logo

иҷтимоиёт

ТОҶИКИСТОН - КИШВАРИ ПЕШОҲАНГ ДАР ҲАЛЛИ МАСЪАЛАҲОИ ГЛОБАЛИИ ОБ

Боиси хушнудист, ки бо қабули Даҳсолаи байналмилалии амал «Об барои рушди устувор»,  солҳои 2018 - 2028 Тоҷикистон бори дигар ҳамчун кишвари пешоҳанг дар ҳалли масоили глобалии ҷаҳон дар меҳвари таваҷҷуҳ қарор гирифт. Дар остонаи Соли нави мелодӣ аз ҷониби Созмони Милали Муттаҳид пазируфтани боз як ташаббуси байналмилалии Тоҷикистон баёнгари нуфузи бештар касб кардани кишвари мо дар ҷаҳони муосир аст. Аз ин рӯ, эҳтирому эътироф ва пазируфтани пешниҳодоти Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон дар сатҳи байналмилалӣ, ки ҳамзамон аз ҷойгоҳи шоиста ва мавқеи сиёсии кишвар дар арсаи олам шаҳодат медиҳад, боиси ифтихори миллат аст.
Мо, тоҷикистониён, аз сероб будани сарзамини бузургамон бояд ҳамеша бифахрем. Тоҷикистон дар олам бо номи «Кишвари обҳои мусаффо» маълум буда, дар ҳудуди он 948 дарёи хурду бузург, 7 ҳазор пирях, 155 кӯли гуногунҳаҷм, даҳҳо ҳазор чашмаҳои одию маъданӣ ва обанборҳои зиёде мавҷуданд. Зиёда аз 50 дарёи бузурги манотиқи мухталифи ҷумҳурӣ, ки аз оби пиряху барф ва борону обҳои зеризаминӣ сарчашма мегиранд, дар пешбурди соҳаҳои хоҷагии халқ нақши муассир доранд.
Ин аст, ки ниёгони пуршарафи мо ба об ба дидаи эътибор менигаристанд ва таваҷҷуҳи махсус зоҳир мекарданд.  Об дар китобҳои осмонӣ низ зикр ва ба навъе тавсиф мегардад. Аз Паёмбари гиромиқадр (с) мепурсанд, ки накутарин саховат кадом аст? Зимни посух Ӯ изҳор медорад: «Саховати бештаре аз хайр кардани об нест».
Зарур аст, ки бо ҳисси ифтихор ва эҳсоси масъулият ба фарҳанги истифодабарии оби тозаи ошомиданӣ таваҷҷуҳи махсус зоҳир бинамоем ва ба қадри ин неъмати худодод бирасем. Сарвари давлат барҳақ иброз доштааст: «Арзиши об аз нафту газу ангишт ва дигар анвои сӯзишворию захираҳои энергетикӣ ҷиҳати устувории мамлакат ва минтақа кам нест».
Вобаста ба масоили ҳаётан муҳим бо ибтикори раиси ноҳияи Фархор муҳтарам Вализода Сулаймон Кабут ҷиҳати ободонӣ ва сарсабзу хуррамгардонии диёр ба кулли бошандагони ноҳия муроҷиатнома қабул гардид, ки дар байни сокинон ҳамовозии гарму самимӣ ба амал овард.
Шуъбаи маорифи мақомоти иҷроияи ҳокимияти давлатии ноҳия дар ҳамкорӣ бо бахши ҳифзи муҳити зист дар ин самт як қатор корҳоро ба нақша гирифтааст. Аз ҷумла, бо дастгирии ташкилоту идораҳои дахлдор созмон додани ҳамоиши ноҳиявӣ марбут ба эълон гардидани Даҳсолаи байналмилалии амал «Об барои рушди устувор», солҳои 2018-2028 конференсияи илмию амалӣ дар сатҳи баланд таҳия гардиданд, озмуни «Об - сарчашмаи ҳаёт» дар байни хонандагону омӯзгорони муассисаҳои таълимии ноҳия дар муҳлатҳои наздиктарин гузаронда хоҳад шуд. Аллакай дар ин самт мавзӯъҳои марбут ба об, назири  «Об - муъҷизаи бебаҳои табиат»,  «Об - асоси пайдоишу пойдории олам»,  «Об - манбаи ҳаёт», «Тоҷикистон дар саргаҳи обҳои Осиёи Марказӣ аст», «Нақши Президенти Ҷумҳурии Тоҷикистон дар тадбиқи Ҳадафҳои рушди устувори марбут ба захираҳои об» ба хонандагони муассисаҳои таҳсилоти умумӣ манзур карда шуд.
Алихон ХИДИРОВ,
корманди шуъбаи маорифи ноҳияи Фархор


Баёни ақида (0)    Санаи нашр: 22.03.2017    №: 62    Мутолиа карданд: 690

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед