logo

ҳуқуқ

САНАДҲОИ ҲУҚУҚӢ ВА НАҚШИ ОНҲО ДАР ТАҲКИМИ ВАҲДАТИ МИЛЛӢ

Таҷрибаи зиндагӣ нишон медиҳад, ки ваҳдати миллӣ, дар ҳақиқат, муҳимтарин омили ҳастӣ, иттиҳоду ҳамбастагӣ, суботи ҷомеа ва бақои давлат аст. Ҳарчанд ваҳдатофарии миллати тоҷик собиқаи куҳан дорад, вале зарурат ва аҳамияти ин арзиш баъд аз касби Истиқлолияти давлатӣ беш аз пеш эҳсос гардид.
Инак, мо дар арафаи Ҷашни 20-солагии Ваҳдати миллӣ қарор дорем. Хушбахтона, ин ҷашни тақдирсози миллӣ дар шароите таҷлил хоҳад шуд, ки мафҳуму ормонҳои истиқлол, озодӣ, демократия барои доираҳои сиёсӣ, зиёиён ва тамоми мардуми азизи кишвар равшану мушаххас шудааст. Талошҳои ҳамагонию пурнишот барои пешрафти кишвар дар бахшҳои сиёсиву иҷтимоӣ, иқтисодию фарҳангӣ идома доранд. Дар зарфи 20 соли ахир ба шарофати ваҳдати миллӣ дар замири халқи мо бунёдкорӣ, созандагӣ ва офарандагӣ маъво гирифт. Аз ин рӯ, ваҳдати миллӣ дар баробари озодию истиқлолият ва сулҳ чун ғояи умумимиллӣ азизу муътабар буда,  дар тафаккури мардуми мо нақши қутбнаморо касб кардааст.
Қобили зикр аст, ки баъди истиқрори сулҳ ва ризоияти миллӣ ба манзури расидан ба сатҳи болотари рушди иқтисодиёт чандин санадҳои меъёрии ҳуқуқӣ ва фармонҳои Президенти Ҷумҳурии Тоҷикистон ба тасвиб расиданд. Аз ҷумла, Стратегияи паст кардани сатҳи камбизоатӣ, ки Ҳукумати Ҷумҳурии Тоҷикистон қабул карда буд, барои ба эътидол овардани вазъи иқтисодию иҷтимоӣ заминаи боэътимод гузошт.
Нақши санадҳои меъёрии ҳуқуқие, ки дар ҷараёни гуфтушуниди миёни тоҷикон ва баъдан дар Комиссияи оштии миллӣ қабул шуданд, дар таҳкими ваҳдати миллӣ хеле назаррасанд. Санади ҳамдигарбахшӣ (10 июли соли 1997), Қарори Шӯрои Олии Ҷумҳурии Тоҷикистон «Дар бораи авфи иштироккунандагони муқовимати сиёсӣ ва низомӣ дар Ҷумҳурии Тоҷикистон» (1 августи соли 1997), силсилаи қонунҳо дар бораи ҳизбҳои сиёсӣ, интихобот ба Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ, ворид намудани тағйиру иловаҳо ба Конститутсияи Ҷумҳурии Тоҷикистон заминаҳои нави ҳуқуқии ваҳдати миллиро  ба вуҷуд оварданд ва онро тақвият бахшиданд.
Дар баробари ташкилоту созмонҳое, ки барои таҳкими ваҳдати миллӣ ва сулҳу субот дар ҷомеа пайваста талош меварзанд, Шӯрои ҷамъиятии Ҷумҳурии Тоҷикистон, ки 16 сол қабл таъсис ёфта буд, нақши муассир дорад. Ин ниҳод, ки бо ташаббуси бевоситаи Президенти Ҷумҳурии Тоҷикистон муҳтарам Эмомалӣ Раҳмон созмон дода шуд, минбари муколамаи ҳизбҳои сиёсӣ ва созмонҳои давлативу ҷамъиятӣ мебошад. Шӯрои  мазкур яке аз бозёфтҳои сиёсии даврони соҳибистиқлолӣ ва институти нодири демократӣ дар миқёси минтақа ва собиқ давлатҳои  Иттиҳоди Шӯравӣ буда, вазифаи муттаҳидсозанда ва таҳкимбахшандаи ваҳдатро иҷро намуд. Принсипи асосии фаъолияти Шӯрои ҷамъиятӣ ризоияти ҷомеа дар ҳалли масъалаҳои муҳимтарини сиёсӣ, иқтисодию иҷтимоӣ, маънавию фарҳангии мамлакат мебошад, ки дар айни ҳол ҳамкории ҳокимияти давлатӣ ва ҷомеаи шаҳрвандиро низ таъмин менамояд.
Бо нигоҳе ба дастовардҳои Созишномаи умумии истиқрори сулҳ ва ризоияти миллӣ метавон гуфт, ки 27 июни соли 1997 дар таърихи навини тоҷикон ҳамчун рӯзи ғалабаи хирад ва пирӯзии ғояҳои ватандӯстӣ сабт хоҳад шуд. Ҳақиқати бебаҳс аст, ки барқарории сулҳ ва ризоияти миллӣ нуфузи Тоҷикистон ва эътибори Сарвари муаззами давлатро дар сатҳи байналмилалӣ боз ҳам зиёд намуд. Пазироии ташаббусҳои байналмилалии Президенти мамлакат аз ҷониби Созмони Милали Муттаҳид ва истиқболи гарми кишварҳои ҷаҳон аз иқдомоти ахири Сарвари давлати мо нисбат ба ҳалли масоили вобаста ба об дар ҷаҳон далели ин гуфтаҳост.
Дар ҷаҳони ҳассоси имрӯза вазифаи ҳар шахси худшиносу худогоҳ, ватандӯсту ватанпарвар аст, ки ваҳдати миллиро чун гавҳари бебаҳо ва дастоварди ниҳоят пурарзиш ҳифз намояд ва онро дар радифи дигар муқаддасоти миллиамон посу гиромӣ дорад.
Фурқат САМИЗОДА,
ёрдамчии прокурори шаҳри Ҳисор


Баёни ақида (0)    Санаи нашр: 16.03.2017    №: 58    Мутолиа карданд: 825
04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР


Дар сомонаҳои дигари Тоҷикистон хонед