатдор, инчунин аъзои комиссияҳои доимӣ, ҷамъиятӣ, хизматчиёни давлатӣ, омӯзгорон, соҳибкорон, ходимони дин, шахсони обрӯманд дар риоя ва корҳои тарғиботӣ беш аз пеш фаъол бошанд.
Зеро амалӣ намудани қонуни танзим ин ба низом даровардани расму ойинҳои мардумӣ, ҳимояи манфиатҳои иҷтимоии шаҳрвандон ва амалӣ намудани орзуву ормонҳои суннатии мардум мебошад. Ин масъаларо саҳл гирифтан ва бемасъулиятӣ кардан ҳаргиз раво нест.
Одинашоҳ ВАЛИЗОДА, 
мудири шуъбаи дин, танзими анъана 
ва ҷашну маросимҳои Дастгоҳи иҷроияи  Президенти Ҷумҳурии Тоҷикистон


Баёни ақида (0)    Санаи нашр: 16.03.2017    №: 58    Мутолиа карданд: 776

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед