logo

иҷтимоиёт

ПАЙРАВИ ПЕШВО. БАРДОШТЕ АЗ ТАШАББУСҲОИ УМЕД ВАЛИЕВ

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, зимни Паёми навинашон ба Маҷлиси Олии Ҷумҳурии Тоҷикистон ироа намуданд, ки «татбиқи босамари сиёсати давлатии ҷавонон аз рӯзҳои нахустини соҳибистиқлолӣ дар меҳвари фаъолияти Ҳукумати Тоҷикистон қарор дорад».
Воқеан, солҳои ахир маҳз бо ҳидоятҳои Пешвои миллат қадру манзалати ҷавонон беш аз пеш боло рафта, ба вазифаҳои роҳбарикунанда таъйин мегарданд. Ҷавонеро, ки алъон атрофи ҳаёту фаъолияташ ҳарф мезанем, лоиқи тамоми тавсифу ситоишҳост.
Шиносоии мо бо Умед Валиев, роҳбари филиали № 63 - и Бонки давлатии амонатгузории Тоҷикистон «Амонатбонк» дар ноҳияи Муъминобод, дар доираи иҷрои вазифаҳои хизматӣ сурат гирифт. Баҳри ба даст овардани иттилоъ дар бобати чӣ гуна роҳандозӣ шудани сиёсати қарзӣ ба бонк омадем. Дар ошёнаи аввали бино моро марди тақрибан 63-65-сола пешвоз гирифт. Худро Худойбердӣ Қурбонов муаррифӣ намуда, ба утоқаш бурд ва мақсади  омаданамонро пурсид. Чун аз ҳадафи мо огоҳ шуд, ба тавсифи роҳбари идора пардохт. Ӯ гуфт, ки тӯли собиқаи бисёрсолааш бо роҳбарони зиёд  кор кардааст, вале на ҳамаи онҳо чун Умед Валиев роҳбари бомасъулият ва соҳибистеъдод буданд.
- Умедҷон ҷавон ҳам бошад, одамияти баланд дорад. Агар яке аз зердастонаш ба мушкилие мувоҷеҳ гардад, саъю кӯшиш  менамояд, то онро базудӣ рафъ созад. Бо кормандону мизоҷон хушмуомила аст ва ҳаргиз аз доираи одоб берун намебарояд.  Хулоса, ҳама аз ӯ розианд, - тазаккур дод Қурбонов.
Умед Валиев соли 1987 дар Ҷамоати деҳоти Фархори ноҳияи Фархор дар оилаи коргар чашм ба олами ҳастӣ кушодааст. Таҳсили ибтидоиро дар зодгоҳаш гирифта, баъдан ба Донишкадаи соҳибкорӣ ва хизмати Тоҷикистон дохил шуда,  онро соли 2010 бомуваффақият хатм менамояд. Фаъолияти хешро соли 2011 аз филиали № 61-и «Амонатбонк»-и ноҳияи Фархор шурӯъ мекунад. Корро аз вазифаи иқтисодчӣ оид ба қарз оғоз карда, то ба вазифаи муовини сардор мерасад. Заҳматҳои ӯ аз назари роҳбарият дур намонд ва соли 2015 ӯро ба ҳайси иҷрокунандаи мудири филиали № 62-и «Амонатбонк» дар ноҳияи Темурмалик таъйин намуданд.  Аз соли 2016 то ин ҷониб маснади мудири филиали № 63 - и «Амонатбонк» дар ноҳияи Муъминободро ба уҳда дорад.
- Мо ҷавонони даврони истиқлолият ҳамеша пайрави сиёсати хирадмандонаю созандаи Пешвои миллат муҳтарам Эмомалӣ Раҳмон ҳастем. Ҳазорҳо шукри соҳибистиқлолию Сарвари муаззами мо, ки имрӯз барои ҷавонон тамоми шароитҳо фароҳаманд. Соли 2017-ро Соли ҷавонон эълон доштани Сарвари давлат, моро водор месозад, ки ҷавобан ба ин дастгирию ғамхориҳо, баҳри боз ҳам ободу зебо гаштани  Ватани азиз саҳми арзандаи худро бигузорем,- мегӯяд Умед Валиев.
Лоиқи зикр аст, ки қариб 80 дарсади кормандони филиал ҷавонон мебошанд ва онҳо аз ҷониби роҳбарият пайваста дастгирӣ меёбанд. Алалхусус, барои баланд бардоштани савияи тахассусии кормандони ҷавон тамоми тадбирҳои зарурӣ андешида мешаванд.
Дар маҷмӯъ, метавон гуфт, ки фаъ-олияти Умед Валиев намунаи ибрат мебошад.  Ҳангоми иҷрокунандаи мудири филиали № 62-и ноҳияи Темурмалик  буданаш бо эҳтимоми ӯ дар Ҷамоати деҳоти Қушқия маркази хизматрасонии бонкӣ қомат афрохт. Сокинони Ҷамоати деҳоти Чилдухтарони ноҳияи Муъминобод бо сабаби дурии роҳ имкон надоштанд, ки сари вақт аз хизматрасониҳои бонкӣ баҳра баранд. Баробари мудири филиали № 63 - и «Амонатбонк»-и ноҳия таъйин шудани Умед Валиев ин мушкилӣ ҳам ҳалли худро ёфт. Яъне, аз ҳисоби филиал дар ҷамоат маркази хизматрасонӣ мавриди баҳрабардорӣ қарор гирифт.  Гузашта аз ин, чунин марказ дар назди бозори марказии ноҳия низ ба истифода дода шуд.
Ёқуби СОДИҚ, «Ҷумҳурият»


Баёни ақида (0)    Санаи нашр: 22.03.2017    №: 62    Мутолиа карданд: 482

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед