logo

сиёсат

СОЗИШНОМАИ ПАРИЖ КИШВАРҲОРО БА ИҚДОМИ ЯКҶОЯ АЛАЙҲИ ТАҒЙИРЁБИИ ИҚЛИМ ДАЪВАТ МЕКУНАД

Тағйирёбии иқлим, бахусус гармшавии сайёра ба тамоми мамлакатҳо хатари ҷиддӣ дорад. Солҳои охир баландшавии аз меъёр зиёди сатҳи об барои сокинони чандин кишварҳо паёмадҳои ногуворе ба бор овард.
Дар Тоҷикистон нишонаҳои тағйирёбии иқлим дар обшавии зиёди пиряхҳо ба мушоҳида  мерасад.  Аз 14 ҳазор пиряхи Тоҷикистон, ки барои Осиёи Марказӣ аҳамияти ҳаётӣ доранд, дар давоми 30 соли охир  беш аз ҳазор пирях нест шудааст. Ин дар ҳолест, ки чанде қабл дар ҷаласаи Маҷлиси намояндагони Маҷлиси Олии Ҷумҳурии Тоҷикистон Созишномаи Париж ба Конвенсияи қолабии Созмони Милали Муттаҳид дар бораи тағйирёбии иқлим ба тасвиб расид. Хайрулло Ибодзода, раиси Кумитаи ҳифзи муҳити зисти назди Ҳукумати Ҷумҳурии Тоҷикистон, зимни баррасии санади мазкур иброз дошт, ки он 12 декабри соли 2015 дар шаҳри Париж ба имзо расида, аз тарафи Президенти Ҷумҳурии Тоҷикистон ҷиҳати тасдиқ ба Маҷлиси намояндагони Маҷлиси Олӣ пешниҳод шудааст. Мақсади тасдиқи Созишномаи Париж оид ба тағийрёбии иқлим иҷро намудани талаботи Конвенсияи меъёрии Созмони Милали Муттаҳид оид ба тағйирёбии иқлим мебошад.
Созишномаи Париж аз тарафи  104  узви Конвенсияи СММ оид ба тағйирёбии иқлим дар конфронси 21 - уми он, ки дар Париж 30 ноябри соли 2015 баргузор гардида буд, қабул шуд. Дар кори ин конфронс Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иштирок ва суханронӣ намуда, аз ҷумла иброз доштанд: «Ҷумҳурии Тоҷикистон бо назардошти эътирофи ҳаҷми зиёди партовҳои гулхонаӣ дар раванди истифодаи манбаъҳои энергетикӣ, рушди минбаъдаи соҳаи энергияи таҷдидшавандаро омили муассири коҳиши партовҳо медонад. Ба ҳамин тартиб, кишвари мо бо истифодаи пурсамари манбаъҳои барқароршавандаи энергия, алалхусус гидроэнергетика, ки ба рушди иқтисодию иҷтимоӣ, мутобиқшавии аҳолӣ ба тағийрёбии иқлим ва ташаккули «иқтисоди сабз» мусоидат менамояд, таваҷҷуҳи хос медиҳад. Ҳамзамон бо ин, бунёди иншооти гидроэнергетикӣ ба коҳиши хавфҳои офатҳои табиӣ вобаста ба об бештар мусоидат мекунад.  Аз ин рӯ, рушди соҳаи гидроэнергетика  аз самтҳои фаъолиятноки Ҳукумати Ҷумҳурии Тоҷикистон дониста мешавад».
Кумитаи ҳифзи муҳити зист бо котиботи Конвенсияи қолабии СММ оид ба тағйирёбии иқлим ҳамкории фаъол дорад. Кишвари мо гузориши сеюми худро ба котиботи конвенсия ҳанӯз соли 2014  пешниҳод карда буд. Моҳи апрели соли 2016 дар қароргоҳи СММ вазири корҳои хориҷии Ҷумҳурии Тоҷикистон санади мазкурро имзо намуд. Тибқи ин созишнома ҳамаи кишварҳо ба таъмини афзоиши ҳарорати ҷаҳонӣ ба таври назаррас камтар аз 2 дараҷа ва бо назардошти ҷиддияти хатарҳои мавҷуда - ба ҷустуҷӯи маҳдуд кардани болоравии ҳарорати 1,5 дараҷа уҳдадор шуда буданд. Татбиқи созишномаи Париж барои расидан ба Ҳадафҳои рушди устувор хеле муҳим мебошад. Созишнома ҳамчун воситаи муҳим барои сафарбар намудани дастгириҳои молиявӣ ва техникӣ, инчунин афзудани имкониятҳои кишварҳои рушдкунанда чун Ҷумҳурии Тоҷикистон ба шумор меравад. Тасдиқ шудани  созишномаи мазкур аз ҷониби Ҷумҳурии Тоҷикистон манфиати бевосита, ба мисли таълими дониш ва технология, дастгирии чораҳо оид ба пастгардонӣ ва мутобиқшавӣ ба тағйирёбии иқлим, истифодаи бештар аз манбаъҳои барқароршавандаи барқ ва баланд бардоштани устуворӣ ба тағйирёбии иқлимро дорад.
Мунаввари САФАР, «Ҷумҳурият»


Баёни ақида (0)    Санаи нашр: 20.03.2017    №: 60    Мутолиа карданд: 983

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед