logo

иҷтимоиёт

СОКИНОНИ КАМОНГАРОН СИПОСГУЗОРАНД

Ободонию зебоии қаламрави мамлакат, хусусан пойтахти он – шаҳри Душанбе  таҳти таваҷҷуҳи пайвастаи Асосгузори сулҳу ваҳдати миллӣ – Пешвои миллат, Президенти ҷумҳурӣ муҳтарам Эмомалӣ Раҳмон қарор дорад. Дар радифи гӯшаҳои дигари шаҳр  дар   маҳаллаи Камонгарони ноҳияи Сино имрӯзҳо  таъмиру сохтмони роҳҳо, рангубори бинои манзилҳои истиқоматӣ,  бунёди хати интиқоли оби ғализ ва навсозии зеристгоҳҳою хатҳои барқ бо маром идома доранд. Тайи як сол мешавад, ки рӯзномаи «Ҷумҳурият» низ ба кори ободонии сокинони маҳалла ҳамроҳ гардида,  барои ҳалли мушкилоти ҷойдошта чораҷӯйӣ менамояд.
- Барои беҳбудии   таъмини оби нӯшиданӣ, барқ, бунёди хати интиқоли оби ғализ (корез),  ҳамвору мумфаршсозии кӯчаҳо ва корҳои дигари ободонии маҳаллаи Камонгарон корҳои зиёд ба  сомон расиданд, ки дар он саҳми рӯзномаи «Ҷумҳурият» назаррас мебошад, - изҳор дошт Асрор Тӯраев, раиси маҳалла.
 Ба гуфтаи ӯ, хатҳои фарсудаю зеристгоҳҳои валангори барқӣ солҳои охир наметавонистанд 216 хонаводаро бо барқ пурра таъмин  намоянд.  Ин ҳолат боиси зуд – зуд ба вуҷуд омадани садамаҳо дар ин самт мегардид.  Таҷҳизоти се  зеристгоҳи барқие, ки дар маҳалла мавриди истифодаанд, қариб ба пуррагӣ хароб гардида буданд.  Бо  ташаббуси дастаҷамъонаи сокинон зеристгоҳҳои мазкур  навсозӣ шуда, таҷҳизоти наву пуриқтидор дар онҳо насб гаштанд. Ҳоло бошандагони маҳалла бо барқ таъминанд ва дар ин самт мушкилоте вуҷуд надорад.  Ҳарчанд зимистони вазнин дар баъзе ҷойҳо  муҷиби рух додани садамаҳо ва қатъ гардидани неруи барқ  шуд, сокинони маҳалла  чунин мушкилӣ надоштанд. Фаъолони маҳалла  Н. Шарифов, Ҳ. Назиров, Р. Зубайдов ва  С. Маҳмадов дар айёми сардӣ ҷиҳати пешгирии садамаҳои барқӣ ва мушкилоти дигар дар ин ҷода аз хонаҳои истиқоматии сокинон дидан намуда, истифодаи сарфакоронаи неруи барқро ба соҳибони хонаҳо фаҳмонданд.  Айни замон  дар ҳамбастагӣ бо мақомоти иҷроияи маҳаллии ҳокимияти давлатии ноҳияи Сино  иваз намудани 11 симчӯби хатҳои интиқоли барқ дар Камонгарон ба нақша гирифта шудааст, ки боиси беҳбудӣ ёфтани  ҳолати тақсимоти дурусти неруи барқ  хоҳад буд.
Албатта, ҳанӯз ҳам мушкилоти ҳалталаб мавҷуданд. Барои мисол, вақте мо дар кӯчаю гузаргоҳҳои маҳалла аз ҳолати роҳҳо, хатҳои обу барқ боздид намудем, сокинон аз набудани корезҳо шиква карданд.  Шаҳрванд Бозор Файзиев гуфт, ки бо вуҷуди муроҷиатҳои зиёд ба идораҳои масъул ҷиҳати бартарафсозии мушкилот чорае дида нашудааст. Бовар дорем, ки бо омадани роҳбарияти нави ноҳия дар қатори камбудиҳои дигар мушкили мо низ ҳал мешавад.
Ташрифулло САЪДУЛЛОЕВ,  «Ҷумҳурият»


Баёни ақида (0)    Санаи нашр: 17.03.2017    №: 59    Мутолиа карданд: 550

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед