logo

фарҳанг

ЧАКОМАИ НАВРӮЗ

Наврӯз пешонии соли нав аст, сароғози рӯзи навину ҷонофарин аст, бедории замину саодати одамин аст.
Наврӯз сарчашма аст, сарчашмаи нур, гармо, меҳр, муҳаббат, зебоӣ ва накуист.
Наврӯз оғози офариниш, рӯзи офаридани олам аст, ибтидои зиндагиву сарсабзиҳост.
Наврӯз шурӯи дурахши тозаи ахтарон асту ҳамбастагии замину осмон.
Наврӯз рӯзи офарида шудани олам, дида во кардани одам аст.
Наврӯз рӯзи падид омадани рӯшанӣ, рӯзи қатъи зулмот ва расидан ба наҷот аст.
Наврӯз рӯзи ба тахт нишастани Ҷамшед ва тобиши навини хуршед аст.
Наврӯз шодию хуррамӣ, суруру шодмонист, тантанаи зиндагонист.
Наврӯз мусиқист, тарона ва рақсу бозист, навои хушу адои дилкаш аст.
Наврӯз рӯзи адлу адолат ва додгустарист.
Наврӯз муждаи бахту саодат, сарсабзиву шукуфоӣ, фирори пириву тантанаи ҷавонист.
Наврӯз хайру баракат аст, меҳру саховат аст, фаровониву арзонист.
Наврӯз субҳ аст, субҳи ҳаёти навин, субҳи умед, субҳи бахту саодат.
Наврӯз бедории табиат, растохези ҳама мавҷудоти олам аст.
Наврӯз аҳдест, ки хасу хор гул кунад, дару девор гул кунад, ҳама олам гулрезу гулбез шавад.
Наврӯз ҷаҳони муаттар, фазои мушкбез ва замини ҳосилхез, диёри файзрез аст.
Наврӯз ҳамдаму малҳами марди деҳқон ва кулли кишоварзон аст.
Наврӯз фасли дидор, шикастани хумор ва ширинии гуфтор аст.
Наврӯз айёми лаззат аз суманак, аз ҳама гулу гиёҳ ва аз манзараҳои дилхоҳ аст, фасли намоиши ҳафтшину ҳафтсин ва ситоиши табиати нозанин аст.
Наврӯз тантанаи сулҳ аст, фасли меҳрубониву оштӣ, кинасӯзиву меҳрафрӯзист.
Наврӯз пирӯзии гармо бар сармо, зебоӣ бар зиштӣ, накукорӣ бар бадкорӣ, рӯшноӣ бар зулмот, ҳаёт бар мамот аст.
Наврӯз шукӯҳбахши ҷаҳон, нерубахши оламиён ва илҳомбахши шоирон аст.
Наврӯз фасли рӯиш, сабзиш, оғози зиндагӣ ва анҷоми сарафкандагист.
Наврӯз соли нав, фоли нав, ҳоли нав, маҷоли нав ва омоли нав аст.
Наврӯз покию тозагиву озодагист, ҳамбаста бо ободониву фаровонист.
Наврӯз тавонмандтарин неруи ҷаҳонист, пайвандсозу сулҳовари инсонҳост.
Наврӯз айёми ҳаракату нусрат, барори киштукор ва баракати дастархону файзи ҳар хонадон аст.
Наврӯз тантанаи табиат, ҳадди аълои эъҷози он ва муъҷизаи муъҷизаҳост.
Наврӯз сӯрест аз осмон то остон, нишотест барои кулли мавҷудоти олам.
Наврӯз пайвандгари дирӯзу имрӯз, мунодии фардост, пайке аз безаволист.
Наврӯз ҷашни зиндагонӣ, шодмонӣ, ҷаҳонӣ ва ҷавонию ҷовидонист.
Наврӯз шиносномаи миллати сарбаланди тоҷик аст, ифтихору шараф аст, садои доираву даф аст.
Зиҳӣ, Наврӯз!
Абдурауф МУРОДӢ


Баёни ақида (0)    Санаи нашр: 16.03.2017    №: 58    Мутолиа карданд: 653

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед